Ex 31:17 - Kaqchiquel Bible

¹⁷ Y re' kan xtok k'a jun retal chiqakojol roj richin jantape', roma yin Jehová pa waqi' q'ij xinben ri kaj y ri ruwach'ulew y pa ruwuq q'ij xitane' chubanik ri nusamaj y xinuxlan, xcha' ri Jehová.

Ex 31:17 ပူးပေါင်းရင်းမြစ်များ

Ex 31:13

Kach'on kik'in ri awinaq y tabij chike: Chi'iwonojel rix man timestaj chi k'o chi nichajij ri q'ij richin uxlanen, roma re' kan wichin yin. Ja retal re' chuwe yin y chiwe rix chi wiq chi tanaj richin niwetamaj chi ja yin Jehová ri ix nuch'aron wichin yin.

Wuj Richin ri Rutikeribel 1:31

Y jare' k'a ri rusamaj ri xuben ri Dios y xutz'et chi ronojel ri xuben kan janila wi utz. Y rik'in ri' xtz'aqet ri chaq'a' y ri paq'ij richin ri ruwaq q'ij.

Ez 20:12

Y chuqa' xinya' chike ri q'ij richin uxlanen richin jun retal chiqakojol, richin tiketamaj chi yin Jehová xench'er richin xe'ok wichin yin.

Hebreos 4:10

Y xabachike okineq chupan ri uxlanen ri nuya' ri Dios, nuxlan chire ri rusamaj, achi'el xuben ri Dios, toq k'achojineq chik chubanik re ruwach'ulew y ri kaj.

Ez 20:20

Chuqa' kan tikichajij ri q'ij richin uxlanen, roma re' kan jun retal chiqakojol, chi ja yin Jehová ri in ki-Dios.

Wuj Richin ri Jeremías 32:41

Yin Jehová kan xkikikot k'a roma utz xtinben kik'in. Kan xkenya' k'a rik'in qitzijri'il chupan re ruwach'ulew re', rik'in ronojel wánima y ronojel nuk'u'x.

Wuj Richin Bix Chire ri Dios 104:31

Ri ruq'ij-ruk'ojlen ri Jehová kan richin q'asen. Rija' kan nikikot rik'in ri rusamaj.

Wuj Richin ri Achin Job 38:7

Y rokik yin yinajin chubanik ri samaj ri', ri ch'umila' ri e q'alaj nimaq'a' yebixan k'a, y keri' chuqa' konojel ri ángel ri ek'o wik'in, kan yekikot k'a janila.

Ex 20:11

Roma yin Jehová, pa waqi' q'ij xinben ri kaj, ri ruwach'ulew, ri palou y ronojel ri ek'o chupan, jak'a chupan ri ruwuq q'ij, yin kan xinuxlan chire ri samaj ri'. Roma ri' ri ruwuq q'ij kan xinch'er richin uxlanen.

Ex 31:16

Chi'iwonojel k'a rix ri ix rijatzul kan ri Israel tichajij ri q'ij richin uxlanen, kan keri' k'a chuqa' tikibana' ri winaqi' ri xkepe chi wiq chi tanaj.

Wuj Richin ri Isaías 58:13

Kan tiya' rejqalen ri q'ij richin uxlanen, y man tiben ri niqa' chiwech rix roma ri q'ij ri' ch'aron chuwe yin. Kan tibana' chire chi q'ij richin kikoten, roma q'ij ri kan ch'aron chuwe yin Jehová, y kan k'o ruq'ij. Man kixel-el richin yixbe pa taq k'ayij ó pa taq loq'oj. Kan tiya' rejqalen, y man tiben ri nik'atzin-qa chiwe rix. Chuqa' man chaq ke'ibila' ch'abel ri man e ruk'amon ta.