Ex 33:21 - Kaqchiquel Bible

²¹ Y ri Dios kan jari' toq xubij chire ri Moisés: Tatzu', wawe' k'o jun abej y k'o akuchi utz yapa'e-wi-pe wik'in.

Ex 33:21 ပူးပေါင်းရင်းမြစ်များ

1 Rey 19:9

Y toq k'o chik chiri', xukanoj jun jul, y chiri' xuq'axaj-wi ri aq'a'. Y jari' toq ri Jehová xch'on rik'in y xuk'utuj chire achike nuben chiri'.

Wuj Richin Bix Chire ri Dios 18:2

Jehová, rat kan at achi'el k'a jun abej ri ninwewaj-wi' chirij, achi'el jun jay ri akuchi utz ninto-wi-wi'. rat kan yinakol-wi. Kan xtinkuquba' k'a nuk'u'x awik'in. ja rat ri at nutobal yin. rat yinakol chikiwech ri e etzelanel wichin y ja rat yato'on wichin chuwech ronojel.

Wuj Richin Bix Chire ri Dios 18:46

Nimalej ruq'ij ri Jehová roma ja rija' ri tobel wichin yin. Xtinnimirisaj k'a ri nu-Dios, ri xya'on ri nukolotajik.

Wuj Richin Bix Chire ri Dios 27:5

Toq yin xkik'oje' pa ruk'ayewal, rija' kan xkirewaj chupan ri rachoch. Kan xkirukuch jebel pan ewel chiri' y xkiruchajij, xtuben chuwe chi achi'el xa ta ink'o pa ruwi' jun nimalej abej y man jun nitikir niq'i'on wichin.

Wuj Richin Bix Chire ri Dios 61:2

Kan k'a pa ruk'isibel chire ri ruwach'ulew xkich'on-wi awik'in, kan xkich'on k'a awik'in toq ri wánima janila nibison. Kinak'uaj, k'a pa ruwi' ri abej ri más nim chinuwech yin.

Wuj Richin Bix Chire ri Dios 62:7

Kan rik'in ri Dios k'o-wi ri nukolotajik y ri nuruwaq'ijaj; rik'in rija' k'o-wi ri nutobal ri akuchi ninto-wi-wi' yin.

Wuj Richin ri Isaías 56:5

wi keri', yin kan k'o ri más utz xtinya' chike ke chuwech kalk'ual. Kan xtinya' q'ij richin ri kibi' kan xtitz'ibex kan richin q'asen, chupan ri wachoch, chirij ri tz'aq, y kan man jun xtiyojo-el chiri'. Y re' xtinben kan richin tibe-q'ij tibe-seq.

Wuj Richin ri Zacarías 3:7

Ri Jehová k'iytisanel richin ronojel kere' nubij: Wi rat yabiyin achi'el ninwajo' yin, y wi nataqej ri nupixa' richin ruchojmilal, man xkatinwelesaj ta chupan ri asamaj wawe' pa wachoch. Chuqa' xtachajij ri ruwa-jay richin ri wachoch, y xtinya' k'a q'ij chi xkak'oje' chikikojol ri ángel ri ek'o wawe'.

San Lucas 15:1

K'o k'a jun q'ij konojel ri achi'a' e moloy méro ri k'o chi nitoj chire ri rey, y ri ch'aqa' chik winaqi' ri man nikitzeqelibej ta ri pixa' kichin ri fariseo, xe'apon rik'in ri Jesús richin nikak'axaj ri nubij.

Deut 5:31

Jak'a rat yak'oje' kan wawe' wik'in, richin ninbij chawe ronojel ri nupixa' richin xkentijoj. Y wi rije' kan xtikitaqej ri pixa', chuqa' xkek'oje' chupan ri ruwach'ulew ri xtinbenya' chike, xcha' chuwe.

Wuj Richin ri Josúe 20:4

Ri wineq ri niberuto-ri' chiri', napon k'a chuchi' ri tinamit y chiri' niberuq'alajirisaj chikiwech ri aj-raqen richin ri tinamit ri achike roma animajineq-el. Y rije' xtikiya' q'ij richin nok-apo, y xtik'oje-qa chiri' pa tinamit richin tobel.