Ex 32:19 - Kaqchiquel Bible

¹⁹ Y toq xe'apon akuchi ek'o-wi-qa, jari' toq ri Moisés xutz'et ri ruwachibel ri jun nima-alaj achij wákix y ri xajoj ri niban chuwech. Jari' toq xyakatej royowal y xuk'eq-qa pan ulew ri tz'alem taq abej, y xupaxij chiri' chuxe' ri juyu'.

Ex 32:19 ပူးပေါင်းရင်းမြစ်များ

2 Sam 6:14

Y rija' rukusan k'a el jun rutziaq ri banon rik'in lino. Y janila k'a kikoten k'o rik'in y roma ri' kan nitzopiyaj rik'in ronojel ruchuq'a' chuwech ri Jehová.

Wuj Richin Bix Chire ri Dios 119:53

Yin kan niyakatej k'a woyowal chikij ri e banoy taq etzelal, chikij ri xa nikimalij kan ri apixa'.

Ex 15:20

Y jak'a ri María, ri q'alajirisey ruch'abel ri Dios, ri rana' ri Aarón, xuchop jun q'ojom rubini'an pandero, richin xubixaj rubi' ri Dios. Y konojel k'a ri ixoqi' xkitzeqelibej-el y rije' kik'ualon chuqa' ki-pandero y yetzopiyaj ri yebixan.

Ex 32:11

Xeri' ri Moisés xch'on chik rik'in ri Jehová richin ta chi nuqasaj ruwi' ri royowal y xubij chire: Ajaw Jehová, ¿achike k'a roma kan xyakatej ri aq'aq'arinen chikij ri atinamit ri xawelesaj-pe rat pan Egipto rik'in ri nimalej awuchuq'a'?

Ex 32:18

Y ri Moisés xubij: Ni, ri' man raqoj-chi'ij ta richin ch'akonik, ni man ch'abel ta richin bis roma xech'akatej pan oyowal. Yin ninwak'axaj chi bixanik richin nimaq'ij, xcha'.

Ex 34:1

Ri Jehová xubij chik k'a chire ri Moisés: Ke'achoyo' ka'i' tz'alem taq abej junan kik'in ri xenjech chawe ri pa nabey y xtintz'ibaj chik k'a chikiwech ri abej ri', ri ch'abel ri xintz'ibaj chikiwech ri abej ri xe'apaxij.

Wuj Richin ri Jeremías 31:32

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto. Stape' ja yin in kajaw rije', jak'a xa man xkitaqej ta ri nujikibel-tzij.

Wuj Richin ri K'uxla'anik 5:15

Kan man jun chik k'a ri kikoten pa qánima. Pa ruk'exel yojtzopin ta roma kikoten, xa kan ruyon q'axo'n k'o.

Wuj Richin ri Zacarías 11:14

K'ari' xinq'ej ri jun chik ch'ame'y rubini'an Junan Kiwech, y re' retal chi nibek'is ri ach'alalri'il chikikojol ri ruwach'ulew Judá y ri ruwach'ulew Israel.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Marcos 10:14

Y toq ri Jesús xutz'et ri nikiben ri tijoxela', xpe royowal, y xubij chike: Tiya' q'ij richin chi ri ak'uala' yepe wik'in yin. Roma ri xke'ok pa rajawaren ri Dios, xaxe ri e achi'el ri ak'uala'.

Marcos 3:5

Ri Jesús xerutzu' k'a rik'in royowal y chuqa' xbison-qa roma xerutz'et chi xa kowirineq ri kánima y man nikajo' ta nikinimaj. K'ari' rija' xubij chire ri achin ruwonon-ri' ri ruq'a': Tayuqu' la aq'a', xcha' chire. Y ri achin kan xuyuq ri ruq'a', y jari' toq xchojmir.

1 Corintios 10:7

Man k'a tiya' kiq'ij kiwachibel ch'aqa' chik dios, achi'el xkiben jujun chike ri qati't-qamama', achi'el tz'ibatel kan chupan ri ruch'abel ri Dios*f12* toq nubij chi ri winaqi' xetz'uye' richin xewa-xe'uk'ya', y konojel xeq'aber y xekibanala' itzel taq banobel.

Efesios 4:26

Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

Deut 10:2

y xtintz'ibaj-el chuwech ri tz'alem taq abej ri' ri ch'abel ri xentz'ibaj chuwech ri xe'apaxij; y re' xke'ayek chupan ri káxa, xcha' chuwe.