Ex 35:2 - Kaqchiquel Bible

² Waqi' q'ij k'a xtiban samaj y jak'a ri ruwuq q'ij, ri' kan richin ri Jehová, q'ij richin uxlanen, ch'aron richin ninimirisex ruq'ij rija' y xabachike k'a xtisamej chupan ri q'ij ri', kan xtikamisex k'a.

Ex 35:2 ပူးပေါင်းရင်းမြစ်များ

Ex 16:23

Y ri Moisés xubij k'a chike: Ri Jehová kan rubin chik k'a: Chua'q, jari' ri q'ij richin uxlanen richin ri Jehová. Roma ri' kan ja re wakami tibana' kan ri ikaxlan-way y chuqa' tiroqowisaj kan ri k'o chi nitej chua'q y ronojel ri man nikusaj ta qa, utz chi niyek kan richin chua'q, xcha' ri Moisés.

Ex 23:12

Waqi' k'a q'ij yixsamej y chupan ri ruwuq q'ij kan xkixuxlan k'a, richin chi ye'uxlan chuqa' ri ibóyix y ri ibur. Y chuqa' richin ye'uxlan ri kalk'ual ri isamajela', ri e alaxineq pan iwachoch y ri man e iwinaq ta.

Ex 34:21

Waqi' k'a q'ij xkixsamej y chupan ri ruwuq q'ij kan xkixuxlan k'a, roma ri' chupan ri ruq'ijul ri tikoj y ri ruq'ijul ri q'atoj kan k'o chuqa' chi yixuxlan chupan ri ruwuq q'ij.

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.

Wuj Richin ri Chojmirisabelri'il 23:3

Waqi' q'ij k'a xtiben isamaj rix, jak'a ri pa ruwuq q'ij kan man jun samaj ri niben, roma re' kan q'ij richin uxlanen y kan xtiben jun molojri'il richin niya' nuq'ij yin; y xabakuchi k'a ixk'o-wi kan xtichajij k'a.

San Juan 5:16

Roma ri' toq rije' kan xeyakatej k'a chirij ri Jesús, roma ri Jesús k'o meyel taq banobel yerubanala' chupan ri q'ij richin uxlanen.