Ex 34:16 - Kaqchiquel Bible

¹⁶ Y toq rix xke'ik'en-apo ri kimi'al rije' richin chi ye'ik'uluba' kik'in ri ik'ajol rix; toq ri xtani' ri' xtikiya' kiq'ij ri ki-dios, xa kan xtikiben chike ri ik'ajol chi tikibana' chuqa' keri'.

Ex 34:16 ပူးပေါင်းရင်းမြစ်များ

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

1 Rey 11:1

Ri rixjayil ri rey Salomón ja ri rumi'al ri rey richin Egipto, jak'a pa ruwi' ri' ek'o más ixoqi' ri xerajo' y xe'ok rixjayil. Ek'o chike rije' e aj-Moab, aj-Amón, aj-Edom, aj-Sidón y chuqa' ixoqi' hitita; konojel re ixoqi' re' man e ruwinaq ta.

1 Rey 21:25

Kan qitzij na wi chi man jun chik xbanon achi'el ri xuben ri Acab, ri kan xujech-ri' chubanik ri etzelal chuwech ri Jehová, y ja ri Jezabel ri rixjayil ri xbanon chire richin xmakun chuwech ri Jehová.

2 Crón 21:11

Pa ruwi' ri' xa xeruben chik el ri akuchi niya'ox-wi kiq'ij ri wachibel chiri' pa taq juyu' richin Judá. Ja rija' ri xtzaqon chik kan kichin ri aj-Jerusalem y ri ch'aqa' chik winaqi' ri ek'o pa rajawaren, y chuqa' xuben chike chi xkich'er kan ki' chire ri ruchojmilal.

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

Wuj Richin ri Esdras 9:2

Rije' kan e k'ulan kik'in ri kimi'al re winaqi' re', y keri' chuqa' ri kik'ajol, y kan xkixol-pe-ki' qik'in roj, ri kan oj ch'aron. Y pa ruwi' re' ja ri e tata'al y ri e aj-raqen pa kiwi' ri qatinamit, ja rije' ri e nabey ri xebanon re mak re', xecha'.

Wuj Richin ri Nehemías 10:30

Y rije' kan kere' k'a xkibij: Man xtiqaya' ta q'ij chi ri qami'al-qak'ajol xkek'ule' kik'in xtani' o alaboni' ri man e qawinaq ta.

Wuj Richin ri Nehemías 10:31

Roj man xtiqaloq' ta ni jun chikiwech ri winaqi' ri yepe juk'an chik tinamit ri ye'ok'ayin chupan ri q'ij richin uxlanenri'il, y ri ch'aqa' chik q'ij toq k'o nimaq'ij, kan man xtiqaloq' ta ni ri richin yetij. Y chuqa' toq napon ri wuqu' juna' man jun tiko'n niqaben chuwech ri ulew richin nuxlan y chuqa' xabachike ruwech k'as xtiqakuy.

Wuj Richin ri Nehemías 13:23

Y chuqa' xintz'et chupan ri q'ij ri', chi ek'o nuwinaq israelita ri xek'ule' kik'in ixoqi' aj-Asdod, aj-Amón y aj-Moab.

Wuj Richin ri Nehemías 13:25

Y xench'olij rije', y xinbij chike chi nipe etzelanik pa kiwi'. Y keri' chuqa' xench'ey jujun chike rije', y xink'uq ri rusumal-kiwi'. Y keri' chuqa' xinben chike richin tikiya' kitzij chuwech ri Jehová Dios richin man yek'ule' ta chik ri kimi'al, ni ri kik'ajol kik'in ri aj juk'an chik tinamit.

Wuj Richin Bix Chire ri Dios 106:39

Rik'in ri banobel ri' xe'ok man e ch'ajch'oj ta ri israelita. Kan achi'el k'a jun ixoq itzel ruk'aslen, keri' xkiben rije' kik'in ri dios ri'.

Os 1:2

Toq ri Jehová xuchop nich'on wik'in, kere' xubij: Oseas, kak'ule' rik'in jun ixoq itzel ruk'aslen y kek'oje' awalk'ual rik'in ri e achi'el ri ruk'aslen rija'. Roma ri tinamit Israel xa janila xutz'ilobisaj-ri' achi'el jun ixoq ri yerukanola' achi'a' richin nimakun kik'in, xcha' chuwe.

Wuj Richin ri Chojmirisabelri'il 21:15

Richin keri' ri kiwinaq man yech'on ta itzel chirij ri rijatzul rija'. Roma yin Jehová kan nucha'on rija' chi xok wichin yin, xcha' chire ri Moisés.

Wuj Richin ri Josúe 23:12

roma wi xa xtich'er kan iwi' y xtijunamatej-iwech kik'in ri winaqi' ri k'a ek'o na kan chuwech ri ruwach'ulew ri', y xkixk'ule' kik'in richin xtixol-iwi' kik'in rije' y rije' iwik'in rix;

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Wuj Kichin ri To'onela' 14:3

Ri rute-rutata' xkibij chire: ¿Maneq ta k'a xtani' chikikojol ri qawinaq roj, richin nabek'ama-pe jun xten chikikojol ri winaqi' aj-Filistea ri xa man nikiya' ta ruq'ij ri qa-Dios roj?, xecha' chire. Jak'a ri Sansón xubij chike: Ja xten ri' ri niqa' chinuwech yin, y jari' ri xtik'utuj richin nok wixjayil, xcha'.

Wuj Kichin ri To'onela' 3:5

Keri' k'a ri israelita xek'oje' chikikojol ri winaqi' cananeo, ri hitita, ri amorreo, ri ferezeo, ri heveo y ri jebuseo.

Wuj Kichin ri To'onela' 3:6

Y ri kimi'al-kik'ajol ri israelita xek'ule-qa kik'in ri kalk'ual ri winaqi' ri', y xekisamajij ri ki-dios.

Wuj Kichin ri To'onela' 8:27

Rik'in ri q'anapueq ri xmolotej, ri Gedeón xuben jun tzieq achi'el ri nukusaj ri nimalej sacerdote; y re tzieq re' xuyek pa tinamit Ofrá; y chijun tinamit Israel xa xbe kánima rik'in ri tzieq ri'; y xa xok jun pikbel chire ri Gedeón y chike ri e aj pa rachoch.