Ex 32:6 - Kaqchiquel Bible

⁶ Y keri' ri ruka'n q'ij, ri winaqi' kan nimaq'a' yan k'a xeyakatej y xekisuj kamelabel ri yeporox chijun y xekiyala' chuqa' sipanik richin nuq'alajirisaj chi junan kiwech rik'in ri Dios. Y k'ari' xetz'uye' richin xewa-xe'uk'ya' y xeri' xeyakatej-el richin xenimaq'ijun.

Ex 32:6 ပူးပေါင်းရင်းမြစ်များ

Ex 32:5

Jak'a toq ri Aarón xutzu' ri nikiben ri winaqi', rija' xuben k'a q'anej jun porobel ri chiri' chuwech-apo ri ruwachibel ri nima-alaj achij wákix y k'ari' rik'in ruchuq'a' xubij: Chua'q, kan jun nimaq'ij k'a richin ri Jehová.

Am 2:8

Richin qajbel ri kiméro xkik'ul tzieq chuwi-kiq'a' ri kiwinaq. Y kikusan k'a ri tzieq ri' yekotz'e' chunaqaj ri porobel. Yekiloq' jebelej taq vino rik'in ri méro ri puaqin chike. Ri vino ri' nikiqum pa wachoch.

Am 8:10

Chuqa' xtinben chi ri nimaq'ij xa xtibe'ok richin oq'ej roma ri kaminaqi', Chuqa' ri bix xaxe chik richin q'axo'n. Xtinben chiwe chi xtikusaj itziaq richin bis y kan xtisokaj-el ri rusumal-iwi' richin retal q'axo'n. Xkixoq' k'a achi'el toq noq'ex jun juney ak'ual toq niken. Y kan ronojel xtik'is rik'in q'axo'n.

Wuj Richin ri Q'axanri'il 25:2

roma kan ja k'a ri ixoqi' ri xe'oyon kichin ri winaqi' richin ri tinamit Israel richin nikisuj kamelabel chikiwech ri ki-dios, y rije' kan xewa-xe'uk'ya' kik'in.

1 Corintios 10:7

Man k'a tiya' kiq'ij kiwachibel ch'aqa' chik dios, achi'el xkiben jujun chike ri qati't-qamama', achi'el tz'ibatel kan chupan ri ruch'abel ri Dios*f12* toq nubij chi ri winaqi' xetz'uye' richin xewa-xe'uk'ya', y konojel xeq'aber y xekibanala' itzel taq banobel.

Apocalipsis 11:10

Y ri winaqi' ri' xkekikot janila roma ri e ka'i' ri xeken yan. Y roma ri kikikoten janila, kan xkekibanala' k'a sipanik chikiwech-qa rije', roma kan xek'ayewatej pa kiq'a' ri e ka'i' q'alajirisey ruch'abel ri Dios.