Ex 30:8 - Kaqchiquel Bible

⁸ Chuqa' ronojel tiqaq'ij toq xtiberuchojmirisaj ri rutza'n ri candil, chuqa' xtuporoj pom chiri'. Kan kere' k'a xtiban chinuwech yin, tibe q'ij tibe seq, chi wiq chi tanaj.

Ex 30:8 ပူးပေါင်းရင်းမြစ်များ

2 Crón 26:18

Y xkipaba' k'a ki' chuwech ri rey Ozías, y xkibij chire: Rey Ozías, man naporoj pom chuwech ri Jehová, roma re samaj re' man ruk'amon ta chi rat yabano, ja roj ri oj sacerdote ri oj rijatzul kan ri Aarón ri oj cha'on kan richin niqaben. Katel-pe chiri' qajaw, chupan ri jay richin ri Dios, roma kan yamakun-wi chuwech ri Jehová, rija' kan man xtunimirisaj ta ri abi' roma ri naben, xecha' chire.

Wuj Richin Bix Chire ri Dios 141:2

Ri nuch'owen, kan nijubulin ta napon chawech achi'el ri jubulej pom. Ri nuq'a' ri nuyakon chawech, kan xtiqa' ta k'a chawech, achi'el ri kamelabel ri nisuj chawe tiqaq'ij.

Ex 12:6

Rix kan ke'iwilij k'a apo ri taq chikopi' ri', richin ri q'ij kajlajuj, richin re ik' re'. Toq niqaqa yan qa ri q'ij, jari' toq chi'iwonojel rix xke'ikamisaj ri taq chikopi' ri e icha'on.

Ex 25:37

Y xeri' xke'iben wuqu' taq candil y xke'ich'okobala' jujun pa kiwi' ri k'ojelibel ri ek'o pa kitum chike chikijujunal ri ruq'a' ri candelabro. Y xtiben chike chi ri taq kiq'aq'al ri candil chikiwech yetzu'un-wi.

Ex 27:21

Ja ri Aarón y ri e ruk'ajol ri xke'ilin-apo ri candil ri yetzije' chuwech ri Jehová, toq niqaqa ri q'ij k'a ri nimaq'a' richin ri jun chik q'ij. Re candelabro re' xtik'oje-pe re juk'an chire ri peraj tzieq ri tasayon rupan ri wachoch, ri k'o-pe chuwech ri káxa richin tununri'il. Y re' kan jun pixa' ri richin jantape' y kichin ri iwijatzul ri xkepe chi wiq chi tanaj.

Ex 30:7

Ronojel nimaq'a' toq nichojmirisex ri rutza'n ri candil, jari' toq ri Aarón xtuporoj ri jubulej pom pa ruwi' ri porobel ri'.

Ex 30:9

Kan man jun k'a pom ri jun wi chik xtiya' pa ruwi' re porobel re', ni man nisuj ta chikop pa ruwi', ni jun chik sipanik, ni ri vino man niq'ej ta pa ruwi'.

Romanos 8:34

¿K'a k'o ta kami jun ri nitikir nik'utun chi tiqaqa ruk'ayewal pa qawi'? Man jun; roma ri Cristo xken qoma roj, y xk'astej, y wakami k'o pa rijkiq'a' ri Dios y k'o ri nuk'utuj chire qoma roj.

1 Tesalonicenses 5:17

Jantape' kixch'on rik'in ri Dios.

Hebreos 7:25

Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Hebreos 9:24

Ri Cristo man xok ta apo chupan ri rachoch ri Dios ri banon koma winaqi', ri xa ruwachibel ri rachoch ri Dios ri k'o chila' chikaj. Rija' kan xok k'a chila' chikaj, y kan rik'in-apo ri Dios k'o-wi, richin nich'on pa qawi' roj.

1 Sam 2:28

Chikikojol k'a konojel ri tzobaj richin ri Israel, yin xixincha' rix richin xixok nu-sacerdote richin nisuj kamelabel pa ruwi' porobel y niporoj pom chinuwech y richin nikusaj ri tzieq banon rik'in lino, retal ri isamaj. Y xinya' q'ij chike ri aj pa kachoch ri iwati't-imama' richin nikik'en kan juba' chire ronojel sipanik ri nikisuj ri nutinamit.