Ex 38:21 - Kaqchiquel Bible

²¹ Ri Moisés xubij k'a chi titz'ibex ri janipe' xuk'is ri samaj richin xban ri jay ri akuchi k'o-wi ri káxa richin ri rujikibel-tzij ri Dios. Ri levita kan keri' xkiben y jak'a ri Itamar ri ruk'ajol ri sacerdote Aarón ri xk'oje' pa kiwi'.

Ex 38:21 ပူးပေါင်းရင်းမြစ်များ

1 Crón 6:3

Jare' ri e oxi' ralk'ual kan ri Amram: Ri Aarón, ri Moisés y ri María. Jare' ri e kaji' ruk'ajol kan ri Aarón: Ri Nadab, ri Abihú, ri Eleazar y ri Itamar.

2 Crón 24:6

K'ari' ri rey xroyoj ri nimalej sacerdote Joiadá y xubij chire: ¿Achike roma man abanon ta chike ri e levita chi kik'amon ta chik pe wawe' ri k'o chi nikitoj ri winaqi' aj-Judá y ri aj-Jerusalem, ri ruq'aton kan ri Moisés, rusamajel ri Jehová pa qawi' roj israelita, richin niqachojmirisaj ri jay ri akuchi k'o-wi ri rujikibel-tzij ri Dios?, xcha'.

Wuj Richin ri Achin Job 11:4

Rat kan man jun chawech toq xabij-qa chire ri Dios: Ri nubanik chawech kan ch'ajch'oj-wi. Rat kan atzuliben chi man jun itzel banobel nilitej ta chuwij, yacha' chire ri Dios.

Wuj Richin ri Achin Job 22:23

Y wi rat kan nitzolin-pe ak'u'x rik'in ri Dios, ri k'o ronojel uchuq'a' pa ruq'a', xkayakatej k'a, y keri' kan xtipa'e' rubanik ronojel ri man utz ta pan awachoch.

Wuj Richin ri Achin Job 26:1

K'ari' ri Job xch'on k'a y xubij chire ri Bildad:

Wuj Richin Bix Chire ri Dios 15:1

Jehová, ¿achike k'a ri xtik'oje' chupan ri awachoch? ¿Achike k'a ri xtik'ase' chupan ri juyu' ri acha'on rat?

Ex 25:16

Y ri ka'i' tz'alem taq abej ri xkenya' chawe, ri e tz'ibatel ri nupixa' chikiwech, xke'aya' k'a chupan ri káxa.

Ex 26:33

Rije' kan xtikitzeqeba' k'a ri tzieq tasbel ri', rik'in ri taq rutzeqebal y ri chirij-apo chiri' xtikiya-wi ri káxa ri q'alajirisabel richin ri tununri'il. Ri tzieq tasbel, jari' ri xtik'oje' chukojol ri loq'olej y ri janila loq'olej chire ri wachoch.

Ex 38:20

Ronojel ri ch'ich' simej kitza'n ri chapayon ri rachoch ri Dios y ri ruwa-jay ri rusutin-rij, kan ruyon k'a rik'in q'enq'oj-pueq xeruben-wi.

Ex 38:22

Ri Besalel, ri ruk'ajol ri Urí, rumam kan ri Hur, ri peteneq chupan ri tzobaj richin Judá, kan xuben k'a ronojel achi'el ri xubij ri Jehová chire ri Moisés.

Ex 40:3

Xtaya-apo ronojel re' chupan: Ri káxa richin ri nujikibel-tzij, ri peraj tzieq ri nich'aron rupan ri jay.

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Wuj Richin ri Q'axanri'il 1:50

Roma ri levita jari' ri xkebesamej chupan ri wachoch richin ri nujikibel-tzij y xkek'oje' chuqa' pa ruwi' ri samajibel y ronojel ri ch'aqa' chik ri ek'o chiri'. Ja chuqa' rije' ri xke'uk'uan ri wachoch banon rik'in tzieq y ronojel ri k'o chupan, toq k'o chi nuk'uex-el juk'an chik. Kan ja wi k'a rije' ri e aj samaj ri pa wachoch y ri kachoch rije' kan chunaqaj ok ri wachoch yin xkekipabala-wi.

Wuj Richin ri Q'axanri'il 1:53

Jak'a ri levita kan xkekipabala-q'anej ri kachoch y xtikisutij-rij ri wachoch richin ri nujikibel-tzij, richin nikichajij chi man yixjel-apo, richin chi man niqaqa ta ri woyowal pan iwi'. Kan ja rije' ri xke'ok chajinela' richin ri wachoch richin ri nujikibel-tzij, xcha' ri Jehová.

Wuj Richin ri Q'axanri'il 10:11

Y toq xapon k'a ri q'ij juwineq chire ri ruka'n ik' chire ri ruka'n juna', ri ke'el-pe rije' ri pa ruwach'ulew Egipto, jari' toq xyakatej-el ri sutz' pa ruwi' ri rachoch ri Dios.

Wuj Richin ri Q'axanri'il 24:5

Janila e jebel ok ri iwachoch rix rijatzul kan ri Jacob; janila jebel ok niq'alajin ri akuchi ixk'o-wi-qa rijatzul kan ri Israel.

Wuj Richin ri Q'axanri'il 9:15

Chupan k'a ri q'ij toq xtane' ruchojmirisaxik ri rachoch ri Dios, kan jari' k'a toq k'o jun achi'el sutz' ri xumatzej-rij ri jay ri'. Y ri achi'el sutz' ri' nok k'a achi'el jun q'aq' ri nisaqirisan ri chaq'a' y toq niseqer-pe nok chik el sutz'.

San Mateo 17:4

K'ari' ri Pedro xubij-apo chire ri Jesús: Wajaw, wawe' kan ruk'amon richin yojk'oje-qa. Wi ta nawajo', niqaben oxi' taq jay rik'in ruq'a' taq che'; jun awichin rat, jun richin ri Moisés y jun richin ri Elías, xcha'.

Hechos 7:44

Toq ri qati't-qamama' xebiyin ri pa tz'iran ruwach'ulew, kan jantape' k'a kik'uan ri rachoch ri Dios banon rik'in tzieq. Chiri' k'a nuq'alajirisaj-wi-ri' ri Dios chikiwech. Ri rachoch ri Dios ri', kan achi'el k'a ri xrajo' ri Dios, kan keri' rubanik xban chire, roma ri Dios kan xuk'ut-wi chuwech ri Moisés ri rubanik nrajo' chi niban chire.

2 Corintios 5:1

Qetaman k'a chi ri qach'akul xa achi'el ok jun jay banon rik'in tzieq, re chuwech re ruwach'ulew, ja k'a toq xtiken re ch'akulaj re' kan xtiqak'ul chik jun qachoch rik'in ri Dios, ri kan ja rija' ri banayon, kan richin jantape' y ja ri chila' chikaj k'o-wi.

Hebreos 8:2

Chuqa' nisamej chila' chikaj chupan ri qitzij rachoch ri Dios akuchi xaxe rija' ruk'amon chi nik'oje'; jay ri banon roma rija' y man winaqi' ta e banayon.

Hebreos 9:11

Jak'a ri Cristo kan xpe-wi y xok nimalej sacerdote richin ri k'ak'a' jikibel-tzij ri nuya' utzil chiqe. Ri rachoch ri Dios ri nisamej-wi ri Cristo más nim y más jebel. Roma ri jay ri' man banon ta koma winaqi' y re' nik'ulun chi tzij chi xa man aj-ruwach'ulew ta.

2 Pedro 1:13

Chinuwech yin, kan k'a janila ruk'amon chi ninnataj kan k'iy na'oj chiwe, roma k'a k'o na ka'i-oxi' q'ij nuk'aslen.

Apocalipsis 11:19

Y jari' k'a toq ri rachoch ri Dios ri k'o chila' chikaj, xjaqatej ri ruchi'. Y kan xtz'etetej ri káxa richin ri rujikibel-tzij ri Dios. Y kan xpe k'a koyopa', y xinwak'axaj koqolajay. Ri ruwach'ulew xsilon, y xeqaqa nimalej taq saqboch.

Apocalipsis 15:5

Y toq nutz'eton chik qa ronojel re', xintz'et chi ri chikaj xjaqatej ri ruchi' ri rachoch ri Dios ri banon rik'in tzieq.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.