Ex 34:10 - Kaqchiquel Bible

¹⁰ Y ri Jehová xubij chik chire ri Moisés: Wakami k'a, yin xtinbenbana' chik rutzil jun tununri'il iwik'in. Chuqa' chikiwech ri awinaq kan xkenben k'a meyel taq banobel, ri kan man jun bey e banatajineq ta ri pa taq tinamit ri ek'o chuwech re ruwach'ulew. Kan konojel k'a ri winaqi' kichin ri tinamit ri ek'o-pe chi taq inaqaj, xtikimey ri nimalej nusamaj yin Jehová y kan xtikimey k'a ri xtinbenbana' iwik'in rix.

Ex 34:10 ပူးပေါင်းရင်းမြစ်များ

Deut 10:21

Kan tiqanimirisaj k'a ri rubi' ri Jehová, roma kan xuben k'a nima'q taq banobel ri kan nak'en rukiy qoma roj, y re' kan xqatz'et.

Wuj Richin Bix Chire ri Dios 77:14

Ja rat ri at Dios ri yabanon meyel taq banobel; rat nak'ut ri awuchuq'a' chikiwech ri ch'aqa' chik ruwach'ulew.

Wuj Richin ri Isaías 64:3

Toq rat xe'aben ri meyel taq banobel ri man e qoyoben ta roj, jari' toq xaqaqa-pe, y ri juyu' kan xebaybot chawech rat.

Wuj Richin Bix Chire ri Dios 66:5

Kixanpe k'a, titz'eta' ronojel ri rubanon ri Dios, ri meyel taq banobel ri xuben kik'in ri qate-qatata'.

Wuj Richin ri Jeremías 32:21

Kan xe'awelesaj k'a pe ri awinaq Israel chupan ri ruwach'ulew Egipto rik'in nima'q y meyel taq banobel. Rik'in nimalej awuchuq'a' xaben chike ri aj-Egipto chi e k'iy chike rije' kan xkik'en janila rukiy.

2 Sam 7:23

Chuqa' kan man jun chik k'o ri achi'el ta roj ri atinamit Israel, roma kan ja rat ri xakolon-pe kichin ri qati't-qamama' chiri' pan Egipto richin xojok atinamit. Chuqa' kan xaben chi xnimer aq'ij toq xe'aben ri nimalej taq banobel ri kan nak'en rukiy richin chi xe'awelesaj-el ri winaqi' aj wawe' junan kik'in ri ki-dios, chikiwech ri qati't-qamama' toq xe'oqaqa re wawe'.

Wuj Richin Bix Chire ri Dios 78:12

Re meyel taq banobel re' kan xuben k'a chikiwech ri ojer qati't-qamama' chupan k'a ri ruwach'ulew Egipto, ri chiri' pa tinamit Soan.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Richin ri Josúe 6:20

Y ri achi'a' xesik'in rik'in ronojel kuchuq'a', toq ri sacerdote xeyaloj xkixupuj ri xupubel, y jari' toq ri achi'a' xkak'axaj y xesik'in-q'anej, ri tz'aq ri rusutin-rij ri tinamit kan xtzaq-qa jumul y jari' toq kan choj xe'ok-apo chupan ri tinamit y xkich'ek.

Ex 34:27

Xeri' ri Jehová xubij chire ri Moisés: Ke'atz'ibaj k'a re ch'abel re', roma rik'in re ch'abel re' nubanon ri nujikibel-tzij awik'in rat y kik'in ri awinaq, xcha' ri Dios.

Wuj Richin Bix Chire ri Dios 145:6

Xtitzijox k'a ri samaj ri xaben rik'in uchuq'a' ri kan nak'en rukiy. Y yin kan xtintaluj k'a rutzijol ri animirinen.

Wuj Richin Bix Chire ri Dios 106:22

stape' rija' xbanon meyel taq banobel chupan ri ruwach'ulew richin ri Cam; banobel ri man jun bey e tz'eton chiri' pa Kaqa-Palou.

Wuj Richin Bix Chire ri Dios 76:12

Ja ri Jehová nelesan kik'aslen ri aj-raqen; kan nuben chike ri rey chi nik'oje' rukiy rija' chikiwech.

Wuj Richin Bix Chire ri Dios 65:5

Kan nak'uluba' k'a pe ri qach'abel rik'in meyel taq banobel y pa ruchojmilal, ja rat nimalej Dios ri at qakolotajik, awik'in k'a rat kikuquban-wi kik'u'x konojel ri winaqi' richin chijun ri ruwach'ulew, konojel ri ek'o chuchi' taq palou ri k'a janila nej ek'o-wi.

Wuj Richin Bix Chire ri Dios 147:20

Y re' kan man rubanon ta kik'in ri man nikitzeqelibej ta rija'. Ri man ketaman ta ri rupixa'. Kan tinimirisex k'a ruq'ij ri Jehová.

Deut 4:13

Rija' kan xuq'alajirisaj chiqe ri rujikibel-tzij ri lajuj pixa' y xubij chi man tiqamestaj niqaben; y xutz'ibaj kan chuwech ka'i' tz'alem taq abej.

Wuj Richin Bix Chire ri Dios 68:35

Roj kan yojk'ark'ot roma xibinri'il toq ri Dios nel-pe chupan ri rachoch. Jak'a rija' kan nuya' quchuq'a'. Tiqaya' k'a ruq'ij ri nimalej qa-Dios.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

Deut 9:19

Yin kan janila k'a xinxibij-wi' chuwech ri royowal ri Dios pa kiwi' rije', roma kan xrajo' chi xeruk'is ta rik'in ri royowal. Jak'a rija' kan xerak'axaj chik.

Wuj Richin Bix Chire ri Dios 72:18

¡Kan nim k'a ruq'ij ri Jehová Dios, ri Dios richin Israel! Kan xaxe rija' ri nibanon ri meyel taq banobel.

Wuj Richin Bix Chire ri Dios 136:4

Kan xaxe rija' ri xbanon ri nima'q taq banobel; roma ri rujoyowanik rija' kan richin jantape'.

Wuj Richin ri Miqueas 7:15

Tabana' utzil tak'utu' chik chikiwech ri meyel taq banobel ri xe'aben achi'el xaben toq xe'awelesaj-pe pan Egipto.