Ex 32:31 - Kaqchiquel Bible

³¹ Keri' ri Moisés xjote' chik el ri akuchi k'o-wi ri Jehová y xubij chire: Qitzij na wi ri tinamit kan jun nimalej mak ri xuben, roma xkiben jun ki-dios rik'in q'anapueq.

Ex 32:31 ပူးပေါင်းရင်းမြစ်များ

Ex 20:23

Roma ri' man utz ta chi rix xke'ibanala' ta pe chinuwech yin, ch'aqa' chik dios ri e banon rik'in saqipueq o ri e banon rik'in q'anapueq, richin chi niya' kiq'ij.

Dn 9:11

Qonojel k'a roj israelita xa xqaq'ej ruwi' ri apixa'. Xqach'er k'a kan qi' richin man xqanimaj ta ri atzij. Y xa roma ri' xqaqa ri ruk'ayewal pa qawi', achi'el ri tz'ibatajineq kan chupan ri wuj richin ri pixa' ri ruya'on kan ri asamajel Moisés.

Dn 9:8

Wajaw yin, kan qitzij chi roj kan oj k'ixbitajineq-wi, keri' chuqa' ri qa-rey, ri e tata'al y ri qate-qatata', y re' kan roma k'a oj makuwineq chawech.

Ex 32:30

Ri jun chik q'ij ri Moisés xubij chike ri ch'aqa' chik ruwinaq: Rix kan jun nimalej mak ri xiben. Wakami k'a xkijote-q'anej pa ruwi' ri juyu' rik'in ri Jehová y xtink'utuj utzil chire richin xtukuy ta ri imak, xcha' ri Moisés.

Dn 9:5

Jak'a roj xa kan oj makuwineq-wi chawech, kan qabanalon itzel taq banobel, kan oj itzel taq winaqi' qabanon chawech, y kan xojyakatej chawij. Y pa ruwi' ri', roj xa xqach'er k'a kan qi' chire ri nubij ri jalajoj ruwech apixa'.

Wuj Richin ri Nehemías 9:33

Ri abanon rat kan pa ruchojmilal-wi chupan ronojel ri qak'uluwachin. Roj xa xatqamalij kan y xojmakun chawech, jak'a rat man jun bey oj aya'on kan y kan abanon-pe qik'in achi'el ri asujun-pe chiqe.

Wuj Richin ri Esdras 9:15

Jehová, ri qa-Dios, rat kan janila at choj qik'in, roma xojaya' kan jun q'ataj. Y roj kan qitzij na wi k'o qamak chawech rat, y roma ri' kan man yojtikir ta yojk'oje' chawech, xicha'.

Ex 34:28

Ri Moisés xk'oje' k'a chiri' rik'in ri Jehová pa ruwi' ri juyu' kawineq q'ij y kawineq aq'a', y kan man jun k'a wey xutej, ni man jun ya' xuqum. Y rija' xutz'ibaj k'a chuwech ri tz'alem taq abej, ri lajuj pixa'.

Ex 20:4

Man jun wachibel tiben richin niya' kiq'ij: Man tiben kiwachibel ri ek'o chuwech ri kaj, ni ri ek'o chuwach'ulew, ni ri ek'o chupan ri ya'.

Wuj Richin ri Nehemías 9:18

stape' toq xkiben jun ruwachibel alaj achij wákix ya'erisan pa q'aq' y xkibij chi ja ri' ri ki-dios ri xelesan-pe kichin pan Egipto. Chuqa' man xe'amalij ta kan toq rije' xkiben ch'aqa' chik itzel banobel ri kan xuben chawe richin xmulun ak'u'x.