Ex 33:19 - Kaqchiquel Bible

¹⁹ Jari' toq ri Jehová xubij chire ri Moisés: Wakami k'a xkiq'ax y rat kan xtawetamaj nuwech chi yin kan in utz wi y xtinq'alajirisaj ri nubi' chawe. Roma yin kan ninjoyowaj-wi ruwech ri ruk'amon richin ninjoyowaj ruwech y ninpoqonaj ruwech ri ruk'amon richin ninpoqonaj ruwech.

Ex 33:19 ပူးပေါင်းရင်းမြစ်များ

Wuj Richin ri Jeremías 31:14

Y ri winaqi' ri' kan xkekikot rik'in janila chi beyomel ri xtinya' chike y chuqa' ri sacerdote kan xtik'oje' pa ruk'iyal kik'in.

Wuj Richin ri Jeremías 31:12

Rije' xkepe k'a pa tinamit Sión, rik'in jun raqoj-chi'ij richin kikoten y kan xkekikot k'a rik'in ri pa ruk'iyal ri xtinya' chike: Ri jalajoj ruwech ixin, ri vino, ri aceite y ri kokoj y nima'q taq awej. Y ronojel utz xtel chikiwech achi'el jun qejoj ri jebel ya'an. Y man jun bey chik k'a xtik'is kuchuq'a'.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Wuj Richin ri Zacarías 9:17

Kan janila k'a jebel xtiben chuwech ri iruwach'ulew. Ri iwalk'ual chi alaboni' chi xtani' kan jebel k'a xkek'iy-q'anej, achi'el ri tiko'n y ri juwi-uva, xcha'.

Romanos 2:4

Rix iwetaman chi ri Dios yalan utz iwik'in y nikoch'on. Chuqa' iwetaman chi rija' keri' rubanon-pe iwik'in rix roma nrajo' chi niya' kan ri itzel taq banobel, man rik'in ri' xa man niwajo' ta nitzolej pe ik'u'x.

Wuj Richin ri Isaías 12:4

Chupan k'a ri q'ij ri', rix nuwinaq xtibij: Tiqaya' matiox chire ri Jehová, y kan tiqaya' ruq'ij. Chuqa' tiqaya' k'a rutzijol chike konojel winaqi' richin chijun ruwach'ulew ri nima'q taq rubanobal. Kan tiqaya' rutzijol chi rija' kan nimalej-wi.

Wuj Richin ri Isaías 9:6

Roma kan xtiya'ox-pe jun ak'ual richin xto'alex-qa, alk'ualaxel ri kan xtiya'ox-pe chiqe. Xtiya'ox-pe q'atbel-tzij pa ruq'a'. Y kan xtubini'aj k'a: Ri jebelej pixabanel, Ri Dios ri k'o ronojel uchuq'a' rik'in, Tata'aj richin q'asen, Tata'al ri xtuk'en-pe uxlanibel-k'u'x.

Wuj Richin ri Nehemías 9:25

Y rije' xekich'ek chuqa' ri tinamit ri e sutin-kij chi tz'aq y ulew richin tiko'n. Chuqa' xok kan kichin ri kachoch ri winaqi' aj chiri', jay e nojineq rik'in beyomel. Chuqa' xok kan kichin ri ralaxbel taq ya', utzilej taq qejoj ri tikon uva y che' olivo, chuwech y ronojel che' ri nuya' ruwech. Xkitej k'a ronojel ri' y janila k'a xeti'ojir. Y xekikot k'a roma ri awutzil rat.

Romanos 9:23

Chuqa' xrajo' xuq'alajirisaj chi yalan utz runa'oj qik'in roj ri qak'ulun chik ri rutzil. Rija' xojrucha' yan pe richin yojok achi'el rija'.

Wuj Richin Bix Chire ri Dios 65:4

Kan jebel k'a ruwa-qaq'ij roj ri xojacha' rat richin yojk'oje' awik'in, richin chi yojk'oje' chuwa-jay chire ri awachoch. Kan xqojch'uch'u' k'a rik'in ri utzil ri k'o chupan ri awachoch.

Wuj Richin Bix Chire ri Dios 25:13

Y rije' kan xkebe k'a pa jotol rik'in ronojel. Y ri kijatzul xtikichinaj kan ri ruwach'ulew.

Deut 32:3

Yin kan xtintaluj rutzijol ri nuben ri Jehová; y rix ri rutinamit kan tiya' k'a ri ruq'ij chuqa'.