Ex 30:18 - Kaqchiquel Bible

¹⁸ Tabij chike ri awinaq chi tiban jun yakbel-ya' y jun ruch'okolibal y kekibana' rik'in ri q'enq'oj-pueq. Roma chupan ri yakbel-ya' xtikik'en-wi ri ya' richin nikich'ajch'ojirisaj-ki'. Re yakbel-ya' re' xtiya' pa kinik'ajal ri wachoch y ri porobel.

Ex 30:18 ပူးပေါင်းရင်းမြစ်များ

1 Rey 7:23

Ri Huram xuben chuqa' jun nimalej yakbel-ya' ri xuben rik'in q'enq'oj-pueq ya'erisan. Re yakbel-ya' re' kan achi'el rubanik jun nimalej bojo'y, ri retabal ri rusetelen waqxaqi' jaj, y ri rujotolen jun jaj rik'in nik'aj.

1 Rey 7:38

Chirij ri' rija' kan xeruben k'a ri lajuj kokoj yakbel-ya', chuqa' rik'in q'enq'oj-pueq, y chikijujunal k'a ri yakbel-ya' e seteseq kibanik, y ri retabal ri rusetelen oxi' jaj rik'in ka'i' q'a'aj, y 200 galón ya' ri nibe chupan, y jujun k'a ke taq re' xeya'ox pa ruwi' ri jujun carretón.

2 Crón 4:2

Chuqa' xuben jun nimalej yakbel-ya' y xuben rik'in q'enq'oj-pueq ya'erisan pa q'aq' y ri retabal ri ruwech ka'i' jaj rik'in oxi' q'a'aj. Ri rujotolen jun jaj rik'in ka'i' q'a'aj y ri rusetelen waqxaqi' jaj.

2 Crón 4:6

Chuqa' xuben lajuj carretón rik'in kokoj yakbel-ya' rik'in q'enq'oj-pueq, y xeruya' wo'o' pa xaman chire ri jay y ri wo'o' chik pa xokon. Rik'in k'a ri ya' ri nik'oje' chupan ri yakbel-ya' ri', nich'aj-wi ri ti'ij richin ri chikop ri nisuj richin niporox chijun, jak'a ri nimalej yakbel-ya' nik'atzin richin chiri' nikich'ej-wi ki' ri e sacerdote ri yesuju ri kamelabel.

Ex 30:17

Xeri' ri Jehová xch'on chik rik'in ri Moisés y xubij chire:

Ex 31:9

Je chuqa' rije' ri xkebanon ri porobel kichin ri kamelabel y ronojel ri yek'atzin chire, xtikiben chuqa' ri yakbel-ya' y ri ruch'okolibal.

Ex 38:8

Chuqa' xuben ri yakbel-ya' y jun ruch'okolibal, rik'in ri espejo ri banon rik'in ri q'enq'oj-pueq ri kichin ri ixoqi' ri yesamej chiri' chuchi' ri rachoch ri Dios.

Ex 40:7

Xeri' xtaya-apo chuqa' ri yakbel-ya' chikikojol ri wachoch richin molojri'il y ri porobel y tanojisaj chi ya'.

Wuj Richin ri Molojri'il 5:1

Toq yabe pa rachoch ri Dios kan taya' k'a rejqalen ri akuchi atk'o-wi; kan kajel k'a apo richin más nawak'axaj ri tijonik richin ri ruch'abel ri Dios, roma jari' ri más rejqalen ke chuwech ri nikiben ri nakaneq taq winaqi' ri yekisujula' kamelabel y man ketaman ta chi xa itzel ri yetajin chubanik.

Wuj Richin ri Chojmirisabelri'il 8:11

Y juba' chire ri aceite ri' xuchikaj wuqu' mul pa ruwi' ri porobel richin ri kamelabel. Kan xuya' k'a aceite chirij ri porobel ri' y chikij ri rusamajibal, chirij ri yakbel-ya' y chirij ri ruch'okolibal y keri' xerujech pa rusamaj ri Dios.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

Tito 3:5

rija' xojrukol k'a pe chupan ri qamak. Man roma ta yalan choj ri k'aslen qak'uan toq xojrukol-pe, xa kan roma xujoyowaj qawech. Roma ri rusamaj ri Loq'olej Espíritu, xuch'ej ri qánima, xojruch'ajch'ojirisaj y xuya' jun k'ak'a' k'aslen chiqe.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.