Ex 34:24 - Kaqchiquel Bible

²⁴ Roma yin kan xkenwelesaj k'a el ri e etzelanel iwichin y kan xtinnimirisaj k'a ri iruwach'ulew, roma ri' kan maneq chik k'a winaqi' ri xkerayin ri iruwach'ulew. Y rik'in ri keri', rix kan yixtikir yixapon-q'anej chinuwech yin Jehová, chupan chi oxi' nimaq'ij ri niban pa jun juna'.

Ex 34:24 ပူးပေါင်းရင်းမြစ်များ

Wuj Richin Bix Chire ri Dios 78:55

Kan xerelesaj k'a el ri winaqi' aj chiri' ri man nikitzeqelibej ta rija'. Xuch'er k'a ri kiruwach'ulew, chikiwech ri qati't-qamama', richin chi ri kalk'ual nikichinaj kan, chikijujunal rik'in ri kitzobaj.

Ex 33:2

Yin kan xtinteq k'a el ri nu-ángel chiwech rix richin yixruyuqej y xkenwelesaj k'a el chiwech ri winaqi' ri ek'o chiri': Ri cananeo, ri amorreo, ri heteo, ri ferezeo, ri heveo y ri jebuseo.

Hechos 18:10

Yin k'a ri xkichajin awichin wawe'. Kan man jun ri xtak'uluwachij ta pa kiq'a' ri winaqi'. Roma re wawe' pa tinamit Corinto e k'iy winaqi' ri kan e wichin chik yin, xcha' ri Dios chire.

Wuj Richin Etamabel-Tzij 16:7

Toq ri rubanobal ri wineq kan niqa' chuwech ri Jehová, kan e jajun chuqa' ri winaqi' ri ye'etzelan richin, nisiliso-qa ri koyowal chirij.

Deut 12:20

Toq ri Jehová ri qa-Dios xtunimirisaj yan ri iruwach'ulew achi'el ri rusujun kan chiwe, y rix kan xtirayij xtitej ri ti'ij, kan titija' xabachike q'ij xa janipe' niwajo'.

Wuj Richin Bix Chire ri Dios 80:8

Rat xe'awelesaj-pe ri qati't-qamama' pan Egipto y xe'ak'en-pe wawe'; K'ari' xe'awelesaj-el ri winaqi' ri kan ek'o wawe', richin xe'ajikiba' kan.

1 Crón 4:10

Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

Deut 19:8

Toq ri Jehová ri qa-Dios xtunimirisaj ri iruwach'ulew ri xtiberuya' chiwe achi'el ri sujun chike ri qati't-qamama',

Deut 7:1

Toq ri Jehová Dios xkixrukusaj-apo chupan ri ruwach'ulew, jari' toq kan chiwech xkerelesaj-el wuqu' tinamit ri janila e nima'q y janila kuchuq'a' chiwech rix, jare' ri tinamit: Ri hitita, ri gergeseo, ri amorreo, ri cananeo, ri ferezeo, ri heveo y ri jebuseo.

Wuj Richin ri Rutikeribel 35:5

Y rije' xe'el k'a el chiri', y ri Dios xuben chike ri winaqi' ri ek'o chiri' chi xqaqa jun nimalej xibinri'il pa kiwi', y jari' ri xbanon chike chi man xeyakatej ta el chikij.

Wuj Richin ri Achin Job 1:10

Rija' kan k'o chi nuya' aq'ij roma kan jebel aloq'oq'en. Achajin ri rixjayil, ri e ralk'ual y ronojel ri k'o rik'in. Kan aya'on aq'a' pa ruwi' ronojel ri rusamaj y roma ri' janila chik k'iy beyomel ri rumolon chuwech ri ruwach'ulew.

2 Crón 17:10

Ri Jehová xuben k'a chi konojel ri q'atbel-tzij richin ri ruwach'ulew ri ek'o chunaqaj ri Judá xqaqa jun nimalej xibinri'il pa kiwi', y keri' kan man xetikir ta chik xkiben oyowal rik'in ri Josafat.

Wuj Richin ri Chojmirisabelri'il 18:24

Man k'a ke'iben itzel taq banobel achi'el nikiben ri winaqi' aj-Canaán, roma rije' xa kan man e ch'ajch'oj ta chik chinuwech. Y roma ri' xkenwelesaj-el chupan ri kiruwach'ulew, y xtinjech ri ruwach'ulew pan iq'a' rix.

Ex 34:11

Kan tibana' k'a ronojel ri xinbij chiwe chupan re jun q'ij re', y yin kan xkenwelesaj k'a el ri winaqi': Ri amorreo, ri cananeo, ri heteo, ri ferezeo, ri heveo y ri jebuseo.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Wuj Richin Bix Chire ri Dios 120:1

Toq yin xik'oje' chupan ri tijoj-poqonal, kan xich'on rik'in ri Jehová. Rija' kan xirak'axaj k'a chire ri nuch'owen.

Wuj Richin ri Rutikeribel 15:18

Chupan ri q'ij ri', ri Jehová xuben jun jikibel-tzij rik'in ri Abram y xubij chire: Chike ri awijatzul xtinya-wi kan re ruwach'ulew re', nitiker-el rik'in ri raqen-ya' richin Egipto y napon k'a rik'in ri nimalej raqen-ya' rubini'an Éufrates.

1 Rey 5:1

K'o k'a jun achin rubini'an Hiram, rey richin ri ruwach'ulew Tiro, y rija' janila xrajo' ri David toq k'a k'es na. Y jun q'ij xeruteq k'a pe jun tzobaj rusamajela' richin xbekiq'ejela' ri Salomón roma xrak'axaj chi ja rija' xok kan rey pa ruk'exel ri David ri rutata'.