Ex 34:12 - Kaqchiquel Bible

¹² Tichajij-iwi' richin chi man niben jikibel-tzij richin niya' itzij chike ri winaqi' ri ek'o chiri' ri akuchi xkixapon-wi, richin chi man ye'ok jun pikbel pan ik'aslen y nikiben chiwe richin yixtzaq.

Ex 34:12 ပူးပေါင်းရင်းမြစ်များ

Deut 7:2

Toq ri Jehová ri qa-Dios xerujech yan pan iq'a', man tijunamatej-iwech kik'in, ni man tijoyowaj kiwech, xa kan ke'ik'isa' k'a konojel.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

Wuj Richin Bix Chire ri Dios 106:36

y xekisamajij ri ki-dios. Jare' xbanon chike chi xpe wululen chikij.

Wuj Kichin ri To'onela' 8:27

Rik'in ri q'anapueq ri xmolotej, ri Gedeón xuben jun tzieq achi'el ri nukusaj ri nimalej sacerdote; y re tzieq re' xuyek pa tinamit Ofrá; y chijun tinamit Israel xa xbe kánima rik'in ri tzieq ri'; y xa xok jun pikbel chire ri Gedeón y chike ri e aj pa rachoch.

Deut 20:18

richin man nikik'ut chiwech ri itzel taq banobel ri xekibanala' rije', richin nikiya' ruq'ij ri ki-dios; y keri' nikiben chiwe richin yixmakun chuwech ri Jehová ri qa-Dios.

1 Rey 11:2

Y chikij k'a re' ch'owineq chik kan ri Jehová y rubin kan chike ri israelita chi man kek'ule' kik'in ri winaqi' ri', roma wi xtikiben keri' kan jujik chi xtikiben chike ri israelita chi xtikitzeqelibej ri ki-dios rije'. Jak'a ri Salomón xerajo' konojel re ixoqi' re',

2 Rey 17:10

Chuqa' xekipaba-q'anej che' richin ri Asera, y wachibel kichin ch'aqa' chik dios pa ronojel ruwi' nima'q taq juyu', y chuxe' ronojel taq che' ri janila ruxaq.

2 Crón 24:18

Roma ri' ri winaqi' xkimalij kan ri rachoch ri Jehová ri ki-Dios kan ri kati't-kimama', y xkisamajij k'a ri ruwachibel Asera y ri ch'aqa' chik wachibel. Roma re mak re' ri Dios xpe royowal pa ruwi' ri Judá y ri Jerusalem.

Wuj Richin ri Q'axanri'il 33:52

k'o chi xke'ikamisaj k'a konojel ri winaqi' aj chiri'. Chuqa' xke'iwulaj kan ronojel wachibel ri nikiya' kiq'ij, ri ki-dios ri xa e banon rik'in abej o e ya'erisan pa q'aq'. Chuqa' xke'iwulaj kan akuchi nikiya-wi kiq'ij wachibel pa ruwi' taq juyu'.

Deut 31:5

Ri Jehová xkerujech pan iq'a' y rix kan ja k'a ri nubin yin chiwe jari' ri k'o chi niben kik'in.

Wuj Richin ri Josúe 9:7

Y ri winaqi' aj-Israel xkibij chike ri achi'a' heveo: Rik'in k'a juba' rix xa ke taq re' naqaj ixk'o-wi, ¿achi'el ta k'a yojtikir nijunamatej-qawech iwik'in?, xecha'.

Wuj Kichin ri To'onela' 6:10

Y xinbij k'a chiwe chi ja yin Jehová ri in i-Dios; man tiya' kiq'ij ri dios kichin ri amorreo, stape' chupan ri kiruwach'ulew ixk'o-wi; y jak'a rix xa man iniman ta pe nutzij, nicha' ri Jehová, xcha' ri q'alajirisey ri ruch'abel.