Ex 33:6 - Kaqchiquel Bible

⁶ Ri winaqi' kan keri' k'a xkiben, kan xaxe toq xe'el-el ri chiri' rik'in ri juyu' Horeb, ri chuqa' nibix Sinaí chire. Kan xekelesala-el chikij ri jebelej taq tzieq y ri wiqobel ri yekikusala'.

Ex 33:6 ပူးပေါင်းရင်းမြစ်များ

Ex 3:1

Toq ri Moisés yeruyuq'uj ri karne'l e richin ri Jetro, ri rujinan, ri sacerdote chuqa' richin Madián, k'o k'a jun q'ij xeruk'uaj-el ri karne'l k'a pa tz'iran ruwach'ulew y xapon k'a chunaqaj ri juyu' richin ri Dios ri rubini'an Horeb.*f2*

Ex 32:3

Y ri winaqi' kan keri' wi xkiben, xekelesala-pe ri ruwi' taq ixkinaj chuwi' taq kixikin y xekik'en-pe chire ri Aarón.

Ex 33:4

Y toq ri winaqi' xkak'axaj ri kow taq ch'abel ri xubij ri Jehová, kan janila k'a xebison y man jun ri xukusan ta jebelej taq tzieq y ri wiqobel ri yekikusala'.

Ex 33:5

Keri' k'a xkiben ri winaqi', roma ri Jehová kan xunabeyajisaj yan k'a rubixik chike. Xa kan xbix yan k'a chike roma ri Moisés chi rije' xa e jun tinamit ri man nikiqasaj ta ki'. Y wi ri Jehová nik'oje' chikikojol, kan pa jun ti ramaj yeruk'is konojel. Y chuqa' chi tikelesaj ronojel ri jebelej taq tzieq chikij y ri wiqobel ri yekikusala'. Y ri Jehová xtunojij na ri achike xtuben kik'in.

Ex 33:7

Y ri Moisés kan xuben k'a achi'el ri rubanon-pe, chi k'a nej-el juba' chire ri akuchi ek'o-wi-qa, chiri' xberupaba-wi ri jay ri banon rik'in tzieq. Y re jay re', jay richin molojri'il ri xubij chire. Y xabachike k'a ri nikanon richin ri Jehová, kan k'o k'a chi napon k'a akuchi k'o-wi ri jay ri'.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Jonás 3:5

Toq ri winaqi' aj-Nínive xkak'axaj ri peteneq pa kiwi', xkinimaj k'a ri ruch'abel ri Dios, y xelesex rutzijol chi man yewa' ta y tikikusaj k'a qiriqoj taq tzieq. Keri' xkiben richin chi xkik'ut chi xkitzolij-ki' chikij chire ri kimak, y kan keri' k'a xkiben chi ch'uti'q, chi nima'q.