Ex 36:2 - Kaqchiquel Bible

² Xeri' ri Moisés xeroyoj ri Besalel y ri Oholiab y konojel ri achi'a' ri kik'ulun na'oj chuwi-ruq'a' ri Jehová, richin nikiben ronojel ruwech samaj, rik'in ri rayibel ri k'o kik'in.

Ex 36:2 ပူးပေါင်းရင်းမြစ်များ

1 Crón 28:21

Jare' ri sacerdote y ri levita ri xkesamej chi sol chi sol chupan ri rachoch ri Dios. Y chire ronojel re samaj xtak'ul to'onik kichin ri nima'q taq achi'a' ri k'o ketamabal richin xabachike samaj; y ri e tata'al y chijun ri tinamit kan xtikinimaj ronojel ri xtabij chike, xcha' ri David.

1 Crón 29:5

y chuqa' richin yeban ri samajibel. Wakami ja rix, ¿achike chiwe ri kan nalex-pe pan iwánima richin niya' jun sipanik chire ri Jehová?, xcha' ri David.

Ex 25:2

Tabij chike konojel ri awinaq israelita chi chikijujunal tikik'ama-pe jun sipanik chuwe. Y konojel k'a ri kan rik'in ronojel kánima xtikik'en-pe ri sipanik ri', ja rat k'a ri xkak'ulun kan chuwi-kiq'a', pa nubi' yin.

Ex 25:40

Tatz'eta' jebel richin chi toq rije' xtikiben, kan tikibana' chire achi'el rubanik re jun re xatzu' kan re wawe' pa ruwi' re juyu'.

Ex 28:3

Kach'on k'a kik'in ri achi'a' ri kan ketaman nikiben re tzieq re', ri kan nuya'on na'oj chike richin nikiben re jun ruwech samaj re', richin chi je rije' ri kebanon ri rutziaq ri Aarón, ri xtukusaj chupan ri q'ij toq xtinch'er richin chi nok nu-sacerdote.

Ex 31:6

Chuqa' nucha'on chik chikikojol ri winaqi' ri e richin ri tzobaj richin ri Dan, ri achin rubini'an Oholiab, ri ruk'ajol ri Ahisamac richin chi nok jun to'onel chupan ri samaj. Yin kan nubanon k'a chuqa' chike konojel achi'a' ri yetikir nikiben jun ruwech samaj, chi kan k'o kina'oj, richin chi ja rije' ri xkebebanon ri nubin chik chawe chi k'o chi yeban.

Ex 35:10

Konojel k'a ri achi'a' ri kan ketaman nikiben jun ruwech samaj, kepe k'a y je rije' ri kebanon ronojel ri rubin chik ri Jehová:

Ex 35:2

Waqi' q'ij k'a xtiban samaj y jak'a ri ruwuq q'ij, ri' kan richin ri Jehová, q'ij richin uxlanen, ch'aron richin ninimirisex ruq'ij rija' y xabachike k'a xtisamej chupan ri q'ij ri', kan xtikamisex k'a.

Ex 36:1

Roma ri' ri Besalel y ri Oholiab y ri ch'aqa' chik achi'a' ri ya'on ketamabal roma ri Jehová, richin chi yetikir nikiben ronojel ri samajibel richin ri rachoch ri Dios ri richin molojri'il. Rije' kan xtikiben k'a ri samaj ri kan achi'el ri rubin chik ri Jehová, xcha' ri Moisés.

Ex 36:3

Jak'a rije' xa chuwi-ruq'a' chik ri Moisés xkik'ul-wi, ronojel ri sipanik ri xkiya' ri israelita richin nichapatej ri samaj, ri richin ri rachoch ri Dios ri xtiban rik'in tzieq. Ri winaqi' kan rik'in k'a ronojel kánima xkiya' ri sipanik ri'. Y kan keri' k'a nikiben ronojel nimaq'a'.

Hechos 14:23

Xekicha' kan achi'a' uk'uey kichin ri molaj qach'alal. Keri' xkibanala' kan ri pa taq tinamit ri xeq'ax-wi. Xemewayin y xech'on rik'in ri Dios, y k'ari' xekijech kan pa ruq'a' ri Dios ri kiniman chik.

Colosenses 4:17

Y tibana' k'a utzil tibij chire ri Arquipo chi tubana' ri samaj ri ya'on chire roma ri Ajaw.

Hebreos 5:4

Man jun k'a wineq ri choj ta keri' nok nimalej sacerdote y nik'oje' ta ruq'ij, xa kan k'o chi cha'on roma ri Dios, achi'el ri Aarón.