Ex 30:25 - Kaqchiquel Bible

²⁵ Rat kan xtaben k'a ri aceite richin cha'onri'il, kan achi'el ri rubanik nuben jun banoy jubulej taq aq'om.

Ex 30:25 ပူးပေါင်းရင်းမြစ်များ

1 Rey 1:39

Y chiri' ri sacerdote Sadoc xuchop ri uk'a' ri nojineq rik'in aceite ri ruk'uan-el pa rachoch ri Dios ri banon rik'in tzieq, richin xuqasaj aceite pa ruwi' ri Salomón. K'ari' xkixupuj ri xupubel y chijun tinamit xkibij: ¡Tiqaya' ruq'ij ri rey Salomón!, xecha'.

1 Crón 9:30

Jujun chike ri sacerdote yexolo ri jubulej taq aq'om.

Wuj Richin Bix Chire ri Dios 133:2

Kan achi'el k'a ri jubulej aq'om ri niya'ox pa kiwi' ri sacerdote, ri kan nibiyin-qa chirij ri rusumal-kichi', nibiyin-qa y napon chuqul raqen ri kitziaq.

Wuj Richin Bix Chire ri Dios 89:20

Ri achin ri' kan ja ri David ri nusamajel. Ja yin xicha'on richin y xinqasaj aceite pa ruwi' richin xok rey.

Ex 28:41

K'ari' rat xtawiq k'a ri Aarón y ri e ruk'ajol, y xtaqasaj aceite pa kiwi' y xke'aya' kan chupan ri kisamaj y xke'ach'er richin nikiben nusamaj y kan xke'ok k'a nu-sacerdote.

Ex 29:21

Y ri juba' chik kik' ri k'o pa ruwi' ri porobel xtaxol rik'in ri aceite richin cha'onri'il, y xtachikaj k'a pa ruwi' ri Aarón y chirij ri rutziaq chuqa'. Keri' chuqa' xtaben chike ri e ruk'ajol y chire ri kitziaq rije'. Richin keri' ri Aarón, ri e ruk'ajol y chuqa' ri kitziaq xkench'er chire ri nusamaj.

Ex 29:7

Chirij ronojel re' rat xtabek'ama-pe ri aceite ri richin cha'onri'il y xtaqasaj pa ruwi' ri Aarón, richin nok nu-sacerdote.

Ex 30:24

kablajuj libra kasia. Y re' ke'awetaj rik'in ri etabel ri nikusex chupan ri wachoch yin. Y ronojel re' naxol rik'in oxi' litro rik'in nik'aj aceite richin olivo.

Ex 30:32

Re aceite re' man k'a tiq'ej pa ruwi' xabachike wineq y chuqa' man jun tibanon pa ruyonil re jun ruwech aceite re'. Roma re aceite re' ch'aron wichin yin y roma ri' rix kan wichin yin tibana' chire.

Ex 30:35

K'ari' kik'in re jalajoj kiwech q'ayis re' tiban k'a jun jubulej ruwech pom, kan achi'el rubanik nuben jun banoy jubulej taq aq'om. Tiwatz'amij k'a, jebel ch'ajch'oj tibana' chire y tibana' chi jari' ri nukusex pa nusamaj yin.

Ex 35:15

Xtikiben chuqa' ri porobel-pom, ri baloj taq che' ri uk'uabel richin, chuqa' ri aceite richin cha'onri'il, ri jubulej pom, ri peraj tzieq richin nutz'apej ruchi' ri rachoch ri Dios,

Ex 37:29

Chuqa' xuben ri aceite richin ri cha'onri'il. Y xuben chuqa' ri jubulej pom ri jebel ch'ajch'oj rubanik. Y re' kan achi'el ri nuben jun banoy jubulej aq'om, kan keri' rubanik xuben chire.

Ex 40:9

Xeri' xtachop ri aceite richin cha'onri'il y xtaya' pa ruwi' ri wachoch y ronojel ri samajibel ri ek'o chupan, kan xke'ajech k'a chuwe yin ronojel y xke'ok ch'ajch'oj.

Wuj Richin ri Molojri'il 10:1

Jun jubulej aq'om toq k'o amolo' yeqaqa chupan, nichuwir k'a ri aq'om ri', y kan keri' chuqa' nibanatej rik'in ri na'oj richin jun wineq aj-na'oj, toq nok jun tz'ukun-tzij chupan xa nuyoj ronojel ri na'oj y ri ruq'ij.

Wuj Richin ri Chojmirisabelri'il 8:10

K'ari' ri Moisés xuchop ri aceite richin ri cha'onri'il y xuya' chirij ri rachoch ri Dios y xuya' chuqa' chikij ronojel ri samajibel ri ek'o chupan y keri' xerujech pa rusamaj ri Dios.

Wuj Richin ri Chojmirisabelri'il 8:2

Ke'ak'ama-pe ri Aarón y ri e ruk'ajol pa wachoch richin molojri'il. Y chuqa' tak'ama-pe ri kitziaq richin sacerdote; tak'ama-pe ri aceite richin cha'onri'il; y tak'ama-pe jun nima-alaj achij wákix richin jun kamelabel richin nikuyutej kimak. Tak'ama-pe chuqa' ri ka'i' achija' taq karne'l, y ri chakech ri ek'o kaxlan-wey chupan ri maneq ch'amilej-q'or kik'in; y ronojel re' nasuj toq jun nok pa samaj richin sacerdote.

Wuj Richin ri Q'axanri'il 35:25

Y ri e aj-raqen richin ri tinamit xtikikol-el ri kamisanel chuwech ri najowan niya'on ruk'exel chire y xtibek'oje' chupan ri tinamit richin tobel. Chiri' k'a xtik'oje-wi k'a toq xtiken na ri nimalej sacerdote.

Hebreos 1:9

Kan niqa' chawech ri ruchojmilal y ri etzelal kan nawetzelaj. Roma ri' kan xarucha' ri Dios, kan xarunojisaj rik'in kikoten, más ke chikiwech ri awachibil.