Ex 37:25 - Kaqchiquel Bible

²⁵ Keri' chuqa' ri Besalel xuben ri porobel-pom rik'in che' acacia. Ri retabal ka'i' q'a'aj ri ruwech y kan keri' chuqa' ri raqen y wo'o' q'a'aj rujotolen. Chuqa' xuben kaji' achi'el uk'a', ri pa taq rutza'n, ri pa ruwi-q'anej y re' ruch'akulan-ri' rik'in ri porobel-pom.

Ex 37:25 ပူးပေါင်းရင်းမြစ်များ

1 Pedro 2:5

Y roma ixk'o rik'in ri Jesucristo, rix chuqa' ix achi'el abej ri k'o ik'aslen, ri yixukusex richin nipabex-q'anej ri rachoch ri Dios. Y kan ix loq'olej sacerdote, richin nisuj sipanik ri kan niqa' chuwech, pa rubi' ri Jesucristo.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Hebreos 13:10

Roj kan k'o chik jun qaporobal, jak'a ri nisuj pa ruwi' kan man ruk'amon ta chi nikitej ri xa k'a nikisamajij na ri ojer porobel.

San Mateo 23:19

Kan ix nakaneq y ix moyi', roma ¿achike k'a ri k'o más ruq'ij; ri sipanik ri nisuj pa ruwi' ri porobel o xa ja ri porobel, ri niya'on rejqalen ri sipanik?

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

Ex 40:5

Xtaya-apo ri porobel-pom banon rik'in q'anapueq, chuwech-pe ri tzieq tasbel rupan ri wachoch akuchi k'o-wi ri káxa. K'ari' xtatzeqeba' ri peraj tzieq chuwech ri akuchi niban-wi oken chupan ri wachoch.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Ex 31:8

Chuqa' jeri' ri xkebanon ri mesa y ronojel ri niya' pa ruwi', ri candelabro ri xtiban rik'in q'anapueq y ronojel ri yek'atzin chire y ri porobel ri niporox pom pa ruwi'.

Ex 37:24

Richin chi xuben ri candelabro y ronojel ri samajibel ri nik'atzin, xukusaj jubama oxi' arroba ch'ajch'ojilej q'anapueq.

Ex 37:26

K'ari' xuq'olij rij rik'in q'anapueq ri jebel ch'ajch'oj. Xuq'olij ri ruwi', ri pa taq ruxikin y ri taq uk'a'. Y xuben chik q'anej jun ti ruchi' rik'in q'anapueq ri jebel ch'ajch'oj.

Ex 35:15

Xtikiben chuqa' ri porobel-pom, ri baloj taq che' ri uk'uabel richin, chuqa' ri aceite richin cha'onri'il, ri jubulej pom, ri peraj tzieq richin nutz'apej ruchi' ri rachoch ri Dios,