Ex 34:20 - Kaqchiquel Bible

²⁰ Jak'a ri nabey kal ri taq bur k'o chi nikol y niya' jun alaj achij karne'l chuwech y wi man xtikol ta, kan xtiq'upij k'a ri ruqul. Kan xke'ikol k'a konojel ri nabey taq al alaboni'. Kan man jun k'a xtapon chinuwech yin, wi man jun ruk'uan-apo chuwe.

Ex 34:20 ပူးပေါင်းရင်းမြစ်များ

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 13:13

Jak'a ri nabey kal ri taq bur k'o chi niqakol y niqaya' jun alaj achij karne'l chuwech y wi man xtiqakol ta, kan xtiq'upix k'a ri ruqul. Y chuqa' keri' xtiqaben kik'in ri nabey taq qak'ajol, kan k'o chi yeqakol.

Wuj Richin ri Q'axanri'il 18:15

Kan konojel k'a ri nabey taq al, chi winaqi' chi chikopi', kan k'o chi yejach chuwe yin y ri' xke'ok chuqa' awichin rat. Xaxe k'a ri nabey taq al alaboni' y ri e nabey taq al achija' chikopi' ri man e ch'ajch'oj ta, kan k'o chi naya' q'ij richin yekol; kan k'o ri niya'ox kan pa kik'exel.

Ex 13:15

Y toq ri rey aj-Egipto kan xukowirisaj ri ránima richin chi man xuya' ta q'ij chiqe richin chi xojel-pe, ri Jehová kan xuben chi xeken konojel ri e nabey taq k'ajola' y ri e nabey taq achija' kal ri kawej. Y roma ri' roj niqaben k'a re sipanik re', richin chi niqaya' chire ri Jehová ri nabey taq kal ri qawej. Chuqa' niqaya' jujun taq alaji' achija' karne'l chikiwech ri nabey taq al alaboni', richin yeqakol, keri' xtiqabij chike.

2 Sam 24:24

Jak'a ri David xubij: Ninmatioxij chawe, jak'a yin k'o chi ninloq' chawe y ninya' ri rajel ronojel, roma man ruk'amon ta ninsuj chire ri Jehová poron chikop ri xa man ja ta yin in ch'akayon, xcha'. Y keri' ri David xuloq' ri ulew ri', y xeruloq' chuqa' ri bóyix y xutoj rik'in jun libra rik'in nik'aj saqipueq.

Ex 13:10

Jare' k'a ri nubij ri Jehová chi k'o chi niqaben, k'atzinel xtiqanimaq'ijuj re jun q'ij re', ronojel juna'.

Ex 22:29

Man tiq'ax ri q'ij richin nik'en-pe chuwe ri nabey taq ruwech ri itiko'n, ri nabey taq vino y chuqa' ri nabey ik'ajol kan xtik'en-pe chuwe yin.

Ex 13:12

jari' toq xkeqaya' chire ri Jehová ri e nabey taq qak'ajol y chuqa' ri e nabey taq kal ri qawej, ri e achija'.