Ex 34:25 - Kaqchiquel Bible

²⁵ Toq nisuj k'a ri kik' richin jun kamelabel, man titun-pe junan rik'in xabachike ri ruk'uan ch'amilej-q'or. Chuqa' toq niben ri natabel richin ri solbelri'il chiri' pan Egipto, ri ti'ij richin ri kamelabel, wi xa man nik'is ta, man tiyek kan richin ri ruka'n q'ij.

Ex 34:25 ပူးပေါင်းရင်းမြစ်များ

Ex 12:10

Y nik'is k'a ronojel y man jun niya' kan richin ruka'n q'ij ri nimaq'a'. Y wi k'o ri man nik'is ta rutijik, kan tiporoj k'a kan jumul pa q'aq'.

Ex 12:20

Y xabakuchi ta ixk'o-wi, man titej ri k'o ch'amilej-q'or rik'in. Xaxe k'a titija' ri kaxlan-wey ri maneq ch'amilej-q'or rik'in, xcha' ri Dios.

Ex 12:8

Chupan ri aq'a' ri' xtitej sa'on ti'ij. Xtitej chuqa' kaxlan-wey ri maneq ch'amilej-q'or rik'in y k'ayilej-ichaj.

Ex 23:18

Toq nisuj k'a ri kik' richin jun kamelabel, man tisuj junan rik'in ri kaxlan-wey ri ruk'uan ch'amilej-q'or. Chuqa' ri ruq'anal ri chikop ri richin ri kamelabel, man tiyek kan k'a richin ri ruka'n q'ij.

Ex 29:34

Wi man nikik'is ta ri ti'ij y ri kaxlan-wey chupan ri q'ij ri', toq xtiseqer-pe kan xtiporoj y man jun chik titijo roma re' xajan richin nitij roma jun chik wineq.

Wuj Richin ri Chojmirisabelri'il 2:11

Ronojel ri sipanik ri nisuj chuwe yin banon rik'in ri jalajoj ruwech ixin richin niporox man jun ch'amilej-q'or k'o ta rik'in, ni ta ri kab ri nikiya' taq chikopi'.

Wuj Richin ri Chojmirisabelri'il 7:15

Y ri ch'aqa' chik ti'ij ri richin ri kamelabel ri nisuj richin nikiq'alajirisaj chi nijunamatej-kiwech wik'in, ri ti'ij ri' utz chi nikitej chupan ri q'ij ri' y man jun tikiya' kan richin jun chik q'ij.

Wuj Richin ri Q'axanri'il 9:12

Y man jun tuyek kan richin ri ruka'n q'ij chire ri ti'ij ri nitij ri q'ij ri' y man tikiq'ej ri rubaqil. Ronojel re ruchojmilal re' k'atzinel richin nikiben.

San Mateo 13:33

Ri Jesús xuya' chik k'a jun k'ambel-tzij chikiwech, y xubij: Ri aj-chikajil ajawaren kan nibiyin k'a achi'el ri ch'amilej-q'or ri niberuk'ama-pe jun ixoq y nuxol chupan oxi' etabel k'ej, ri nuch'amirisaj ronojel, xcha' ri Jesús.

Deut 16:3

Ri ti chikop ri' nitej rik'in kaxlan-wey ri maneq ch'amilej-q'or rik'in. Wuqu' k'a q'ij nitej ri kaxlan-wey keri'. Re' nuk'exewachuj ri tijoj-poqonal, roma kan chi'anin k'o chi xojel-pe pan Egipto. Keri', kan chijun k'a ik'aslen toqaqa chi'ik'u'x ri q'ij toq xojel-pe pan Egipto.

Deut 16:4

Chupan ri wuqu' q'ij ri' man tik'oje' ch'amilej-q'or iwik'in chupan chijun ri iruwach'ulew. Chuqa' chire ri ti'ij ri xtitej chupan ri tiqaq'ij ri', man jun nik'oje' kan richin ri jun chik q'ij.