Ex 34:21 - Kaqchiquel Bible

²¹ Waqi' k'a q'ij xkixsamej y chupan ri ruwuq q'ij kan xkixuxlan k'a, roma ri' chupan ri ruq'ijul ri tikoj y ri ruq'ijul ri q'atoj kan k'o chuqa' chi yixuxlan chupan ri ruwuq q'ij.

Ex 34:21 ပူးပေါင်းရင်းမြစ်များ

Ex 23:12

Waqi' k'a q'ij yixsamej y chupan ri ruwuq q'ij kan xkixuxlan k'a, richin chi ye'uxlan chuqa' ri ibóyix y ri ibur. Y chuqa' richin ye'uxlan ri kalk'ual ri isamajela', ri e alaxineq pan iwachoch y ri man e iwinaq ta.

San Lucas 13:14

Jak'a ri aj-raqen chupan ri jay ri richin molojri'il, janila xoyower roma ri Jesús xuk'achojirisaj ri ixoq chupan ri uxlanibel-q'ij. Roma ri' xubij chike ri winaqi' ri kimolon-ki' chiri': K'o waqi' q'ij richin yojsamej y jun k'a chike ri q'ij ri', kixpe richin yixk'achojirisex, jak'a man ja ta re q'ij re', xcha'.

1 Sam 8:12

Xkerukusaj richin xke'ok aj-raqen pa kiwi' ri aj-labal y chuqa' xkerukusaj richin xtikisamajij ri rulew y xtikimol ruchi' ri rutiko'n. Chuqa' xkerukusaj richin xtikiben kamisabel richin labal y ronojel samajibel ri k'atzinel chire ri ru-carruaje.

Deut 21:4

K'ari' rije' nikik'uaj-qa ri ti wákix pa jun toxk'on kojol juyu' ri man jun bey samajin y qasan ta ruwech, y chunaqaj ri raqen-ya', chiri' nikiq'ej-wi ri ruqul ri ti wákix ri'.

Ex 35:2

Waqi' q'ij k'a xtiban samaj y jak'a ri ruwuq q'ij, ri' kan richin ri Jehová, q'ij richin uxlanen, ch'aron richin ninimirisex ruq'ij rija' y xabachike k'a xtisamej chupan ri q'ij ri', kan xtikamisex k'a.

San Lucas 23:56

Toq xetzolej ri ixoqi' ri', xekibanala' kutzil jubulej taq aq'om richin jari' nibekiya' kan chirij ri Jesús. Y xe'uxlan k'a chupan ri jun uxlanibel-q'ij ri', kan achi'el nubij chupan ri pixa' ri richin ri Moisés.

Wuj Richin ri Isaías 30:24

Ri bóyix y ri taq bur ri yesamajin richin ri ulew kan xtik'oje' pa ruk'iyal ri kiway y ri kiq'os.

Wuj Richin ri Rutikeribel 45:6

Ka'i' yan juna' k'o-pe re wayjal chuwech re ruwach'ulew y k'a k'o wo'o' ri nikanej kan chiqij y chupan ri wo'o' juna', stape' xtiban qa tiko'n xa man xtiwachin ta.

Ex 31:15

Waqi' q'ij k'a xtiban samaj y jak'a ri ruwuq q'ij ri' kan q'ij k'a richin uxlanen, q'ij ch'aron chuwe yin y roma ri' xabachike k'a ri xtisamej chupan ri q'ij ri', kan qitzij na wi chi kan xtikamisex.

Wuj Richin ri Chojmirisabelri'il 23:3

Waqi' q'ij k'a xtiben isamaj rix, jak'a ri pa ruwuq q'ij kan man jun samaj ri niben, roma re' kan q'ij richin uxlanen y kan xtiben jun molojri'il richin niya' nuq'ij yin; y xabakuchi k'a ixk'o-wi kan xtichajij k'a.

Wuj Richin ri Nehemías 13:15

Y yin xintz'et chuqa' chi ek'o nuwinaq ri yesamej chupan ri q'ij richin uxlanenri'il. Ch'aqa' yepitz'on uva rik'in kaqen, ch'aqa' ye'eran trigo ri banon pa boraj, y ch'aqa' nikibanala' kejqa'n ri kibur rik'in tzeqaj uva, rik'in vino, rik'in wíkix. Y ronojel re' nikik'en-pe richin nikik'ayij pa Jerusalem. Y roma ri' kan janila k'a xench'olij, y xinbij chike richin man chik tikiben kere' chupan ri q'ij richin uxlanenri'il.