Ex 30:35 - Kaqchiquel Bible

³⁵ K'ari' kik'in re jalajoj kiwech q'ayis re' tiban k'a jun jubulej ruwech pom, kan achi'el rubanik nuben jun banoy jubulej taq aq'om. Tiwatz'amij k'a, jebel ch'ajch'oj tibana' chire y tibana' chi jari' ri nukusex pa nusamaj yin.

Ex 30:35 ပူးပေါင်းရင်းမြစ်များ

Wuj Richin ri Chojmirisabelri'il 2:13

Y ri jalajoj ruwech ixin ri nasuj, naya' atz'an rik'in, y man jun bey xtasuj wi maneq atz'an rik'in, roma ri atz'an jun retal richin jun jikibel-tzij chiqakojol; y ronojel k'a re sipanik re' kan k'o atz'an rik'in.

Ex 30:25

Rat kan xtaben k'a ri aceite richin cha'onri'il, kan achi'el ri rubanik nuben jun banoy jubulej taq aq'om.

San Juan 12:3

Ri María xberuk'ama' k'a pe jun libra jubulej aq'om ri janila jotol rajel.*f14* Jare' k'a ri xuya' chirij raqen ri Jesús y xerusula' kan rik'in ri rusumal taq ruwi' rija'. Y ri jay ri' kan xnoj k'a rik'in ri rujubulil ri aq'om ri'.

Wuj Richin ri Nimalej Bix 3:6

¿Achike kami ri jotol-pe pa tz'iran ruwach'ulew, y nuyek poqolaj achi'el ja ta ri sib pa'el chikaj? Rije' kan yejubulin e peteneq rik'in ri ruxla' ri pom, ri mirra y ri jalajoj kiwech jubulej taq aq'om.

Wuj Richin ri Nimalej Bix 1:3

Ri jubulej taq awaq'om ri nakusaj, kan janila jebel kuxla'. Toq ninatex ri abi', achi'el ja ta ri jubulej aq'om ri kaq'utajineq. Xa roma aj k'a ri' konojel ri xtani' kan janila yatkajo'.

Wuj Richin Etamabel-Tzij 27:9

Ri jubulej taq aq'om, ri jalajoj kibanik, kan nuben chawe chi nik'ases ri awánima; keri' ri awachibil ri kan ki' taq ch'abel ri nuya' chawe, kan nuya' awuchuq'a' chupan ri ak'aslen.

Ex 30:34

Xeri' ri Jehová xch'on chik rik'in ri Moisés y xubij chire: Takanoj k'a re jalajoj ruwech taq aq'om re': Ri ruq'olil ri q'ayis estacte,*f14* ri parapox, ri gálbano*f15* y ri pom. Y k'ari' junan retabal tachapa' chike chikijujunal re jalajoj ruwech q'ayis re'.

Ex 30:36

Juba' k'a chire ri jalajoj kiwech q'ayis xtijok' jebel y xtik'uaj pa wachoch richin tiya' chuwech ri káxa ri k'o ri nujikibel-tzij chupan, ri chiri' ri akuchi nink'ut-wi' chiwech. Re pom re' kan janila k'a rejqalen xtok chiwech rix, roma kan xtich'er richin nukusex pa nusamaj yin.

Ex 28:41

K'ari' rat xtawiq k'a ri Aarón y ri e ruk'ajol, y xtaqasaj aceite pa kiwi' y xke'aya' kan chupan ri kisamaj y xke'ach'er richin nikiben nusamaj y kan xke'ok k'a nu-sacerdote.

Wuj Richin ri Chojmirisabelri'il 16:12

Chirij ri' nuk'uaj-apo jun porobel-pom ri k'o el racheq-q'aq' chupan, ri elesan-el chupan ri porobel richin kamelabel. Y chuqa' nuk'uaj-apo ka'i' moq' jubulej pom ri kan jebel chik jok'on ruwi'. Xtuk'uaj k'a ronojel re', y nok-apo k'a chirij ri tzieq ri tasbel rupan ri wachoch.

1 Rey 1:39

Y chiri' ri sacerdote Sadoc xuchop ri uk'a' ri nojineq rik'in aceite ri ruk'uan-el pa rachoch ri Dios ri banon rik'in tzieq, richin xuqasaj aceite pa ruwi' ri Salomón. K'ari' xkixupuj ri xupubel y chijun tinamit xkibij: ¡Tiqaya' ruq'ij ri rey Salomón!, xecha'.

1 Crón 9:30

Jujun chike ri sacerdote yexolo ri jubulej taq aq'om.

Wuj Richin Bix Chire ri Dios 133:2

Kan achi'el k'a ri jubulej aq'om ri niya'ox pa kiwi' ri sacerdote, ri kan nibiyin-qa chirij ri rusumal-kichi', nibiyin-qa y napon chuqul raqen ri kitziaq.