Ex 34:18 - Kaqchiquel Bible

¹⁸ Kan xtichajij k'a ri nimaq'ij richin ri kaxlan-wey ri maneq ch'amilej-q'or rik'in; wuqu' k'a q'ij xtitej ri kaxlan-wey ri', kan achi'el ri nubin chik chiwe, kan xtinimaq'ijuj k'a chupan ri ik' Abib, roma ja ik' ri' toq xixel-pe pan Egipto.

Ex 34:18 ပူးပေါင်းရင်းမြစ်များ

Wuj Richin ri Chojmirisabelri'il 23:6

Y chupan ri q'ij wolajuj, xtichop-el richin ninimaq'ijuj ri kaxlan-wey ri maneq ch'amilej-q'or rik'in, richin niya' nuq'ij yin. Y wuqu' k'a q'ij nitej ri kaxlan-wey ri'.

Hechos 12:3

Roma ri Agripa xutz'et chi ri xuben chire ri Jacobo xa kan xqa' chikiwech ri judío ri man kiniman ta ri Jesucristo, rija' xuteq k'a chuqa' ruchapik ri Pedro. Re' xbanatej chupan ri nimaq'ij toq nitij ri kaxlan-wey ri maneq ch'amilej-q'or rik'in.

San Lucas 22:1

Xa naqaj chik k'a k'o-wi ri nimaq'ij toq nikitej kaxlan-wey ri maneq ch'amilej-q'or rik'in, y nikinataj toq ri Dios xuya' ri Solbelri'il.

Marcos 14:1

Xa ka'i' chik k'a q'ij nrajo' richin chi napon ri q'ij toq ri aj-Israel nikinataj toq ri Dios xuya' ri Solbelri'il chike. Chuqa' nikinimaq'ijuj toq nikitej ri kaxlan-wey ri maneq ch'amilej-q'or rik'in. Jari' toq ri aj-raqen kichin ri sacerdote y ri etamanela' chirij ri pixa' nikich'obola' achike rubanik richin niqaqa ri Jesús pa kiq'a' y nikikamisaj.

Ex 23:15

Xtinimaq'ijuj k'a ri q'ij richin ri kaxlan-wey ri maneq ch'amilej-q'or rik'in y wuqu' k'a q'ij xtitej re jun ruwech kaxlan-wey re', achi'el ri nubin chiwe. Xtiben k'a re nimaq'ij re' chupan ri ik' Abib, roma chupan ri ik' ri' toq xixel-pe pan Egipto. Y kan man jun k'a chiwe rix ri xtipe chinuwech yin y man jun sipanik ruk'amon-pe chuwe.

Ex 12:2

Re ik' re' kan xtok ri nabey ik' chire ri juna' ri kan iwichin rix.

Ex 12:42

Y ri aq'a' ri' ri Jehová kan xk'oje' k'a kik'in, richin yeruchajij, richin xerelesaj-pe ri israelita pan Egipto. Y roma ri' ri israelita ronojel juna', nikinimaq'ijuj y yek'ase' chi jun aq'a'. Keri' k'a nikiben chi wiq chi tanaj.

Wuj Richin ri Q'axanri'il 28:16

Chupan ri q'ij kajlajuj richin ri nabey ik' chire ri juna', jari' toq ninimaq'ijuj ri aq'a' toq yin choj xinik'o-el pan iwi' richin xixinkol-pe.

Wuj Richin ri Q'axanri'il 28:17

Y chupan chik ri jun q'ij jari' toq nitikeriba' yixnimaq'ijun wuqu' q'ij nitej kaxlan-wey ri maneq ch'amilej-q'or rik'in.

Ex 13:3

Y ri Moisés xubij chike ri winaqi': Toqaqa k'a chiqak'u'x re jun q'ij re', chupan ri ik' Abib toq ri Jehová rik'in ri nimalej ruchuq'a' xojrelesaj-pe pa tijoj-poqonal. Roma ri' kan man jun k'a chiqe roj xtutej ta kaxlan-wey ri k'o ch'amilej-q'or rik'in.

Ex 23:14

Oxi' k'a mul pa jun juna' yininimaq'ijuj richin niya' nuq'ij.