Ex 38:27 - Kaqchiquel Bible

²⁷ Xrukusaj chuqa' oxk'al wolajuj quintal saqipueq richin xeruben ri kich'okolibal ri xata't ri yek'atzin chire ri jay richin ri Dios y chuqa' ri kich'okolibal ri xata't, ri xtzeqebex ri peraj tzieq chuwech. Xeruben k'a wok'al ch'okolibel richin xata't y xukusaj jubama ox-ox arroba saqipueq chike chikijujunal ri ch'okolibel.

Ex 38:27 ပူးပေါင်းရင်းမြစ်များ

Ex 26:19

Xkekiben k'a kawineq kich'okolibal ri marco ri' y xkekiben rik'in saqipueq. Jun marco k'o chi ka'i' ruch'okolibal. Y ri ch'okolibel ri' yebe chuxe' ri akuchi nikitun-wi-ki' ri marco.

Ex 26:32

Y re tzieq tasbel re' xkeruk'uaj taq rutzeqebal ri e banon rik'in q'anapueq richin xketzeqe' pa kiwi' kaji' pilar ri e banon rik'in che' acacia y q'olin kij rik'in q'anapueq. Re pilar re' xkepabex pa kiwi' ch'okolibel ri banon rik'in saqipueq.

Ex 26:25

Y keri', ri pa qajbel-q'ij chire ri wachoch, chi ronojel xtuben k'a waqxaqi' marco y waqlajuj kich'okolibal ri e banon rik'in saqipueq. Kaka' ch'okolibel, kichin chikijujunal ri marco.

Ex 26:21

Y xkekiben chuqa' kawineq kich'okolibal y xkekiben rik'in saqipueq. Kaka' chuqa' ch'okolibel ri yebe chuxe' jun marco.

Ex 38:26

Konojel k'a ri achi'a' ri xe'ok chupan ri ajlanik ja ri k'o juwineq kijuna' pa jotol, e 603,550 konojel y chikijujunal re achi'a' re' xkiya' ri k'o chi xkiya'. Y re' xetex k'a rik'in ri etabel ri nikusex chupan ri jay richin ri Dios.

Ex 38:28

Y chire ronojel ri saqipueq ri xmolotej, ka'i' arroba ri xukusex richin xeban ri tzeqebel-tzieq, ri ek'o pa kiwi' ri xata't y keri' chuqa' ri k'an ri xebe chikikojol ri xata't.