Ex 32:25 - Kaqchiquel Bible

²⁵ Toq ri Moisés xutz'et chi ri winaqi' kan e jaqatajineq chubanik ri etzelal, roma ri Aarón man xtikir ta xeruq'et, ri winaqi' ri e etzelanel kichin, xa xetze'en chikij.

Ex 32:25 ပူးပေါင်းရင်းမြစ်များ

Wuj Richin ri Rutikeribel 3:10

Y rija' xubij: Xinwak'axaj chi atk'o wawe' pa qejoj, y xinxibij-wi' roma in ch'anel y roma ri' xinwewaj-wi', xcha'.

1 Rey 12:28

Y toq ruk'utun chik k'a runa'oj, ri rey xa xeruben k'a kiwachibel ka'i' nima-alaj achij wákix, ri banon rik'in q'anapueq. Y rija' xubij k'a chike ri ruwinaq israelita: Man chik k'a xkixbe ta chik q'anej pa Jerusalem pa rachoch ri Dios richin nibeya' ruq'ij. Xa jare' ek'o wawe' ri dios ri xe'elesan-pe ri qati't-qamama' pa ruwach'ulew Egipto, xcha' chike.

1 Rey 14:16

Roma ri' ri Jehová xtumalij kan ri Israel roma ri rumak ri xuben ri Jeroboam, y roma chuqa' kan xuben chi xemakun konojel winaqi' richin Israel, xcha' ri Ahías.

2 Crón 28:19

Rik'in re' ri Jehová xuqasaj kiq'ij ri aj-Judá roma ri Acaz kan xeruk'uaj ri ruwinaq chupan ri itzel bey, kan achi'el ri rumak rija'.

Ex 32:26

Xeri' ri Moisés xbepa'e' chuchi' ri akuchi ek'o-wi-qa, xch'on kik'in ri winaqi' y xuk'utuj k'a chike: Ri wineq ri kan nuna' chi kan richin wi ri Jehová, kan tiq'ax k'a pe wawe' wik'in, xcha'. Y xeri' xeq'ax-apo rik'in, konojel ri e rijatzul kan ri Leví.

Wuj Richin Etamabel-Tzij 29:18

Toq kan e maneq achi'a' yech'abalin ri nuq'alajirisaj ri Dios, ri winaqi' richin jun tinamit xa maneq rubeyal ri kik'aslen; jak'a ri wineq ri kan nutaqej ri rupixa' ri Dios, kan jebel k'a ruwa-ruq'ij.

Wuj Richin ri Isaías 47:3

Richin keri' xtiq'alajin ri ich'akul, y kan janila k'a xkixk'ixbitej, richin yin xtinwelesaj woyowal chiwij, y kan man jun xtikolotej kan.

Wuj Richin ri Jeremías 5:5

Wakami k'a yibe kik'in ri nima'q taq winaqi' richin yibech'on kik'in, roma rije' kan ketaman ri rubey ri Jehová, ri ruchojmilal richin ri Dios. Jak'a rije' chuqa' xa xkiq'ej ri rutzij ri Jehová y man xkinimaj ta rutzij.

Ez 16:63

Y chupan k'a ri q'ij ri' yin kan utz chik xkatintz'et rat Jerusalem. Y kan xtoqaqa chi'ak'u'x ri xaben y xtik'oje' ak'ix. Y kan man jun bey chik xtikijeq pa kichi' chawij. Ja yin Jehová ri yibin, xcha'.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Os 2:3

Roma man xa tinwelesaj ronojel chire, man xa tinben chire achi'el rubanikil toq xalex, y xtinben chire chi xtok kan achi'el tz'iran ruwach'ulew; kan achi'el ri ruwach'ulew ri chaqi'j-chaqi'j y xa xtinkamisaj roma chaqi'j-chi'ij.

Wuj Richin ri Miqueas 1:11

Ri winaqi' aj-Safir, rik'in janila k'ixbilal xkebe pa ximonri'il, y kan maneq k'a kitziaq xkebe. Ri winaqi' aj-Bet-ésel xa kan xke'oq' k'a, roma ri winaqi' aj-Zaanán xa man xkebe ta chi kito'ik.

Romanos 6:21

¿Y achike k'a xuk'en-pe chiwe ri itzel k'aslen ri xik'uaj? Roma wakami xa yixk'ix toq noqaqa chi'ik'u'x ri itzel k'aslen ri'. Y re itzel banobel re' xa kamik nuk'en-pe.

Deut 9:20

Chuqa' ri Jehová yakatajineq royowal chirij ri Aarón, y xrajo' xuk'is jumul, jak'a yin kan xich'on chuqa' pa ruwi' rija'.

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.