Ex 38:19 - Kaqchiquel Bible

¹⁹ Xuben k'a kaji' xata't y kaji' kich'okolibal rik'in q'enq'oj-pueq. Ri tzeqebel-tzieq y ri k'an ri beneq chikikojol ri xata't xeruben rik'in saqipueq y ri retz'aba'l ri ek'o k'a pa kiwi-q'anej ri xata't, kan xuq'olij-kij rik'in saqipueq.

Ex 38:19 ပူးပေါင်းရင်းမြစ်များ

1 Rey 7:16

Chuqa' xuben ka'i' retz'aba'l ruwi' pilar rik'in q'enq'oj-pueq ri ya'erisan pa q'aq' richin xuya' pa ruwi' ri pilar ri'. Ri kipalen ri etz'aba'l ri' jun jaj rik'in ka'i' q'a'aj.

Ex 27:10

Richin ri chiri' pa xokon xkekiben juwineq xata't y ri kich'okolibal y xkekiben rik'in ri q'enq'oj-pueq. Ri xata't ri' xtikik'uaj k'a tzeqebel tzieq y k'an banon rik'in saqipueq, ri yebe chikikojol ri xata't.

Ex 38:18

Ri peraj tzieq ri k'o pan okibel chire ri ruwa-jay kan jebel k'a rutz'isik xuben chire y xukusaj betz' raxroj, q'eqq'oj-keq y keq y chuqa' xukusex lino ri jebel batz'in. Y xuben k'a chire chi wo'o' jaj rik'in ka'i' q'a'aj raqen y ri ruwech jun jaj rik'in ka'i' q'a'aj. Kan junan k'a rubanik ri rujotolen rik'in ri tzieq ri xya'ox chirij ri ruwa-jay.

Ex 38:20

Ronojel ri ch'ich' simej kitza'n ri chapayon ri rachoch ri Dios y ri ruwa-jay ri rusutin-rij, kan ruyon k'a rik'in q'enq'oj-pueq xeruben-wi.