Ex 32:22 - Kaqchiquel Bible

²² Y ri Aarón xubij: Táta, man tipe awoyowal chuwe, roma rat kan awetaman chi re winaqi' re' kan niqa' chikiwech richin yemakun.

Ex 32:22 ပူးပေါင်းရင်းမြစ်များ

Wuj Richin ri Rutikeribel 44:18

K'ari' ri Judá xjel-apo rik'in ri José y xubij chire: Táta, nink'utuj jun nimalej utzil chawe, richin chi tawak'axaj ri xtinbij chawe, roma rat kan at achi'el ri rey, ri k'o q'atbel-tzij pa ruq'a' y roma ri' tabana' utzil man tiyakatej awoyowal chuwe.

Wuj Richin Bix Chire ri Dios 36:4

Toq yekotz'e-qa pa kich'at, kan chaq nikiquqa' ri etzelal. Kan e beneq k'a chupan ri bey richin ri mak, y man niketzelaj ta kan ri itzel taq banobel.

Ex 14:11

Y chuqa' xkibij k'a chire ri Moisés: ¿Kan maneq kami ri akuchi ta xojmuq-wi pan Egipto, richin chi xojawelesaj na pe richin chi xa wawe' pa tz'iran ruwach'ulew yojken-wi kan? ¿Achike roma kere' xaben chiqe, chi xojawelesaj-pe pan Egipto?

Ex 15:24

Y ri winaqi' xkichop yexebexot chirij ri Moisés y nikibila' k'a: ¿Achike k'a xtiqaqum wakami?, yecha'.

Ex 16:20

Man rik'in ri' ek'o chike ri winaqi' ri man xkinimaj ta ri xubij ri Moisés, roma xa kan k'o ri xkiyek kan richin ruka'n q'ij. Y kan chi'anin k'a xjutir y xchuwir. Y ri Moisés kan xpe k'a royowal chike.

Ex 16:28

Y jari' toq ri Jehová xubij chire ri Moisés: ¿K'a janipe' k'a yixtane' richin man nitaqej ta ri ruchojmilal y ri pixa' ri nuya'on chiwe?

Ex 32:1

Y jak'a toq ri winaqi' xkitz'et chi ri Moisés xa xyaloj yan y xa man qajineq ta pe pa ruwi' ri juyu', ri winaqi' jari' toq xkimol-apo-ki' chirij ri Aarón y xkibij chire: Wakami ja rat k'a ri kayakatej y tabana' jun qa-dios richin jari' ri niyuqen qichin, roma ri Moisés ri xojelesan-pe pan Egipto, man jun qetaman ri achike xuk'uluwachij, xecha'.

Ex 32:21

Chirij ri' ri Moisés xubij chire ri Aarón: ¿Achike xkiben chawe re winaqi' re', richin xe'ayuqej chupan re jun nimalej mak re'?, xcha'.

Wuj Richin Etamabel-Tzij 4:16

Roma ri winaqi' ri' man nipe ta kiwaran, wi xa man jun etzelal kibanon kan; rije' kan nel k'a kiwaran, wi xa man jun wineq ri kibanon kan ch'a'oj chire.

Deut 31:27

Roma yin kan wetaman chi kan ix jun tinamit ri man yixniman ta tzij y kan janila kow ri iwánima. Wakami xiben ronojel re' chuwech ri Jehová y xa k'a in k'es na iwik'in. ¿Achike ta k'a ri man ta xtiben toq in kamineq chik?

Deut 9:24

Kan ja ri q'ij toq yin xinwetamaj kiwech; xentz'et chi kan yalan kikowirisan-ki' chuwech ri Jehová.

Deut 9:7

Roma ri' toqaqa k'a chi'ik'u'x y man timestaj chi xiyek royowal ri Jehová ri qa-Dios, ichapon-pe kan ja toq xojel-pe pan Egipto, y chijun ri tz'iran ruwach'ulew y wakami re ojk'o wawe', kan man iniman ta k'a rutzij ri Jehová.

1 Sam 15:15

Y ri Saúl xubij: Ri aj-labal xkik'en-pe re', roma man xekikamisaj ta kan ri jebelej taq karne'l, ni ri jebelej taq wákix, y re' nik'atzin richin sipanik richin ri Jehová ri qa-Dios. Jak'a ri ch'aqa' chik ri man yek'atzin ta y ri maneq kejqalen xeqak'is kan jumul, xcha'.

1 Sam 15:21

Y ri aj-labal xa xekik'en k'a pe ri e jebel taq karne'l y wákix richin chi nikijech chire ri Jehová, y nikisuj sipanik chuwech rija', ri chiri' pa Guilgal, xcha' ri Saúl.

1 Sam 15:24

K'ari' ri Saúl xubij chire ri Samuel: Yin kan ximakun, roma man xinnimaj ta rutzij ri Jehová y ri ach'abel rat, roma xink'en kikiy ri aj-labal y xinnimaj kitzij. Takuyu' k'a ri numak wakami.