Ex 33:10 - Kaqchiquel Bible

¹⁰ Toq ri winaqi' nikitz'et chi ri sutz' pa'el chikaj y k'o chiri' chuchi' ri jay ri', jari' toq chikijujunal yexuke' chuchi' ri kachoch y nikichop nikiya' ruq'ij ri Jehová.

Ex 33:10 ပူးပေါင်းရင်းမြစ်များ

1 Rey 8:22

K'ari' ri Salomón xbek'oje' chuwech-apo ri porobel richin ri Jehová chikiwech-apo ri rijatzul ri Israel ri kimolon-ki' chiri', y k'ari' xutzeqej-q'anej ri ruq'a' chikaj,

1 Rey 8:14

K'ari' ri Salomón xupiskolij-ri', xerutzu' konojel ri ruwinaq y xerurtisaj. Y konojel k'a ri ruwinaq e pa'el-apo chiri'.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

San Lucas 18:13

Jak'a ri moloy méro k'a nej xk'oje-wi kan richin nich'on rik'in ri Dios, pa'el y jun lukul-wi chiri', roma chuwech rija' kan man ruk'amon ta nuyek ri runaq' taq ruwech chikaj. Rija' nubajila' k'a ruwa-ruk'u'x, y nubij k'a chire ri Dios: Tajoyowaj nuwech, roma yin in jun aj-mak chawech, nicha'.

Ex 13:21

Y ri Jehová beneq k'a chikiwech rije': Ri paq'ij beneq pa jun sutz' pa'el chikaj richin nuk'ut ri bey chikiwech, y ri chi'aq'a', ri sutz' ri' nok ruxaq-q'aq' richin nusaqirisaj ri kibey, richin chi yebiyin chi paq'ij chi chaq'a'.

Ex 33:9

Kan xaxe k'a nok-apo ri Moisés chupan ri jay ri', jari' toq niqaqa-pe ri sutz' pa'el chikaj y nik'oje' chuchi' ri jay ri' y ri Jehová nitzijon k'a rik'in ri Moisés.

Ex 33:11

Ri Jehová y ri Moisés kan nikitzu' k'a ki' toq yetzijon, kan achi'el toq jun wineq nitzijon rik'in jun rachibil. Y toq ri Moisés tzijowineq chik kan rik'in ri Jehová, nitzolin k'a ri akuchi ek'o-wi-qa. Jak'a ri Josué, ri to'onel richin ri Moisés, kan jantape' k'o chiri' chupan ri rachoch ri Dios.