Ex 30:33 - Kaqchiquel Bible

³³ Roma ri' wi k'o jun ri nibanon aceite achi'el re wichin yin, o k'o ta jun ri niq'ejo pa ruwi' jun xabachike wineq, ri xtibanon keri' kan jumul k'a telesex-el chi'ikojol.

Ex 30:33 ပူးပေါင်းရင်းမြစ်များ

Ex 30:38

Roma ri' wi k'o jun ri nibanon pom achi'el re wichin yin, roma jebel jubul nuseq ri ruxla', ri xtibanon keri' kan jumul k'a telesex-el chi'ikojol.

Wuj Richin ri Rutikeribel 17:14

Y ri achin ri man xtiya'ox ta re etal re' chire, re' kan xtelesex-el chupan ri rutinamit chi'ikojol rix, roma xuq'ej ruwi' ri nujikibel-tzij, xcha'.

Ex 12:15

Wuqu' q'ij k'a xtitej kaxlan-wey ri maneq ch'amilej-q'or rik'in. Roma ri' kan ja yan ri pa nabey k'o chi niwelesaj-el ronojel ch'amilej-q'or ri k'o pan iwachoch. Roma xabachike ri xtitijo kaxlan-wey ri k'o ch'amilej-q'or rik'in chupan ri wuqu' q'ij, kan xtelesex k'a el chi'ikojol.

Wuj Richin ri Q'axanri'il 9:13

Jak'a ri wineq ri ch'ajch'oj, wi man beneq ta nej chire ri rutinamit y man nunimaq'ijuj ta ri q'ij ri', rija' k'o chi nelesex-el chi'ikojol, roma man xuya' ta apo ri sipanik chire ri Jehová chupan ri q'ij y kan nrejqalej k'a ri rumak.

Wuj Richin ri Chojmirisabelri'il 23:29

Wi k'o ta jun wineq ri man nuchajij ta ri' y niwa' chupan ri q'ij ri' kan xtelesex k'a el chi'ikojol.

Wuj Richin ri Chojmirisabelri'il 19:8

Xabachike k'a ri xtitijo ri ti'ij ri' pa rox q'ij, kan ja rija' nejqalen ri rumak. Y re wineq re' kan xtelesex-el chi'ikojol, roma xuben chire chi maneq rejqalen ri jachon chuwe yin.

Wuj Richin ri Chojmirisabelri'il 17:9

y man nuk'uaj ta chuchi' ri wachoch richin chiri' nukamisaj-wi, ri xtibanon keri' kan xtelesex k'a el chi'ikojol.

Ex 29:33

Xaxe k'a rije' ri utz xketijo ri kik'uan-apo chuwech ri Jehová, ri sipanik ri xkisuj roma ri kimak y roma ri xejach kan chupan ri kisamaj. Y kan man jun k'a wineq ri ruk'amon ta chi nitijo ri sipanik ri', roma ri sipanik ri' kan jachon chire ri Jehová.

Ex 12:19

Wuqu' q'ij k'a man nik'oje' ta ch'amilej-q'or pan iwachoch, roma wi jun iwinaq o jun chike ri man iwinaq ta, ri nutej ta kaxlan-wey ri k'o ch'amilej-q'or rik'in, kan xtelesex k'a el chi'ikojol.

Ex 30:34

Xeri' ri Jehová xch'on chik rik'in ri Moisés y xubij chire: Takanoj k'a re jalajoj ruwech taq aq'om re': Ri ruq'olil ri q'ayis estacte,*f14* ri parapox, ri gálbano*f15* y ri pom. Y k'ari' junan retabal tachapa' chike chikijujunal re jalajoj ruwech q'ayis re'.

Ex 31:14

Roma ri' kan tichajij k'a ri q'ij richin uxlanen y xabachike wineq ri xtiqasan rejqalen re jun q'ij re', xtiken, o xabachike ri xtisamej chupan re q'ij re', kan xtikamisex.

Wuj Richin ri Chojmirisabelri'il 17:10

Yin Jehová kan man utz ta nintz'et chi jun wineq nutej kik', stape' iwinaq o man iwinaq ta. Ri xtitijo kik', kan xtinwelesaj k'a el chi'ikojol rix.

Wuj Richin ri Chojmirisabelri'il 17:14

Roma ri k'aslen ja ri kik', roma ri' nubin chiwe chi man nitej ti'ij ri xa k'a ruk'uan na kik'. Achike k'a ri xtitijo ri kik', kan xtelesex k'a chi'ikojol.

Wuj Richin ri Chojmirisabelri'il 18:29

Xabachike k'a wineq ri xtibanon jun chike ri itzel taq banobel re', kan xtelesex k'a el chi'ikojol rix.

Wuj Richin ri Chojmirisabelri'il 20:17

Wi k'o ta jun achin nuchop-qa ri rana' o yijrana' richin nik'oje-qa rik'in, chi e ka'i' k'a xke'elesex-el chi'ikojol rix, roma re' kan jun nimalej mak y chuqa' jun nimalej k'ix, roma xuben chire rija' chi man jun rejqalen, y ri nibanon keri' kan xtrejqalej k'a ri rumak.

Wuj Richin ri Chojmirisabelri'il 20:18

Wi k'o ta jun achin nik'oje' rik'in ri rixjayil ri k'o yabil richin chi ik' chire, ri achin ri' nuben chire chi man jun rejqalen ri jun ixoq, y ri ixoq ri' nuben qa chi maneq rejqalen, y roma ri' chi e ka'i' k'a xke'elesex-el chi'ikojol rix.

Wuj Richin ri Chojmirisabelri'il 22:3

Chuqa' tabij chike rije': Xabachike chike ri iwijatzul ri ek'o wakami y ri xkepe chiwech-apo, wi xtijel-apo rik'in ri sipanik ri sujun chuwe yin Jehová, koma ri iwinaq, y ri sacerdote ri' xa man ch'ajch'oj ta, kan xtelesex k'a el chinuwech yin; yin Jehová ri yibin.

Wuj Richin ri Q'axanri'il 4:18

Richin chi man yeken ta rije' toq yejel-apo chikinaqaj ri samajibel, kan kere' k'a tikibana': Ri Aarón y ri e ruk'ajol xke'apon nabey chupan ri wachoch y k'ari' xke'ok-apo ri e rijatzul kan ri Quehat. Y ri Aarón y ri e ruk'ajol xtikibij ri kisamaj chikijujunal rije' y xtikibij chike ri achike chi ejqa'n ri k'o chi yekik'uaj-el. Jak'a man ke'ok-apo chutz'etik ronojel ri samajibel toq najin rupisik richin chi man yeken. Keri', man k'a tiya' q'ij richin chi yek'is-el chikikojol ri levita konojel ri aj pa rachoch kan ri Quehat, xcha' ri Jehová.

Wuj Richin ri Q'axanri'il 15:30

Y wi k'o ta jun wineq ri kan rik'in rija' nalex-wi-pe chi nimakun, ri wineq ri' stape' ta jun chiwe rix o jun chike ri man e iwinaq ta, k'o chi nikamisex-el, roma xa xuben chuwe yin Jehová chi xa xuqasaj nuq'ij.

Wuj Richin ri Q'axanri'il 15:31

Roma ri wineq ri' xa xrixowaj ri nuch'abel yin Jehová y xuq'ej ruwi' ri nupixa', roma ri' rija' kan man xtikolotej ta chuwech ri kamik; y ja ri rumak ri xtuk'uan-el richin, xcha'.

Wuj Richin ri Q'axanri'il 19:13

Y wi ri wineq ri nuchop jun ch'akulaj richin jun kamineq xa man nrajo' ta nuch'ajch'ojirisaj-ri', kan nuben chuqa' chi man ch'ajch'oj ta chire ri wachoch richin molojri'il. Ri wineq ri' xtiwelesaj k'a el chi'ikojol, roma man xchikex ta ri ya' ri richin ch'ajch'ojirisanik chirij y kan xtrejqalej k'a ri rumak.

Wuj Richin ri Q'axanri'il 19:20

Jak'a wi k'o jun wineq ri man ch'ajch'oj ta y kan man nrajo' ta nuch'ajch'ojirisaj-ri' y man xchikex ta chuqa' ri ya' pa ruwi', ri wineq ri', kan xtiwelesaj k'a el chi'ikojol, roma kan nuben chire ri wachoch chi man ch'ajch'oj ta.