Ex 34:15 - Kaqchiquel Bible

¹⁵ Kan man titun-iwi' kik'in ri winaqi' ri ek'o chupan ri ruwach'ulew ri akuchi xkixapon-wi. Roma ri q'ij toq rije' xtikiya' ruq'ij ri ki-dios y xtikisuj kamelabel chuwech, jari' toq xkixkoyoj. Y rix kan xkixbe k'a, roma man xkixtikir ta xtibij chike chi man yixbe ta. Y keri', rix xtibetija' ri xa xkisuj yan chuwech ri ki-dios.

Ex 34:15 ပူးပေါင်းရင်းမြစ်များ

1 Crón 5:25

Jak'a rije' man xkikuquba' ta kik'u'x rik'in ri Jehová ri ki-Dios y ri ki-Dios ri kite-kitata'. Roma xa xekitzeqelibej ri ki-dios ri winaqi' aj chiri', ri xa xe'elesex yan el roma ri Jehová toq ye'ok yan apo chupan ri ruwach'ulew.

Wuj Richin ri Esdras 6:9

Y pa ruwi' re', kan ronojel k'a q'ij xtiya'ox chike ri ki-sacerdote ri achike nik'atzin richin ri kamelabel, achi'el ri nima-alaji' achija' taq wákix, achija' taq karne'l, alaji' achija' taq karne'l; ronojel re' richin niporox chuwech ri Dios ri rajaw ri kaj. Chuqa' ri trigo, atz'an, vino y aceite; ronojel re' kan tiya'ox chike q'ij-q'ij ri sacerdote.

Wuj Richin ri Esdras 9:12

Roma ri' man tiya' ri imi'al chike ri kik'ajol rije' richin yek'ule', ni man tiya' ri ik'ajol chike ri kimi'al rije' richin yek'ule'. Chuqa' man tijikiba' itzij kik'in rije' richin ye'ito'. Wi xtinimaj nutzij, rix kan xtik'oje' iwuchuq'a', y xtitej ri ruwech ri che' richin re ruwach'ulew re' y kan xtikichinaj kan ri iwalk'ual rix, richin jantape', xabij chike ojer.

Wuj Richin Bix Chire ri Dios 106:28

Ri israelita xa xkisamajij ri dios Baal-peor. Xkitej ri sipanik ri e sujun chik chikiwech ri dios ri maneq kik'aslen.

Wuj Richin Bix Chire ri Dios 73:27

Ri at kimalin kan xa kan xkeken k'a; rat xtaben chi xkek'is-el konojel ri nikich'er kan ki' awik'in.

Ex 22:19

Wi k'o ta jun achin netz'an rik'in jun ixoq chikop o jun ixoq netz'an ta rik'in jun achij chikop, rije' kan xkekamisex k'a.

Ex 22:20

Wi k'o ta jun ri nisuju kamelabel chikiwech ch'aqa' chik dios pa ruk'exel chi nusuj chuwech ri Jehová, kan tikamisex k'a.

Ex 23:32

Man tiben chi nijunamatej-iwech kik'in ri winaqi', rik'in jikibel-tzij y man tik'en kiwech ri ki-dios.

Ex 32:8

Rije' xa kan chi'anin k'a xkich'er kan ki' chire ri bey ri xink'ut chiwech, rije' xa xkiben jun ruwachibel nima-alaj achij wákix rik'in q'anapueq ya'erisan pa q'aq' y jari' ri nikiya' ruq'ij y nikisujula' kamelabel chuwech y nikibij chi jari' ri ki-dios ri xe'elesan-pe pan Egipto.

Ex 34:10

Y ri Jehová xubij chik chire ri Moisés: Wakami k'a, yin xtinbenbana' chik rutzil jun tununri'il iwik'in. Chuqa' chikiwech ri awinaq kan xkenben k'a meyel taq banobel, ri kan man jun bey e banatajineq ta ri pa taq tinamit ri ek'o chuwech re ruwach'ulew. Kan konojel k'a ri winaqi' kichin ri tinamit ri ek'o-pe chi taq inaqaj, xtikimey ri nimalej nusamaj yin Jehová y kan xtikimey k'a ri xtinbenbana' iwik'in rix.

Ex 34:12

Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Wuj Richin ri Jeremías 3:9

Ri tinamit Israel kan man xkich'ob ta ri xkiben y xkitz'ilobisaj ri kiruwach'ulew. Y rije' xa xekitzeqelibej ch'aqa' chik dios achi'el nuben jun ixoq itzel ruk'aslen yerutzeqelibej ch'aqa' chik achi'a' y xkiya' kiq'ij ri abej y ri che' ri janila kixaq.

Os 4:12

Ri nutinamit ja chik ri e wachibel ri e banon rik'in che' ri yekik'ulubej-apo. Nikikusaj taq che' richin nikibananej chi ketaman ri peteneq chikiwech. Kan xch'akatej yan k'a roma ri itzel taq banobel. Ri nutinamit xa kan kitzeqeliben k'a ri itzel taq banobel. Xa xemakun k'a y xkich'er kan ki' wik'in.

Os 9:1

Rix aj-Israel man kixkikot, man kixtzopiyaj roma kikoten achi'el nikiben ch'aqa' chik tinamit. Rix xa kan ix makuwineq chuqa', xa kan xich'er kan iwi' chire ri qa-Dios. Xa kan xqa' k'a chiwech ri rutojbalil ri itzel taq ibanobal ri xiben ri akuchi nich'ay-wi ri trigo.

Wuj Richin ri Chojmirisabelri'il 17:7

Y man jun bey chik tisuj kamelabel chikiwech itzel taq espíritu ri iya'on kiq'ij ri xa koma rije' xixtzaq. Re' kan jun k'a pixa' chiwe rix tibe-q'ij tibe-seq.

Wuj Richin ri Q'axanri'il 15:39

Ri retz'aba'l ri ruchi' ri itziaq ri' kan xtik'atzin k'a chiwe richin toq nitzu-qa, noqaqa chi'ik'u'x ronojel ri nupixa' ri nuya'on chiwe yin y xkixok k'a nimey taq tzij y man xtiben ta ri itzel taq rayinik ni man xtitzu' ta chik ruwech.

Wuj Richin ri Q'axanri'il 25:1

Y rokik ri tinamit Israel k'o-qa ri chiri' pa ruwach'ulew Sitim, ri achi'a' xkichop k'a yemakun kik'in ri ixoqi' aj-Moab,

Wuj Richin ri Q'axanri'il 25:2

roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in.

Hechos 15:20

Ri ruk'amon k'a niqaben, ja ri tiqataqa-el rubixikil chike chupan jun wuj, chi man yekitej ri xa man utz ta richin nitij roma ya'on chik chikiwech ch'aqa' chik dios. Chuqa' ri winaqi' e k'ulan man tikikanola-ki' richin yemakun, y man chuqa' tikitej ti'ij kichin ri chikopi' ri xejiq', ni man k'a chuqa' tikitej kik', qojcha-el chupan ri wuj.

1 Corintios 10:27

Wi k'o ta jun wineq ri man ralk'ual ta ri Dios, ri yixroyoj richin jun wa'in, utz yixbe, wi niwajo'. Titija' ri nuya' chiwe, y man nik'atzin ta na chi nik'utuj wi sujun o man sujun ta chikiwech wachibel, richin chi man jun ri niq'axo ta ránima.

1 Corintios 8:10

Rix kan k'o iwetamabal pa ruwi' ronojel re', jak'a wi ta ri qach'alal ri' yixrutz'et chi ixk'o pa rachoch jun wachibel, y yixrutz'et ta chi kan nitej ri ti'ij ri sujun chike ri wachibel, wi keri', xa niben k'a chire ri qach'alal ri' chi nutej chuqa', stape' ri ránima nubij chi man utz ta.

1 Corintios 8:4

Wakami ninwajo' k'a yojtzijon chirij ri ti'ij kichin chikopi' ri yekamisex richin yesuj chike ch'aqa' chik dios. Jak'a kan qetaman chi xaxe jun Dios k'o, y ri wachibel xa kan man jun kejqalen.

1 Corintios 8:7

Jak'a kan ek'o qach'alal ri man ketaman ta chi ri wachibel man jun yetikir nikiben, stape' xkiya' kiq'ij ri wachibel toq rubanon kan. Roma ri' ri kánima jujun chike rije', nuna' chi wi nikitej ri ti'ij ri sujun chike ri wachibel, rik'in ri' nikiya' ruq'ij ri wachibel. Y nikina' chi kan mak wi ri nikiben.

Deut 31:16

Y ri Jehová xubij k'a chire ri Moisés: Rat xkatuxlan yan k'a apo junan kik'in ri ate-atata', y toq rat at maneq chik, re winaqi' richin re tinamit re' xa xkeyojtej y xkekitzeqelibej-el ch'aqa' chik dios ri kichin ri winaqi' ri ek'o pa taq ruwach'ulew ri akuchi xke'apon-wi. Kan xkinkimalij k'a kan y xtikiq'ej ruwi' ri nujikibel-tzij ri nubanon kik'in.

Deut 31:18

Toq xtapon ri q'ij ri' yin kan xkenmalij wi kan, roma ronojel ri itzel ri yekibanala' chi xekiyala' kiq'ij ch'aqa' chik dios.

Deut 32:37

Jari' toq ri Jehová xtubij chiwe: ¿Akuchi kami ek'o-wi ri i-dios ri nibij richin yeto'on iwichin? ¿Akuchi kami ek'o-wi ri achoq kik'in ikuquban-wi ik'u'x?

Deut 32:38

¿Akuchi kami ek'o-wi ri i-dios ri nibij chi utz nikiseq ri ruq'anal ri chikop richin ri ikamelabal? ¿Akuchi kami ek'o-wi ri i-dios ri chuqa' nibij chi nikiqum ri isipanik richin vino? ¡Keyakatej k'a richin yixkito' y yixkikol!, xticha' ri Jehová.

Deut 7:2

Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

Deut 7:3

Man tixolola-iwi' kik'in rije'; man tiya' q'ij richin yek'ule' ri imi'al kik'in ri kik'ajol rije', ni ri kimi'al rije' yek'ule' ta kik'in ri ik'ajol rix.

Wuj Richin ri Josúe 23:12

roma wi xa xtich'er kan iwi' y xtijunamatej-iwech kik'in ri winaqi' ri k'a ek'o na kan chuwech ri ruwach'ulew ri', y xkixk'ule' kik'in richin xtixol-iwi' kik'in rije' y rije' iwik'in rix;

Apocalipsis 2:20

Xa jak'a k'o jun ibanobal ri man niqa' ta chinuwech, y ri' ja ri jantape' ikoch'on ri rubanobal ri ixoq Jezabel. Roma rija' kan nubij chi q'alajirisey ruch'abel ri Dios, jak'a xaxe richin yeruq'ol ri nusamajela', kan nuk'ut chikiwech chi nikitej ri kamelabel ri sujun chikiwech ch'aqa' chik dios, y chi ri achi'a' y ri ixoqi' tikikanola-ki' richin yemakun.

Wuj Kichin ri To'onela' 2:17

Jak'a rije' kan man xeniman ta chuqa' chike ri to'onela', xkimalij kan ri Jehová y xa xekitzeqelibej ri jujun chik dios, y xkiya' kiq'ij; keri' chuqa' chi'anin xkijech'ej kan ki' chire ri rupixa' ri Jehová, y man xkiben ta achi'el ri xkiben ri kite-kitata'.

Wuj Kichin ri To'onela' 3:6

Y ri kimi'al-kik'ajol ri israelita xek'ule-qa kik'in ri kalk'ual ri winaqi' ri', y xekisamajij ri ki-dios.