Ex 34:13 - Kaqchiquel Bible

¹³ Xa kan xtiyojola' k'a el ri kiporobal y xke'iwulaj-el ri wachibel e paban y kan xtichoy k'a el ri ki-dios Asera.

Ex 34:13 ပူးပေါင်းရင်းမြစ်များ

2 Rey 18:4

Rija' xrelesaj k'a ri akuchi nikiya-wi kiq'ij wachibel pa ruwi' taq juyu'. Xerupaxij ri dios ri e banon rik'in abej y xuqupij-el ri paban-che' richin ri Asera. Chuqa' xuwulaj ri kumetz ri banon rik'in q'enq'oj-pueq ri chuqa' xkibij Nehustán*f7* chire. Ri winaqi' kan nikiya-wi k'a ruq'ij ri kumetz y kan nikiporoj pom chuwech.

Ex 23:24

Man k'a kixxuke' chikiwech ri ki-dios, ni man ke'isamajij, ni man titzeqelibej chuqa' achi'el ri nikiben ri winaqi' ri'. Xa kan ke'iq'umla' k'a el konojel ri wachibel ri e kibanon y ke'iwulaj jumul.

Deut 16:21

Chunaqaj ri akuchi ibanon-wi ri porobel richin ri Jehová ri qa-Dios, man jun che' titik-qa richin niya' ruq'ij ri ixoq-dios Asera.

Deut 7:5

Ke'iwulaj ronojel ri porobel, ri wachibel, ri paban taq che' ri nikiya' ruq'ij; kan ke'iporoj k'a kan.

2 Crón 31:1

Toq xk'is k'a ronojel re', konojel ri israelita ri ek'o chiri' xebe k'a pa taq tinamit ri ek'o chupan chijun ri ruwach'ulew Judá y xekiwulaj k'a ri wachibel e paban y xekiyoj k'a ri paban-che' richin Asera. Xekiyoj k'a akuchi yekamela'an-wi ri ek'o pa ruwi' taq juyu', y xekiwulaj ri ch'aqa' chik porobel ri ek'o chiri' pa Judá, pa Benjamín, pa Efraín y ri pa Manasés. K'ari' konojel israelita xetzolej pa taq kiruwach'ulew y pa taq kixoral.

2 Rey 23:14

Chuqa' chiri' xeruwulaj k'a el ri wachibel ri e paban-q'anej y xuchoy ri paban-che' richin Asera. K'ari' xutaluj baq kichin kaminaqi' ri chiri'.

Wuj Kichin ri To'onela' 6:25

Y chupan k'a ri aq'a' ri' xubij ri Jehová chire: Tabek'ama-pe jun bóyix chikikojol ri q'ataj ruwákix ri atata', y jun chik bóyix ri k'o wuqu' rujuna'. Y tawulaj-el ri porobel richin ri Baal ri nuchajij ri atata'. Chuqa' tachoyo-el ri paban-che' richin ri Asera ri k'o junan rik'in ri porobel ri'.

Wuj Kichin ri To'onela' 2:2

richin chi rix man ta nijunamatej-iwech kik'in ri winaqi' ri ek'o chupan re ruwach'ulew re', y ri kiporobal kan k'o chi xke'iwulaj-el, xicha' chike rije'. Jak'a rix xa man xinimaj ta nutzij. ¡Titz'eta' re ibanon wakami!

Wuj Kichin ri To'onela' 6:26

Y ri chiri' chuwi-juyu' tapaba-q'anej jun porobel chinuwech yin Jehová ri in a-Dios. K'ari' xtabek'ama-pe ri bóyix ri k'o wuqu' rujuna', richin nasuj chinuwech yin pa ruwi' ri porobel; y ri paban-che' ri xaqasaj jari' nakusaj richin si', xcha'.

1 Rey 14:15

Ri Jehová xtuyikikej ri tinamit Israel achi'el nuk'uluwachij ri aj ri ek'o chuchi' raqen taq ya' toq nisilon ri ya'. Y xkeruk'uq-el jumul chuwech re utzilej ruwach'ulew ri xuya' chike ri iwati't-imama'. Y rix xkixrutalula-el k'a juk'an chik chire ri raqen-ya' Éufrates, roma xe'ipaba-q'anej ri paban-che' richin xiya' ruq'ij ri dios ixoq Astarté, y rik'in ri' xiyek royowal ri Jehová.

2 Crón 14:3

Xerelesaj-el ri porobel kichin ri ch'aqa' chik dios ri ek'o pa ruwi' taq juyu' y xeruyoj jumul ri akuchi niya'ox-wi kiq'ij. Chuqa' xerupaxij ronojel ri paban taq abej y chuqa' ri ruwachibel ri dios ixoq rubini'an Asera.

2 Crón 15:16

Y chuqa' xuben chire ri Maacá ri rati't chi xel-pe chupan ri q'atbel-tzij, roma rija' rubanon-q'anej jun itzel ruwachibel Asera. Ri Asá xuwulaj-el ri wachibel ri', y k'ari' xberuboxo' pa q'aq' chuchi' ri siwan ri napon-qa pa ch'uti'n raqen-ya' Cedrón.

2 Crón 17:6

Kan xk'oje' k'a kikoten pa ránima richin xujech-ri' pa ruq'a' ri Jehová, y pa ruwi' ri' kan xerelesaj chuqa' ri che' ri ruwachibel ri Asera y ri akuchi nikiya-wi kiq'ij ri wachibel ri ek'o pa ruwi' taq juyu' ri chiri' pa rajawaren.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

2 Crón 33:19

Chuqa' ri ruch'owen rik'in ri Dios, y toq xak'axatej ronojel ri rumak ri xuben toq man xunimaj ta rutzij ri Dios, keri' chuqa' toq xeruben ri akuchi xkiya-wi kiq'ij ri wachibel ri pa ruwi' taq juyu', toq xeruben ri paban-che' richin Asera y ri ch'aqa' chik wachibel richin xuya' kiq'ij, y toq man jani tuqasaj-ri' chuwech ri Dios; ronojel k'a re' xtz'ibatej kan chupan ri kiwuj ri yetz'eton ri peteneq chikiwech.

Wuj Richin ri Isaías 17:8

Xa kan xtimulun ik'u'x chirij ri porobel ri xe'iben rix, y xa kan man xtitzu' ta chik ronojel ri wachibel ri xe'iben. Chuqa' man xtich'ob ta chik ri ruwachibel ri Asera, y ni ri porobel-pom ri xe'iben.

Wuj Richin ri Isaías 27:9

Xaxe k'a k'o jun rubanik richin xtukuy ri kimak ri qawinaq israelita; wi xtikiben k'a ronojel re', kan xtikuyutej ronojel ri man utz ta kibanon: Kan xkeruyoj k'a ronojel porobel ri xa e kichin ch'aqa' chik dios, y kan xkeke'ex achi'el niban rik'in ri chum. Chuqa' xke'elesex ronojel paban-che' ri nikiya' ruq'ij ri Asera, y ronojel porobel richin pom.

Wuj Richin ri Jeremías 17:2

Y k'iy sol winaqi' chiwe rix noqaqa k'a chi'ik'u'x ri porobel y ri paban-che' ri kan e ch'aron richin niya' kiq'ij ch'aqa' chik dios, chuxe' ri che' ri janila kixaq y pa ruwi' ri nima'q taq juyu'.

Wuj Richin ri Miqueas 5:14

Xtrelesaj k'a el chikiwech ri paban-che' richin ri dios Asera, y kan xkeruwulaj k'a ronojel ri qatinamit.

Wuj Richin ri Q'axanri'il 33:52

k'o chi xke'ikamisaj k'a konojel ri winaqi' aj chiri'. Chuqa' xke'iwulaj kan ronojel wachibel ri nikiya' kiq'ij, ri ki-dios ri xa e banon rik'in abej o e ya'erisan pa q'aq'. Chuqa' xke'iwulaj kan akuchi nikiya-wi kiq'ij wachibel pa ruwi' taq juyu'.

Deut 16:22

Man jun wachibel paban tiben rik'in abej richin niya' ruq'ij, roma re' kan nretzelaj ri Jehová ri qa-Dios.

2 Rey 10:27

Y xkiwulaj k'a ri wachibel paban-q'anej richin ri Baal, y xkiwulaj kan ri rachoch. Ri chiri' re wakami xok richin chulubel.