Ex 33:22 - Kaqchiquel Bible

²² Toq xtiq'ax k'a ri nuk'ojlemal chawech, xkatinkusaj-apo chupan re jul re k'o chupan re abej re'. Y yin xtintz'apej k'a awech rik'in ri nuq'a' y xtinwelesaj k'a ja toq in q'axineq chik el.

Ex 33:22 ပူးပေါင်းရင်းမြစ်များ

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin ri Isaías 2:21

Xtibanatej ronojel re' toq ri Jehová xtiyakatej richin nusiloj ri ruwach'ulew, y ri winaqi' xtikewaj-ki' chuxe' nima'q taq abej, chuqa' chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

Wuj Richin Bix Chire ri Dios 91:4

Xqojrukuch k'a rik'in ri ruxik'. Chuxe' ri' kan kuqul qak'u'x xqojk'oje'. Rija' xqojruto' y man xqojrumalij ta kan.

1 Corintios 10:4

chuqa' xkiqum ri ya' ri xuya-pe ri Dios chike. Ri ya' ri' xel-pe pa jun nimalej abej ri kan kachibilan. Y ri abej ri', nuk'exewachuj ri Cristo.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

2 Corintios 5:19

Ri Dios xuben chi qonojel roj winaqi' xjunamatej qawech rik'in roma ri rusamaj ri Cristo, y xojrukuy chire ri qamak. Y chiqe roj xuchilabej chi k'o chi niqaq'alajirisaj re jun utzilej rutzijol re'.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin ri Nimalej Bix 2:3

Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

Deut 33:12

Rix ri tzobaj richin Benjamín: Rix ri janila yixajowex roma ri Jehová y roma ri' kan ikuquban ik'u'x. Ri nimalej Dios xkixchajin ronojel q'ij; y kan xkixk'oje' chuxe' ri ruq'a' rija'.

1 Rey 19:9

Y toq k'o chik chiri', xukanoj jun jul, y chiri' xuq'axaj-wi ri aq'a'. Y jari' toq ri Jehová xch'on rik'in y xuk'utuj chire achike nuben chiri'.

Wuj Richin ri Isaías 49:2

Ri Dios xuben chi ri qach'abel xok pa taq kánima ri ye'ak'axan, achi'el jun espada ri kan janila rey ri nikamisan, y achi'el jun ch'ab ri janila ch'ut rutza'n. Kan xojrewaj chuxe' ri ruq'a', y kan xojruchajij.

Wuj Richin ri Isaías 51:16

Yin ri kan xinrik' ri kaj, y xinben ri ruwach'ulew, y xixincha' rix aj-Sión. Roma ri' ja rix ix nuwinaq. Yin kan xinya' ri nuch'abel pan ichi', y kan yixinto' rik'in ronojel, achi'el xa ta nuya'on ri nuq'a' pan iwi' richin imujal.