Ex 37:22 - Kaqchiquel Bible

²² Ri raqen, ri ruq'a' y ri ruwachibel ri rusi'j ri almendro kan ruch'akulan-ri' xuben chire. Y re' xuben rik'in q'anapueq jebel ch'ajch'oj y xuben rutzil rik'in bajibel.

Ex 37:22 ပူးပေါင်းရင်းမြစ်များ

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

1 Corintios 9:27

Man ninya' ta q'ij chi ja ri nuch'akul ri nich'akon chuwij. Xa kan ninben-wi chire chi ja yin ri rajaw y tunimaj nutzij. Roma yalan ta k'ayew, wi ta yin man yich'akon ta, toq xa kan ja yin ri xitzijon ri ruch'abel ri Dios chike janila e k'iy winaqi'.

Wuj Richin ri Isaías 5:10

Wi k'o kawineq jun k'an itiko'n richin uva, kan xaxe k'a ok waqi' galón ruya'al uva nuben toq niyitz'. Nitik-qa lajuj costal ija'tz richin trigo chupan ri janila chi iwulew, jak'a kan xaxe k'a ok jun ti costal trigo ri nuya-pe chiwe.

Wuj Richin Bix Chire ri Dios 51:17

Ri sipanik ri niqa' chawech, kan ja ri jun ri ruqasan-ri'. Ri nibison y ruqasan-ri' chawech, kan man nawetzelaj ta rat nimalej Dios.

Ex 25:31

Chuqa' xtikiben jun candelabro rik'in q'anapueq jebel ch'ajch'oj achi'el rubanik jun ti che' almendra,*f11* y re' xtikiben rutzil rik'in jun bajibel. Xtikiben ri ruch'okolibal, ri raqen, ri ruq'a', ri taq rusi'j y ronojel ri retz'aba'l rik'in k'a q'anapueq xtikiben-wi y kan ruch'akulan-ri' xtikiben chire.

Ex 25:36

Ri raqen, ri ruq'a' y ri ruwachibel ri rusi'j ri almendro kan nuch'akulaj-ri' niban chire. Y re' nikiben rik'in q'anapueq jebel ch'ajch'oj y nikiben rutzil rik'in bajibel.

Ex 37:21

Richin chi ri jujun k'ulaj ruq'a' xbe jun ruwachibel rusi'j ri almendro chikixe'. Kan keri' xuben chire ri chi oxi' k'ulaj ruq'a'.

Ex 37:23

Chuqa' xuben wuqu' taq candil y xeruch'okobala' jujun pa kiwi' ri k'ojelibel ri ek'o pa kitum chike chikijujunal ri ruq'a' ri candelabro y chuqa' ja rija' ri xbanon ri kichojmirisabal ri ruxaq-q'aq' kichin ri taq candil y ri k'ojelibel chaj, kan rik'in k'a ch'ajch'ojilej q'anapueq xeruben-wi.