Ex 34:23 - Kaqchiquel Bible

²³ Kan konojel k'a achi'a' ri e awinaq rat, nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri ajaw, ri Dios richin ri Israel.

Ex 34:23 ပူးပေါင်းရင်းမြစ်များ

Ex 23:14

Oxi' k'a mul pa jun juna' yininimaq'ijuj richin niya' nuq'ij.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Ex 23:17

Kan konojel k'a achi'a' nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri iwajaw.

Wuj Richin ri Rutikeribel 32:28

Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

Wuj Richin Bix Chire ri Dios 84:7

Y ri kuchuq'a' kan nik'iyer rokik yeq'ax chupan ri bey ri'. Y pa ruk'isibel chire ri kibinen, yatkitz'et rat chiri' pa juyu' Sión.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.

1 Sam 1:3

Y ronojel k'a juna' ri Elcaná nibe-q'anej pa tinamit Siló richin niberusuju' sipanik richin niberuya' ruq'ij ri Jehová k'iytisanel richin ronojel. Y chiri' k'o-wi ri sacerdote richin ri Jehová rubini'an Elí, chuqa' chiri' ek'o-wi ri e ruk'ajol kibini'an Hofní y Finees. Rije' chuqa' e sacerdote.

2 Crón 8:13

chupan ri jalajoj ruwech taq nimaq'ij, achi'el ri rubin kan ri Moisés; ri q'ij richin uxlanen, ri q'ij toq nalex ri k'ak'a' ik' y ri oxi' nimaq'ij ri yeban pa jun juna': Ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin Pentecostés*f4* y ri nimaq'ij richin ri taq jay banon rik'in tzieq.

Ez 46:9

Y ri pa taq nimaq'ij toq konojel winaqi' ye'ok-apo richin nikiya' nuq'ij, k'o chi kere' nikiben: Ri xke'ok-apo pan okibel ri k'o pa xokon, k'o chi ye'el-el pa xaman. Y ri xke'ok-apo pan okibel ri k'o pa xaman, k'o chi ye'el-el pa xokon. Man xke'el ta el chupan ri okibel ri akuchi ye'ok-wi.