Ex 35:27 - Kaqchiquel Bible

²⁷ Ri e tata'al chikikojol ri winaqi', xkik'en-pe ri taq abej ónike y ri jalajoj ruwech taq abej richin chi nik'oje' chuwech ri efod y chuwech ri ti peqes ri nuk'uaj chuwa-ruk'u'x ri nimalej sacerdote,

Ex 35:27 ပူးပေါင်းရင်းမြစ်များ

Wuj Richin ri Esdras 2:68

Y toq xe'apon chiri' pa Jerusalem, rik'in ri wuluwik jay, ri rachoch kan ri Jehová, jujun chike ri aj-raqen kichin ri winaqi', kan xkiya' sipanik rik'in ronojel kánima, richin nipabex chik q'anej jun bey ri jay ri'.

1 Crón 29:6

K'ari' ri aj-raqen pa kiwi' ri ek'o pa kachoch, ri e tata'al kichin ri tzobaj, ri aj-raqen pa kiwi' ri aj-labal y ri aj-samaj richin ri rey; xalex k'a pe pa kánima richin xkiya' jun sipanik.

Ex 35:9

Y utz chuqa' nuk'en-pe ri jebelej taq abej ri nibix ónike chike y ri ch'aqa' chik ruwech abej richin nibe chuwech ri efod y ri richin ri ti peqes ri nuk'uaj chuwa-ruk'u'x ri nimalej sacerdote.

Ex 25:7

chuqa' utz nikik'en-pe ri jebelej taq abej ónike y ch'aqa' chik kiwech jebelej taq abej richin xtiya'ox chuwech ri tzieq efod*f10* ri banon rik'in lino y richin xtiya' chuwech ri ti peqes ri xtuk'uaj chuwa-ruk'u'x ri nimalej sacerdote.

Ex 35:26

Y ri ixoqi' ri kan yetikir yebatz'in jebel y kan k'o rayibel pa kánima, xkibatz'ij-pe ri rusumal tzuntzun.

Ex 35:28

chuqa' xkik'en-pe ri mololen taq jubulej aq'om y xkik'en pe ri aceite richin ri taq candil y richin chi xban ri aceite richin cha'onri'il y richin ri jubulej pom.