Ex 34:35 - Kaqchiquel Bible

³⁵ Ri winaqi' kan nikitz'et k'a chi ri ruwech ri Moisés kan niyik'lun, y ri Moisés kan nukuch chik k'a ri ruwech rik'in ri tzieq y k'a toq nok chik na apo richin nich'on rik'in ri Jehová, k'ari' nrelesaj chik jun bey.

Ex 34:35 ပူးပေါင်းရင်းမြစ်များ

Filipenses 2:15

Richin keri' kan niq'alajin chi kan utz wi ri ik'aslen, y man ta jun itzel nilitej chiwij. Tiq'alajin k'a chi ix ralk'ual ri Dios, y chi man jun etzelal k'o pan iwánima, stape' ixk'o chuwech re ruwach'ulew chikikojol winaqi' ri man choj ta kik'aslen; ri kan e sachineq-wi rik'in ri kich'obonik. Ja rix k'a ri yixsaqirisan kichin ri winaqi' ri' roma ja rix ri ix achi'el rusaqil ri ruwach'ulew,

San Juan 5:35

Ri Juan kan xuya' k'a ri saqil chiwe. Y rix xirayij y xixkikot k'a rik'in ri saqil ri', jun ka'i-oxi' q'ij.

San Mateo 13:43

Jak'a ri winaqi' ri choj chik kik'aslen, kan xkech'ich'an achi'el ri q'ij. Kan xkeq'alajin k'a chi ek'o pa rajawaren ri aj-chikajil qatata'. Ri k'o k'a rak'axabal, kan trak'axaj k'a ri xinbij, xcha'.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

Dn 12:3

Ri winaqi' ri e etamanela' ri xkeyuqen kichin ri winaqi' ri yebanon pa ruchojmilal xtikik'ul janila ruwaq'ijaj; y ri utzilej kitzijol kan xtitalutej chuwech chijun ruwach'ulew y chikaj.

Wuj Richin ri Molojri'il 8:1

¿K'o kami jun wineq ri kan nujunamaj ri' rik'in jun wineq aj-na'oj? ¿K'o ta kami jun wineq ri nitikir nubij achike roma k'o ronojel, kan achi'el nuben jun aj-na'oj? Ri na'oj kan nuben k'a chire jun wineq chi nujel ri nitzu'un, nuben chire chi nikikot ruwech.

2 Corintios 3:13

Y roma man k'isel ta, man nik'atzin ta chik chi niqaben achi'el xuben ri Moisés, ri xutz'apej ruwech rik'in jun tzieq, richin chi ri ruwinaq man nikitz'et ta toq nik'is-qa ri ruq'ij-ruk'ojlen ri Dios, ri k'o rik'in.

Ex 35:1

Ri Moisés xerumol k'a konojel ri ruwinaq y xubij chike: Jare' ri xuq'et pan iwi' ri Jehová ri k'o chi niben rix: