Ex 37:1 - Kaqchiquel Bible

¹ Ri Besalel xuben k'a ri káxa rik'in che' acacia y ri retabal ri xuya', ja ri wo'o' q'a'aj rik'in nik'aj raqen y ri ruwech xuya' oxi' q'a'aj y ri rujotolen xuya' oxi' q'a'aj.

Ex 37:1 ပူးပေါင်းရင်းမြစ်များ

1 Crón 2:20

Ri Hur xralk'ualaj ri Urí, y ri Urí xralk'ualaj ri Besalel.

Ex 26:33

Rije' kan xtikitzeqeba' k'a ri tzieq tasbel ri', rik'in ri taq rutzeqebal y ri chirij-apo chiri' xtikiya-wi ri káxa ri q'alajirisabel richin ri tununri'il. Ri tzieq tasbel, jari' ri xtik'oje' chukojol ri loq'olej y ri janila loq'olej chire ri wachoch.

Ex 31:7

Y je achi'a' re' ri xkebanon ri wachoch richin molojri'il, ri káxa richin ri jikibel-tzij, ri tz'apebel ruwi' ri káxa y ri nik'atzin chupan ri wachoch yin.

Ex 37:2

Y xuq'olij rik'in q'anapueq ri jebel ch'ajch'oj, ri chirij y ri chupan, xuben k'a retz'aba'l chijun ri ruchi' rik'in q'anapueq.

Ex 40:3

Xtaya-apo ronojel re' chupan: Ri káxa richin ri nujikibel-tzij, ri peraj tzieq ri nich'aron rupan ri jay.

Deut 10:3

Yin kan xinteq rubanik ri káxa ri' y ja ri che' acacia ri xukusex chire. Chuqa' xinteq rubanik ri ka'i' tz'alem taq abej achi'el rubanik ri ka'i' nabey. Xink'uaj-el y xibe k'a el pa ruwi' ri juyu'.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.