Ex 35:22 - Kaqchiquel Bible

²² Kan chi achi'a' chi ixoqi' k'a xepe y konojel kik'amon-pe sipanik rik'in ronojel kánima. Kik'amon-pe ri wiqobel ri banon rik'in q'anapueq, ri wiqobel ri yetz'arabex chuwech ri tzieq, ri lipq'a', ri retz'aba'l ri kitza'n y ri ichinaj.

Ex 35:22 ပူးပေါင်းရင်းမြစ်များ

San Mateo 2:11

Kan xe'ok k'a apo pa jay y xkitz'et ri ak'ual y ri María ri rute', y kan jari' xkiqasaj-qa-ki' k'a pan ulew richin xkiya' ruq'ij ri ak'ual. Y chuqa' kan xekijaqala-qa ri kiyakonabal y xkisipala' k'a q'anapueq, pom y mirra chire.

Ez 16:11

Xatinwiq k'a rik'in jalajoj ruwech wiqobel ri e banon rik'in q'anapueq, xinya' retz'aba'l-aq'a' y awichinaj,

Wuj Richin ri Isaías 60:13

Ronojel ri beyomel richin Líbano xtik'amer-pe iwik'in rix: Ri jalajoj kiwech chej y ri k'isis, richin niwiq rupan ri wachoch akuchi rix niya-wi nuq'ij.

Wuj Richin ri Isaías 60:9

Ja ri barco ri e peteneq roma ja yin xinoyon kichin. Pa nabey e peteneq ri barco richin Tarsis, y e ruk'amon-pe ri iwinaq ri yepe nej. Kik'amon-pe q'anapueq y saqipueq richin nokiya' chuwe yin Jehová ri i-Dios, roma yin ri in loq'olej ri ink'o pan iwi' ri xtinimirisan iq'ij.

Wuj Richin ri Q'axanri'il 31:50

Wakami k'a jare' qak'amon-pe chiqajujunal jun sipanik chire ri Jehová. Ja ri jalajoj ruwech taq wiqobel e banon rik'in q'anapueq. Y wakami niqasuj chire ri Jehová richin matioxinik, xecha'.

Ex 32:3

Y ri winaqi' kan keri' wi xkiben, xekelesala-pe ri ruwi' taq ixkinaj chuwi' taq kixikin y xekik'en-pe chire ri Aarón.

Ex 32:2

K'ari' ri Aarón xubij chike: Wakami k'a tiwelesaj ronojel ri ruwi-ixkinaj ri banon rik'in q'anapueq ri k'o chuwi' taq kixikin ri iwixjayilal, ri k'o chuwi' taq kixikin ri imi'al-ik'ajol y ke'ik'ama' k'a pe chuwe, xcha'.

Ex 35:21

Y xeri' ri winaqi' ri k'o rayibel kik'in y xalex-pe pa kánima richin nikiya' sipanik kan xkik'amala' k'a pe chire ri Jehová, richin chi niban ri samaj richin ri rachoch, ri richin molojri'il y richin ronojel ri xtik'atzin chupan y chuqa' ri tzieq ri kan ch'aron richin nikikusaj ri sacerdote.

Ex 35:23

Konojel ri winaqi' ri k'o betz' kik'in ri raxroj, q'eqq'oj-keq y keq y chuqa' ri lino jijoj ruwech, ri rusumal tzuntzun, ri rusale'y karne'l aq'oman rik'in keq y ri kisale'y ri chikopi' ri nibix tejón chike.

2 Rey 12:4

Y k'o k'a jun q'ij ri Joás xubij chike ri sacerdote chi tikimolo' ruchi' ri méro ri kan k'o chi nikitoj ri winaqi' ri k'o chik kijuna', ri richin kolotajik y ri sipanik ri nalex-pe pa kánima.

2 Crón 29:31

K'ari' ri Ezequías xubij: Rix ix ch'ajch'oj chik chuwech ri Jehová; wakami k'a kixanpe richin nisuj kamelabel richin matioxinik chire ri Jehová, pa rachoch, xcha'. Y ri winaqi' kan keri' xkiben, y chuqa' konojel ri k'o kikoten pa taq kánima xekik'en-pe chikopi' richin xeporox chijun.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.