Ex 35:35 - Kaqchiquel Bible

³⁵ Chi e ka'i' k'a achi'a' re' kan e nojisan rik'in na'oj richin nikich'ob ronojel ruwech samaj ri kan e jebejoj ok y chuqa' ri tz'ison rik'in betz' raxroj, q'eqq'oj-keq y keq y ri samaj rik'in ri betz' lino y xabachike ruwech kem ri k'o retz'aba'l ruwech.

Ex 35:35 ပူးပေါင်းရင်းမြစ်များ

Ex 35:31

Y re Besalel re', kan rubanon k'a chire chi kan nojineq rik'in ri ru-Espíritu richin chi k'o na'oj rik'in: Richin k'o etamabel, nojibel y uchuq'a' richin nuben xabachike ruwech samaj.

1 Rey 7:14

Ri rute' ri Huram jun ixoq malka'n richin ri tzobaj Neftalí, jak'a ri ánima rutata', aj-Tiro, samajiy richin q'enq'oj-pueq. Ri Huram kan k'o-wi etamabel, nojibel y na'oj rik'in richin nuben xabachike ruwech samaj, rik'in q'enq'oj-pueq. Y ri Huram kan xpe k'a y xoqaqa chuwech ri rey Salomón y kan xeruben k'a ri samaj ri xbix chire.

Wuj Richin ri Isaías 28:26

Ja ri Dios nik'utu chuwech ri tikonel, y nubij chire ri achike ruk'amon richin nuben.

Ex 31:3

Y re Besalel re' kan nunojisan k'a rik'in ri nu-Espíritu richin chi k'o na'oj rik'in, etamabel, nojibel y uchuq'a' richin nuben xabachike ruwech samaj.

2 Timoteo 2:15

Kan tatija' aq'ij yatok jun utzilej samajel chuwech ri Dios, ri man jun achike ta roma yak'ix y kan nak'ut jebel ri qitzij ruch'abel ri Dios.

Ex 31:6

Chuqa' nucha'on chik chikikojol ri winaqi' ri e richin ri tzobaj richin ri Dan, ri achin rubini'an Oholiab, ri ruk'ajol ri Ahisamac richin chi nok jun to'onel chupan ri samaj. Yin kan nubanon k'a chuqa' chike konojel achi'a' ri yetikir nikiben jun ruwech samaj, chi kan k'o kina'oj, richin chi ja rije' ri xkebebanon ri nubin chik chawe chi k'o chi yeban.

1 Timoteo 4:16

Tachajij k'a jebel ri ak'aslen y keri' chuqa' ri tijonik ri naya' chike ri ch'aqa' chik. Y man taya' kan rubanik, richin keri' xtakol-awi' rat y xke'akol chuqa' ri ye'atijoj.

1 Timoteo 3:15

roma man jani wetaman ta wi xkitikir xkinapon chi'anin yan. Y ninwajo' chi nawetamaj ri achike chi k'aslen ri k'o chi nikik'uaj ri molaj qach'alal ri e ralk'ual chik ri k'aslik Dios ri etemeyon ri qitzij tijonik achi'el ri ruxe' y xata't richin jun jay.

Gálatas 3:5

Ri Dios ruya'on ri Loq'olej Espíritu chiwe y nubanala' meyel taq banobel chi'ikojol. ¿Achike roma nuben keri'? ¿Roma kami kan itaqen ri nubij ri pixa'? Man keri' ta. Xa kan xaxe roma xikuquba' ik'u'x rik'in ri Jesucristo ri xqatzijoj chiwe.

Gálatas 3:2

¿Ja kami ri nubij ri pixa' ri xinimaj richin chi xok ri Loq'olej Espíritu iwik'in, o xa kan roma xikuquba' ik'u'x rik'in ri Jesucristo ri xqatzijoj chiwe?

1 Corintios 12:12

Ri ruch'akul jun wineq k'iy k'a ri ruk'uan ri', jak'a xaxe jun rubanon. Y keri' chuqa' roj oj achi'el ri ruch'akul ri Cristo. Stape' oj k'iy xaxe jun qabanon.

1 Corintios 12:8

Chike ch'aqa' qach'alal nuya' etamabel richin nikich'abalij ri ruch'abel ri Dios. Y chike ch'aqa' chik nuya' na'oj, richin nikisol rij ri nubij ri ruch'abel ri Dios.

1 Corintios 12:4

Ri Espíritu nuya' jalajoj ruwech sipanik chiqe. Jak'a ri Espíritu xa jun,

1 Corintios 1:7

Xujikiba' chi'ikojol rix richin chi ronojel ri sipanik ri nuya' k'o ta chik iwik'in, rokik iwoyoben-apo ri q'ij toq ri qajaw Jesucristo xtipe chik jun bey.

1 Corintios 1:5

Ri xq'alajirisex chiwe chirij ri Cristo kan xjike' chi'ikojol rix rik'in uchuq'a'. Roma ri', ri Dios xuben chiwe roma ri Cristo chi xixbeyomer rik'in na'oj y jebel taq ch'abel.

Hechos 19:8

Chirij ri' ri Pablo oxi' ik' ri kan xapowiyaj ri chiri' chupan ri jay ri kan richin nitzijox ri ruch'abel ri Dios. Kan man k'a nuxibij ta ri' nutzijoj ri ruch'abel ri Jesucristo chike ri ruwinaq. Nikich'ob rij ri ch'abel ri nich'on chirij toq ri winaqi' ye'ok pa rajawaren ri Dios.

Hechos 19:6

K'ari' ri Pablo xuya' ruq'a' pa kiwi'. Y jari' toq xqaqa k'a pe ri Loq'olej Espíritu pa kiwi'. Xech'on k'a pa ch'aqa' chik ch'abel y xkiq'alajirisala' ri xbix chike roma ri Dios.

Wuj Richin ri Achin Job 7:6

Ri q'ij richin ri nuk'aslen xa juba' chik ok; xa anineq xinapon chuwech ri nukamik, achi'el toq nik'aq-ok ri ruway ri kem y nitzolix chik jun bey; y xa niq'ate' toq nik'is ri betz' chirij ri ti che'.

2 Crón 2:14

ral jun ixoq richin ri tinamit Dan, y ri rutata' aj-Tiro. Ri Huram kan janila retamabal chirij ri samaj ri yeban rik'in q'anapueq, saqipueq, q'enq'oj-pueq, q'eqapueq, abej, che', tzieq q'eqq'oj-keq, raxroj y keq yetzu'un, y chuqa' ri tzieq lino, y retaman k'a nuben xabachike wachibel e k'oton chuwech tz'alem y xabachike k'a rubanik wachibel ri nibix chire; rija' junan k'a xtisamej kik'in ri asamajela' rat y chuqa' kik'in ri samajela' ri xek'oje' rik'in ri David ri atata', ri wajaw.

1 Rey 3:12

Y roma ri' ninya' chawe ri xak'utuj chuwe. Xtinojisaj k'a ri awánima rik'in na'oj y re' kan man jun achoq chire nuya'on-wi y man jun achoq chire xtinya-wi ri chawech-apo.

Ex 26:1

Ri wachoch xtikiben k'a rik'in lajuj peraj kemon tzieq. Ri peraj tzieq ri' xkeban k'a rik'in ri betz' lino ri jebel rubatz'ixik, ri raxroj, ri q'eqq'oj-keq y keq yetzu'un. Y chuwech k'a ri' xtitz'is kiwachibel querubín y kan jebejoj ok rutz'isik xtiban chike.

Wuj Richin ri Isaías 38:12

Chi kan xtelesex k'a el nuk'aslen, achi'el niban rik'in ri ti rachoch ri yuq'unel, toq nikik'uq-el ri che' y nikibot-el ri tzieq. Ri nuk'aslen jubama xtzak'ix-el, achi'el niban chire tzieq ri nikem. Q'ij-q'ij xk'is-qa ri wuchuq'a' richin ta xiken.

Ex 36:1

Roma ri' ri Besalel y ri Oholiab y ri ch'aqa' chik achi'a' ri ya'on ketamabal roma ri Jehová, richin chi yetikir nikiben ronojel ri samajibel richin ri rachoch ri Dios ri richin molojri'il. Rije' kan xtikiben k'a ri samaj ri kan achi'el ri rubin chik ri Jehová, xcha' ri Moisés.