Ex 33:9 - Kaqchiquel Bible

⁹ Kan xaxe k'a nok-apo ri Moisés chupan ri jay ri', jari' toq niqaqa-pe ri sutz' pa'el chikaj y nik'oje' chuchi' ri jay ri' y ri Jehová nitzijon k'a rik'in ri Moisés.

Ex 33:9 ပူးပေါင်းရင်းမြစ်များ

Wuj Richin Bix Chire ri Dios 99:7

Chupan k'a jun sutz' pa'el chikaj xch'on kik'in. Ri pixa' ri xuya' rija' chike, kan jari' ri xkitaqej.

Ex 31:18

Toq ri Jehová xtane' chi ch'owen rik'in ri Moisés chiri' pa ruwi' ri juyu' Sinaí, xujech-pe ri ka'i' tz'alem taq abej chire, ri akuchi nuq'alajirisaj-wi ri rurayibel rija'. Re tz'alem taq abej re' kan ja ri Dios ri xtz'iban-pe kiwech.

Ez 3:22

Y chirij re' ri ruchuq'a' ri Jehová xpe chik jun bey wik'in y xubij chuwe chi kibiyin pa taq'aj y chiri' xtich'on wik'in.

Wuj Richin ri Q'axanri'il 11:17

Yin xkiqaqa-pe y chiri' xkich'on awik'in y yin xtinwelesaj juba' chire ri ejqa'n ri nuya'on pan awi' rat y re' xtinya' pa kiwi' rije' richin yatkito' chuk'uaxik ri ralal ri samaj, y man ayon ta chik rat ri xkatuk'uan.

Ex 34:9

Y xeri' ri Moisés xubij chire ri ajaw: Wi qitzij chi wilon utzil chawech, tabana' utzil jo' qik'in, stape' re atinamit kan man nuqasaj ta ri' chawech. Kan takuyu' k'a ri itzel taq qabanobal, takuyu' ri qamak y tabana' chiqe chi kan yojok-wi atinamit, xcha' ri Moisés.

Ex 34:3

Kan man jun k'a wineq tibe awik'in, ni kan man jun chik tijote-el chawij. Chuqa' kan man jun k'a karne'l, ni bóyix keyuq'ux chuxe-apo ri juyu', xcha' ri Jehová.

Ex 33:11

Ri Jehová y ri Moisés kan nikitzu' k'a ki' toq yetzijon, kan achi'el toq jun wineq nitzijon rik'in jun rachibil. Y toq ri Moisés tzijowineq chik kan rik'in ri Jehová, nitzolin k'a ri akuchi ek'o-wi-qa. Jak'a ri Josué, ri to'onel richin ri Moisés, kan jantape' k'o chiri' chupan ri rachoch ri Dios.

Ex 25:22

Y chiri' k'a pa ruwi' ri tz'apebel, chiri' chikikojol ri e ka'i' querubín, chiri' xtink'ut-pe-wi' chawech. Ja ri chiri' ri xtiqak'ul-wi-qi' richin xtinbij ri k'atzinel richin nikiben ri awinaq.

Wuj Richin ri Rutikeribel 18:33

Toq ri Jehová xtane' kan richin nitzijon rik'in ri Abraham, rija' xbe, y ri Abraham xtzolin-el pa rachoch.

Wuj Richin ri Rutikeribel 17:22

Toq ri Dios xtane' kan chi ch'owen rik'in ri Abraham, xtzolin-q'anej.

Ex 33:8

Ronojel k'a mul toq ri Moisés nibe chupan ri jay ri', kan konojel k'a winaqi' yeyakatej y yebepa'e-pe ri chuchi' taq kachoch ri banon rik'in tzieq. Y konojel k'a kitzuliben ri Moisés k'a toq nok na chupan ri jay richin molojri'il.

Ex 33:10

Toq ri winaqi' nikitz'et chi ri sutz' pa'el chikaj y k'o chiri' chuchi' ri jay ri', jari' toq chikijujunal yexuke' chuchi' ri kachoch y nikichop nikiya' ruq'ij ri Jehová.

Ex 34:5

Y ri Jehová kan xqaqa k'a pe chupan ri sutz' y xk'oje' junan rik'in ri Moisés y xuq'alajirisaj ri rubi' chuwech.

Deut 31:14

K'ari' ri Jehová xubij chire ri Moisés: Wakami naqaj chik k'a k'o-apo ri q'ij richin ri akamik, roma ri' tataqa' royoxik ri Josué y tak'uaj chupan ri wachoch richin molojri'il, richin xtinbij chire ri ruk'amon chi nuben, xcha'. Keri' ri Moisés y ri Josué junan xebe chupan ri jay richin molojri'il,

Deut 31:15

y jari' toq ri Jehová xuk'ut-ri' chikiwech pa jun sutz' ri pa'el chikaj ri chiri' chuchi' ri jay.

Wuj Richin ri Q'axanri'il 7:89

Ronojel mul toq ri Moisés xok-apo chupan ri rachoch ri Dios richin molojri'il richin nibech'on rik'in, xrak'axaj ri ruch'abel ri Dios chiri' pa ruwi' ri tz'apebel-ruwi' ri káxa, chiri' chikikojol ri ka'i' kiwachibel querubín.