Ex 34:5 - Kaqchiquel Bible

⁵ Y ri Jehová kan xqaqa k'a pe chupan ri sutz' y xk'oje' junan rik'in ri Moisés y xuq'alajirisaj ri rubi' chuwech.

Ex 34:5 ပူးပေါင်းရင်းမြစ်များ

Ex 33:19

Jari' toq ri Jehová xubij chire ri Moisés: Wakami k'a xkiq'ax y rat kan xtawetamaj nuwech chi yin kan in utz wi y xtinq'alajirisaj ri nubi' chawe. Roma yin kan ninjoyowaj-wi ruwech ri ruk'amon richin ninjoyowaj ruwech y ninpoqonaj ruwech ri ruk'amon richin ninpoqonaj ruwech.

Wuj Richin ri Q'axanri'il 11:25

Y toq ri Jehová xqaqa-pe, kan chupan k'a ri sutz' peteneq-wi y xch'on rik'in ri Moisés. Xeri' ri Jehová xuya' chuqa' chike ri e oxk'al lajuj achi'a' ri Espíritu achi'el ri ruya'on chire ri Moisés. Jari' toq ri achi'a' ri' xebech'on-pe achi'el yech'on ri e q'alajirisey ruch'abel ri Dios. Jak'a xaxe jun bey ri keri' xkiben.

Ex 33:9

Kan xaxe k'a nok-apo ri Moisés chupan ri jay ri', jari' toq niqaqa-pe ri sutz' pa'el chikaj y nik'oje' chuchi' ri jay ri' y ri Jehová nitzijon k'a rik'in ri Moisés.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Wuj Richin ri Isaías 1:10

Tiwak'axaj k'a ri nuch'abel rix ri ix tata'al, ri kan ix achi'el chik ri aj-Sodoma. Chuqa' rix ri kan ix achi'el chik ri aj-Gomorra, kan tiwak'axaj k'a ri nupixa'.

Wuj Richin Etamabel-Tzij 18:10

Kan achi'el ri Kowilej Torre, keri' chuqa' ri rubi' ri Jehová, roma ri' ri wineq choj ruk'aslen nukuquba' ruk'u'x rik'in y napon chiri' richin nuto-ri'.

Wuj Richin Bix Chire ri Dios 102:21

richin chi tikitaluj rubixik ri abi' rat Jehová chupan ri tinamit Sión. Xtikiya' aq'ij rat chiri' pa Jerusalem,

Deut 32:3

Yin kan xtintaluj rutzijol ri nuben ri Jehová; y rix ri rutinamit kan tiya' k'a ri ruq'ij chuqa'.

Ex 19:18

Kan chijun k'a ri juyu' Sinaí nibuqun pa sib, roma ri Jehová xqaqa-pe pa ruwi' ri juyu' ri' rik'in q'aq'. Y ri sib ri' kan achi'el k'a ri rusibil jun horno nuben, y chijun ri juyu' nisilon janila.

Wuj Richin ri Q'axanri'il 14:17

Wakami, nink'utuj k'a jun utzil chawe. Kan tak'utu' ronojel ri yatikir naben, kan achi'el ri asujun-pe, chi kan naben qoma roj,

Ex 19:9

Y ri Jehová xubij chik k'a chire ri Moisés: Yin kan xkipe k'a pa jun pimilej-sutz' richin yich'on awik'in y ri awinaq kan xtikak'axaj k'a y kan xtikikuquba' kik'u'x awik'in richin jantape'. Y jari' toq ri Moisés xutzijoj-el chire ri Dios ri ch'abel ri xkibij ri winaqi'.

Ex 23:21

Rix, kan tichajij k'a iwi' rik'in ri ibanobal chuwech rija' y tiwak'axaj ri rutzij. Man kixyakatej chirij, roma rija' maneq kuyubel-mak chuwech, roma kan pan nubi' yin beneq-wi.

Wuj Richin ri Q'axanri'il 12:5

Y jari' toq ri Jehová xqaqa-pe chupan jun achi'el sutz' y xok'oje-qa ri chiri' chuchi' ri rachoch, y kan jari' xeroyoj ri Aarón y ri María. Y chi e ka'i' rije' xebepa'e-apo chuwech.

1 Sam 3:18

Y ri Samuel xutzijoj k'a ronojel chire ri Elí ri xbix chire, y man jun xrewaj. K'ari' ri Elí xubij: Ja rija' ri Jehová, y tubana' pa nuwi' ri achike ri niqa' chuwech, xcha'.