Ex 34:26 - Kaqchiquel Bible

²⁶ Xtik'uaj k'a chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.

Ex 34:26 ပူးပေါင်းရင်းမြစ်များ

Wuj Richin ri Nehemías 10:35

Y chuqa' xqabij chi ronojel juna' xtiqak'en-pe pa rachoch ri Jehová ri nabey ruwech taq che' ri yetij, y ri nabey taq ruwech ri qatiko'n.

Ex 23:19

Xtik'en k'a pe chupan ri wachoch yin, ri Jehová ri i-Dios, ri nabey jebelej taq ruwech ri itiko'n. Y ri rutijul jun ti alaj tzuntzun, man jun bey tiroqowisaj chupan ri tz'umaj ri richin ri rute'.*f9*

Wuj Richin ri Chojmirisabelri'il 23:10

Kere' k'a tabij chike ri awinaq: Toq rix xixok yan chupan ri ruwach'ulew ri xtinya' chiwe richin niwichinaj kan, y toq xtiq'et k'a ri jalajoj ruwech ixin, k'o chi nik'en-pe ri nabey q'etaj chire ri sacerdote.

Wuj Richin ri Chojmirisabelri'il 23:14

Pa nabey, k'o chi nisuj ri sipanik ri', y k'ari' utz niben kaxlan-wey chire o niwotz'otz'ij pa q'aq' richin nitej. Chuqa' utz nitej choj keri' toq isujun chik ri q'etaj. Re ruchojmilal re' kan jun pixa' richin jantape' ri nuya'on chiwe rix, y xabakuchi ta ixk'o-wi.

Wuj Richin ri Q'axanri'il 15:20

Toq nabey mul xtiben ri iway, k'o chi niwelesaj kan juba' ke'en y niben jun kaxlan-wey chire. Jare' ri niya' chuwe yin achi'el jun sipanik.

Wuj Richin ri Q'axanri'il 18:13

Ronojel ri nabey taq ruwech ri tiko'n ri nuya' ri kulew ri awinaq, ri nikisuj chuwe yin, re' kan xtok-wi awichin rat; y konojel k'a ri ek'o pan awachoch ri kan e ch'ajch'oj utz chuqa' nikitej.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

1 Corintios 15:20

Jak'a ri Cristo kan xk'astej-wi-el. Ja rija' ri nabey ri xk'astej-el chikikojol ri ch'aqa' chik kaminaqi' ri xkek'astej-el.

Deut 14:21

Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Deut 26:10

Wakami k'a Jehová, qak'amon-pe chawe re nabey taq ruwech qatiko'n; jare' ri nabey taq ruwech qatiko'n richin ri ruwach'ulew ri xaya' chiqe, xkixcha'. Y k'ari' xtiya' kan ri ichakach chuwech ri Jehová y kan xtiya' ruq'ij y kan xkixxuke' k'a chuwech.

Deut 26:2

Jari' k'a xtik'uaj ri nabey ruwech ronojel ri itiko'n ri xtiben-qa chuwech ri ruwach'ulew y niya-el chupan jun chakech. Y yixbe ri akuchi k'o-wi ri rachoch ri Jehová richin xtinatex ri rubi' chiri'.

Santiago 1:18

Y rik'in ri rurayibel rija' xuya' jun k'ak'a' qak'aslen toq xqakuquba' qak'u'x rik'in ri qitzij ruch'abel. Xuben keri' richin chi ja roj ri xojok achi'el ri nabey taq kiwech tiko'n ri ye'uk'uex-apo chire rija'.