Ex 37:23 - Kaqchiquel Bible

²³ Chuqa' xuben wuqu' taq candil y xeruch'okobala' jujun pa kiwi' ri k'ojelibel ri ek'o pa kitum chike chikijujunal ri ruq'a' ri candelabro y chuqa' ja rija' ri xbanon ri kichojmirisabal ri ruxaq-q'aq' kichin ri taq candil y ri k'ojelibel chaj, kan rik'in k'a ch'ajch'ojilej q'anapueq xeruben-wi.

Ex 37:23 ပူးပေါင်းရင်းမြစ်များ

Ex 25:37

Y xeri' xke'iben wuqu' taq candil y xke'ich'okobala' jujun pa kiwi' ri k'ojelibel ri ek'o pa kitum chike chikijujunal ri ruq'a' ri candelabro. Y xtiben chike chi ri taq kiq'aq'al ri candil chikiwech yetzu'un-wi.

Ex 25:38

Ri kichojmirisabal ri taq ruxaq q'aq' kichin ri taq candil y ri k'ojelibel richin chaj, kan rik'in ch'ajch'ojilej q'anapueq xtiben-wi.

Ex 37:22

Ri raqen, ri ruq'a' y ri ruwachibel ri rusi'j ri almendro kan ruch'akulan-ri' xuben chire. Y re' xuben rik'in q'anapueq jebel ch'ajch'oj y xuben rutzil rik'in bajibel.

Ex 37:24

Richin chi xuben ri candelabro y ronojel ri samajibel ri nik'atzin, xukusaj jubama oxi' arroba ch'ajch'ojilej q'anapueq.

Wuj Richin ri Zacarías 4:2

Y xuk'utuj chuwe ri achike nintz'et. Yin xinbij chire chi nintz'et jun candelabro ri banon rik'in q'anapueq. Pa ruwi' ri' k'o jun k'ojelibel richin aceite. Y ek'o wuqu' taq candil chire. Y chupan jujun, ek'o wuqu' taq rutza'n.

Apocalipsis 1:12

K'ari' xinpiskolij-wi' richin nintz'et achike ri nitzijon wik'in. Y toq nupiskolin chik wi', xintz'et k'a wuqu' kandelero ri e banon rik'in q'anapueq.

Apocalipsis 1:20

Wakami xtinq'alajirisaj ri man q'alajirisan ta pe pa nabey. Ri wuqu' ch'umila' ri xatz'et pa wijkiq'a' nel chi tzij ri e wuqu' ángel ri yechajin kichin ri wuqu' molaj nimanela'. Y ri wuqu' kandelero ri e banon rik'in q'anapueq, nel chi tzij ri wuqu' molaj nimanela'.

Apocalipsis 4:5

Jak'a ri pa nik'aj akuchi k'o-wi ri nabey tz'uyubel, yebek'ulun k'a pe koyopa', koqolajay y ch'abel. Y ri chuwech-apo yek'at wuqu' antorcha ri nuk'exewachuj ri wuqu' espíritu richin ri Dios.

Apocalipsis 5:5

Jari' toq jun chike ri achi'a' ri k'o kiq'ij xubij chuwe: Man chik k'a katoq', roma ri koj richin ri tzobaj richin Judá, ri riy-rumam kan ri rey David, ri ch'akowineq chik, kan ruk'amon richin nrelesaj ri wuqu' tz'apebel ri k'o chirij ri wuj y nujeq, xcha' chuwe.