Ex 34:4 - Kaqchiquel Bible

⁴ Y ri Moisés xeruchojmirisaj k'a el ri ka'i' tz'alem taq abej, kan achi'el kibanik ri e ka'i' nabey. Xyakatej nimaq'a' yan y xjote-q'anej pa ruwi' ri juyu' y xeruk'uaj-el ri ka'i' tz'alem taq abej, achi'el xubij ri Jehová chire.

Ex 34:4 ပူးပေါင်းရင်းမြစ်များ

Ex 34:1

Ri Jehová xubij chik k'a chire ri Moisés: Ke'achoyo' ka'i' tz'alem taq abej junan kik'in ri xenjech chawe ri pa nabey y xtintz'ibaj chik k'a chikiwech ri abej ri', ri ch'abel ri xintz'ibaj chikiwech ri abej ri xe'apaxij.

Deut 10:3

Yin kan xinteq rubanik ri káxa ri' y ja ri che' acacia ri xukusex chire. Chuqa' xinteq rubanik ri ka'i' tz'alem taq abej achi'el rubanik ri ka'i' nabey. Xink'uaj-el y xibe k'a el pa ruwi' ri juyu'.

Ex 19:3

Y ri Moisés xjote' k'a el pa ruwi' ri juyu'. Y ri chiri' pa ruwi' ri juyu', ri Dios xch'on-pe rik'in y xubij-pe chire: Kere' k'a tabij chike konojel ri e rijatzul ri Jacob, taya' rutzijol chike ri winaqi' israelita y tabij:

Ex 19:20

Ri Jehová xqaqa k'a pe pa rutum ri juyu' Sinaí, y k'a chiri' xroyoj-wi-pe ri Moisés, y ri Moisés xjote-q'anej k'a rik'in.

Ex 32:16

Kan rusamaj k'a ri Dios ri ka'i' tz'alem taq abej ri' y ri tz'ibatel-pe ri chikiwech kan ja chuqa' ri ruq'a' rija' ri xtz'iban-pe chikiwech ri abej ri'.

Deut 10:1

Chupan ri q'ij ri', ri Jehová xubij chuwe: Tachoyo' ka'i' tz'alem taq abej junan rik'in ri xinjech chawe pa nabey. Chuqa' tabana' kan jun káxa rik'in tz'alem. K'ari' kajote-pe wik'in wawe' pa ruwi' re juyu',