Ex 33:4 - Kaqchiquel Bible

⁴ Y toq ri winaqi' xkak'axaj ri kow taq ch'abel ri xubij ri Jehová, kan janila k'a xebison y man jun ri xukusan ta jebelej taq tzieq y ri wiqobel ri yekikusala'.

Ex 33:4 ပူးပေါင်းရင်းမြစ်များ

2 Sam 19:24

Chuqa' ri Mefi-bóset ri rumam kan ri rey Saúl xbe richin xberuk'ulu' ri David, y kan man atiwineq ta k'a, ni man ruchojmirisan ta ri rusumal-ruchi', ni man jalowineq ta. Kan keri' k'a xuch'ob richin nuben chupan ri q'ij toq xbe ri rey k'a toq xtzolin chik na rik'in uxlanibel-k'u'x.

1 Rey 21:27

Toq ri Acab xrak'axaj ri ch'abel ri xubij ri Elías, xuretz ri rutziaq chirij y xukusaj jun tzieq richin bis y kan man xwa' ta, y kan rik'in ri rutziaq ri' nikotz'e-qa; xuqasaj-ri' y kan janila k'a nibison ri nitzu'un.

2 Rey 19:1

Toq ri rey Ezequías xrak'axaj re', xuretz ri rutziaq y xukusaj tzieq richin bis y xbe pa rachoch ri Jehová.

Wuj Richin ri Esdras 9:3

Toq xinwak'axaj re', xinretz ri nutziaq chuwij y xinretz ri ko'ol raqen tzieq ri nuq'un, y chuqa' xink'uq ri rusumal-nuwi' y ri rusumal-nuchi', y rik'in janila bis xitz'uye'.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Wuj Richin ri Achin Job 2:12

Toq rije' ye'apon yan k'a apo rik'in, kan man niketamaj ta chik ruwech roma ri ruk'uluwachin. Jari' toq xkoq'ej ruwech rik'in raqoj-chi'ij, y chikijujunal rije' xkiretz ri kitziaq chikij y xkijopij ulew chikaj y pa kiwi'.

Ex 33:6

Ri winaqi' kan keri' k'a xkiben, kan xaxe toq xe'el-el ri chiri' rik'in ri juyu' Horeb, ri chuqa' nibix Sinaí chire. Kan xekelesala-el chikij ri jebelej taq tzieq y ri wiqobel ri yekikusala'.

Wuj Richin ri Isaías 32:11

Rix ri kan man jun nimey, kan kixbaybot, rix ri kan ikuquban ik'u'x, kan kixruyikikej xibinri'il. Kan tiwelesaj k'a ri itziaq ri ikusan, y kan tikusaj tzieq richin bis.

Ez 24:17

Jak'a pan ewel ninya' q'ij chawe chi yajiq'ijo'x chirij. Man tak'ut chi yabison ni man tawelesaj ri kuchubel-ajolon, ni ri axajab. Chuqa' man tatz'apej apalej, ni man tatej q'utun richin bis, xcha' ri Jehová chuwe.

Ez 24:23

Man xtiwelesaj ta ri kuchubel-ijolon, ni ta ri ixajab. Chuqa' man xtijiq' ta oq'ej. Xa kan xkixbek'is roma ri imak y kan junan k'a xkixjilon chi'iwonojel.

Ez 26:16

Jari' toq konojel k'a ri e rey pa kiwi' ri ch'aqa' chik tinamit ri', kan xkeyakatej k'a el pa kitz'uyubal, y xtikelesaj k'a el ri jebelej taq tzieq y rik'in k'a janila xibinri'il xkebetz'uye' pan ulew. Y jantape' k'a k'o xibinri'il kik'in y roma ri' xkebaybot y xtikimey ri xbanatej.

Os 7:14

Man xinkoyoj ta k'a rik'in ronojel kánima, stape' kan kiqasan-ki' k'a pan ulew kan xkisokola' k'a qa ki'. Richin chi xkik'utuj ri ki-trigo y ri ki-vino, xa xkipaba' k'a ki' chinuwech yin.

Wuj Richin ri Chojmirisabelri'il 10:6

Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Wuj Richin ri Jonás 3:6

Chuqa' xapon rutzijol rik'in ri rey richin ri tinamit ri', y rija' xyakatej chupan ri ruch'akat, y xrelesaj ri rutziaq ri rukusan. Y xukusaj ri tzieq qiriqoj, y k'ari' xtz'uye' pa chaj.

Wuj Richin ri Zacarías 7:3

Xebech'on kik'in ri e sacerdote ri ek'o chupan ri rachoch ri Jehová, y chuqa' kik'in ri e q'alajirisey ruch'abel. Y xkik'utuj: ¿Ruk'amon kami yojoq' y yojmewayin chupan ri ro' ik', achi'el ri qabanon-pe k'a re wakami?, xecha'.

Wuj Richin ri Zacarías 7:5

chi tinbij k'a chike konojel ri winaqi' y chuqa' chike ri sacerdote chi juna' chi juna' chupan ri oxk'al lajuj juna', rije' xemewayin y xejilon chupan ri ro' y ri ruwuq ik'. Jak'a rije' xa man richin ta xkiya' ruq'ij-ruk'ojlen ri Jehová.

Wuj Richin ri Q'axanri'il 14:1

Y roma ri' ri winaqi' israelita xesik'in chi oq'ej y chijun ri chaq'a' ri' janila xe'oq'.

Wuj Richin ri Q'axanri'il 14:39

Y toq ri Moisés xutzijoj ronojel ri ch'abel chike ri winaqi' richin ri tinamit, rije' janila xq'axon ri kánima y janila xebison.

1 Sam 6:19

Jak'a ri Dios xuben chike richin xeken e oxk'al lajuj achi'a' ri ek'o chiri' roma xkinik'oj-qa rupan ri káxa richin ri rujikibel-tzij ri Jehová. Y ri winaqi' richin ri tinamit janila xe'oq' roma ri Jehová kan xuya' ruk'ayewal pa kiwi'.