Ex 35:29 - Kaqchiquel Bible

²⁹ Konojel k'a ri winaqi' ri xkina' rayibel richin xeto'on rik'in sipanik, kan xkiya' k'a pe richin chi xban ronojel ri xubij ri Jehová chire ri Moisés.

Ex 35:29 ပူးပေါင်းရင်းမြစ်များ

1 Crón 29:14

¿In achike ta k'a yin richin yitikir ninsuj chawe ronojel re sipanik re'? ¿Achike ta k'a ri nutinamit richin yetikir nikisuj chawe ronojel re sipanik re'? Roma ronojel re' kan awik'in rat nipe-wi, y roma ri' roj niqaya' chik apo chawe ri qak'ulun.

1 Crón 29:17

Yin wetaman jebel chi rat natzu' ri qach'obonik, y kan yeqa' chawech ri winaqi' toq nikiben pa ruchojmilal. Yin kan rik'in ronojel wánima xinsuj ronojel re' chawe. Y ri atinamit rik'in ronojel ránima xusuj chawe ri xkik'en-pe. Roma ri' janila yikikot.

1 Crón 29:3

Y pa ruwi' re', roma kan janila wajowabal pa ruwi' ri rachoch ri Jehová Dios, roma ri' ninya-apo ri kan wichin yin: Q'anapueq y saqipueq richin nibek'atzin chire ri jay richin ri Dios.

1 Crón 29:6

K'ari' ri aj-raqen pa kiwi' ri ek'o pa kachoch, ri e tata'al kichin ri tzobaj, ri aj-raqen pa kiwi' ri aj-labal y ri aj-samaj richin ri rey; xalex k'a pe pa kánima richin xkiya' jun sipanik.

2 Crón 35:8

Chuqa' ri e tata'al rik'in ri rey kan rik'in ronojel kánima xkiya' sipanik chike ri winaqi', chike ri e sacerdote y chike ri e levita. Keri' chuqa' ri yesamej pa rachoch ri Dios, ri kibini'an Hilquías, Zacarías y Jehiel, xekijech pa kiq'a' ri e sacerdote e 2,600 chikopi' richin re nimaq'ij re', y e 300 wákix.

Wuj Richin ri Esdras 3:5

Y man xaxe ta k'a keri', xa kan jantape' xkiporoj ri chikop ri richin q'ij-q'ij, ri nimaq'ij richin toq nalex ri ik' y ri ch'aqa' chik nimaq'ij toq nikiya' ruq'ij ri Jehová. Y chirij k'a ronojel re' xkisuj kamelabel rik'in ronojel kánima.

Wuj Richin ri Esdras 8:28

Y chuqa' xinbij chike: Rix kan ix ch'aron chire ri Jehová y chuqa' re samajibel re', re saqipueq y re q'anapueq. Re sipanik re' kan xkiya' rik'in ronojel kánima chire ri Jehová Dios, ri qa-Dios y ri ki-Dios ri qati't-qamama'.

Ex 35:4

Ri Moisés xch'on chik k'a kik'in ri ruwinaq y xubij chike: Tiwak'axaj k'a ri rubin chik ri Jehová, ri k'o chi niqaben.

Ex 35:5

Chiqajujunal chiqe roj tiqaya' k'a jun sipanik chire ri Jehová. Ri kan k'o k'a kikoten pa ránima utz nuk'en-pe q'anapueq, saqipueq o ri q'enq'oj-pueq.

Ex 36:3

Jak'a rije' xa chuwi-ruq'a' chik ri Moisés xkik'ul-wi, ronojel ri sipanik ri xkiya' ri israelita richin nichapatej ri samaj, ri richin ri rachoch ri Dios ri xtiban rik'in tzieq. Ri winaqi' kan rik'in k'a ronojel kánima xkiya' ri sipanik ri'. Y kan keri' k'a nikiben ronojel nimaq'a'.

Wuj Richin ri Isaías 8:20

Pa ruk'exel ri', rix k'o chi nik'ut ta ri rupixa' ri Dios richin niwetamaj wi niban ta tijonik achi'el nubij ri pixa'. Y wi man keri' ta, ri Dios man ruya'on ta ri saqil kik'in ri winaqi' ri'.

San Mateo 28:20

Y tik'utu' chikiwech chi tikitaqej ronojel ri nubin kan. Y yin kan q'ij-q'ij k'a xkik'oje' iwik'in; k'a toq re ruwach'ulew xtapon chupan ri ruk'isibel q'ij, xcha'. Kan keri' ta k'a.

1 Corintios 3:5

¿Achike ta k'a ri qach'alal Apolos, y in achike ta k'a yin? Roma roj xa oj rusamajela' ri Dios, y ruya'on jun qasamaj chiqajujunal. Y rik'in re samaj re' rix xikuquba' ik'u'x.

1 Corintios 9:17

Wi ta ja yin ri xikanon ri samaj ri', kan k'o ta wajel nink'utuj chiwe. Jak'a ri samaj ri ninben, kan ja wi ri Dios ri xya'on chuwe.

2 Corintios 9:7

Roma ri' chi'ijujunal rix tiya' k'a achi'el ri xubij ri iwánima chiwe. Man k'a tiya' rik'in bis, ni man tiya' chuqa' xaxe roma xk'utux chiwe. Xa kan rik'in kikoten tiya' ri to'onik, roma ri Dios kan yerajo' ri yeya'on rik'in ronojel kánima.

Gálatas 6:16

Rix ri yixbiyin achi'el nubij re ch'abel re', kan xtik'oje' ta k'a uxlanibel-k'u'x pa taq iwánima. Y kan xtijoyowex k'a chuqa' iwech roma ri Dios, roma rix kan ix rutinamit-wi ri Dios.

Deut 11:32

kan titz'eta' k'a richin niben ronojel ri nubij ri pixa' ri ya'on chiwe.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Deut 4:2

Man tiya' ni man tiwelesaj ruwi' ri pixa' ri ninbij chiwe, kan titaqej k'a ri nubij ri Jehová ri qa-Dios re ninya' chiwe wakami.

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.

Wuj Kichin ri To'onela' 5:2

Qaya' ruq'ij ri Jehová, roma kan k'a ek'o achi'a' pan Israel, ri kan xeq'ax chikiwech ri aj-labal; achi'a' ri kan xkisuj-ki' rik'in ronojel kánima roma ri kitinamit.

Wuj Kichin ri To'onela' 5:9

Yin kan yikikot k'a iwik'in rix aj-raqen richin Israel, y chuqa' iwik'in rix nuwinaq ri kan rik'in ronojel iwánima xisuj-iwi' richin niben labal. ¡Kan tiqaya' k'a ruq'ij ri Jehová!