Ex 32:33 - Kaqchiquel Bible

³³ Xeri' ri Jehová xubij chire: Yin xaxe k'a ri nimakun chinuwech ri xtinyoj ri rubi' chupan ri nuwuj.

Ex 32:33 ပူးပေါင်းရင်းမြစ်များ

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Wuj Richin Bix Chire ri Dios 69:28

Tayojo' kibi' chupan ri wuj ri akuchi tz'ibatel-wi kibi' ri kan yek'ase' richin q'asen, kan man tik'oje' ri kibi' chikikojol ri choj kik'aslen.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Wuj Richin Bix Chire ri Dios 9:5

Xaben k'a chike ri winaqi' richin ri ruwach'ulew chi xkixibij-ki'; xe'ak'is k'a ri e banoy taq etzelal; xaben chi ri kibi' man jun bey chik xnatex chuwech re ruwach'ulew.

Wuj Richin ri Chojmirisabelri'il 23:30

Xabachike k'a wineq ri nuben ri rusamaj chupan ri q'ij ri' kan xtinwelesaj k'a el ri ruk'aslen.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Filipenses 4:3

Nink'utuj k'a utzil chawe rat ri at wachibil, chupan ri samaj, chi xke'ato' ta k'a ri ka'i' qach'alal ixoqi' ri', roma rije' xenwachibilaj chuq'alajirisaxik ri utzilej ch'abel richin kolotajik junan rik'in ri qach'alal Clemente y ri ch'aqa' chik qach'alal, ri kan tz'iban chik ri kibi' chila' chikaj, chupan ri wuj richin k'aslen.

Apocalipsis 3:5

Ri xtich'akon, kan xtinwiq k'a rik'in seq taq tzieq. Y man xtinwelesaj ta ri rubi' chupan ri wuj ri richin k'aslen. Y kan xtinbij k'a chire ri Nata' y chike ri ángel, chi ri wineq kan wichin yin.

Ex 17:14

Y ri Jehová xubij chire ri Moisés: Tatz'ibaj ronojel re' chupan jun wuj richin natabel y tabij chire ri Josué chi yin kan xkenk'is jumul ri rijatzul kan ri Amalec richin man jun bey chik xkenatex, xcha' ri Jehová.

Wuj Richin Bix Chire ri Dios 69:29

Jak'a yin ri kan in k'ayewatajineq y janila q'axo'n wik'in, kan kinato' richin xkikolotej chuwech re'.

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.