Ex 30:13 - Kaqchiquel Bible

¹³ Jak'a méro re' ri k'o chi nikiya' chikijujunal ri xke'ajlex; k'o chi niya' richin sipanik, jubama nik'aj onza saqipueq richin rutojbal ri kik'aslen chuwe yin. Y ri etabel richin ri sipanik achi'el ri etabel ri nikusex chupan ri jay wichin yin.

Ex 30:13 ပူးပေါင်းရင်းမြစ်များ

Wuj Richin ri Chojmirisabelri'il 27:25

Ronojel ri rajel ri niya'ox xtetex rik'in ri etabel ri ek'o chupan ri wachoch.

Wuj Richin ri Q'axanri'il 3:47

kan k'o k'a chi nitoj ka'i' onza saqipueq richin chi yekikol chikijujunal. Y ri saqipueq kan k'o chi nipajon achi'el ri etabel ri nukusex chupan ri wachoch yin.

Ez 45:12

Y keri' chuqa' k'o chi nik'oje' jun marco ri kan tz'aqet.*f15*

San Mateo 17:24

Toq ri Jesús y ri rutijoxela' xe'apon ri pa Capernaum, ri yemolo ruchi' ri méro*f24* ri k'o chi nimol pa rachoch ri Dios, kan xe'apon k'a rik'in ri Pedro y xkik'utuj chire: ¿Ri itijonel nuya' ri méro ri k'o chi nutoj rija' richin pa rachoch ri Dios?, xecha'.

Ex 38:26

Konojel k'a ri achi'a' ri xe'ok chupan ri ajlanik ja ri k'o juwineq kijuna' pa jotol, e 603,550 konojel y chikijujunal re achi'a' re' xkiya' ri k'o chi xkiya'. Y re' xetex k'a rik'in ri etabel ri nikusex chupan ri jay richin ri Dios.

San Mateo 27:24

Toq ri Pilato xutz'et chi xa man jun chik nitikir nuben y ri winaqi' xa xkichop janila nikiben, k'ari' rija' xberuk'ama-pe juba' ruya' y xuch'ej ruq'a' chikiwech konojel ri winaqi' ri ek'o chiri' y xubij: Yin man jun numak chire ri rukamik re jun chojmilej achin re'. Ri' xa jak'a rix, xcha' chike.

San Mateo 21:12

K'ari' ri Jesús xapon k'a pa rachoch ri Dios; y ri chiri' chuwa-jay xeberelesaj-pe ri k'ayinela' y ri loq'onela', xeroqotaj k'a pe konojel ri jaloy-ruwech méro, xerutek'mayila' k'a ri ki-mesa. Y keri' chuqa' xuben kan chike ri kich'akat ri k'ayil taq paloma.

Wuj Richin ri Rutikeribel 23:15

Tawak'axaj k'a wajaw, ri ulew rajel xaxe lajuj libra saqipueq. Re' xa man jun ok rajel chiqakojol roj. Tamuqu' k'a ri akaminaq chiri', xcha' ri Efrón.

Ex 30:14

Konojel k'a ri achi'a' ri xke'ajlex ri k'o chik juwineq kijuna' pa jotol, jari' ri xkeya'on re sipanik re' richin tojbel chuwe yin.

Ex 38:24

Ronojel ri q'anapueq ri xukusex richin chi xban ri samaj, kan ruyon k'a sipanik kichin ri winaqi' y xuk'uaj k'a juwineq ka'i' quintal y re' xpaj k'a rik'in ri pajbel ri nikusex chupan ri jay richin ri Dios.

Wuj Richin ri Chojmirisabelri'il 5:15

Wi k'o jun chiwe rix ri xtumestaj ta chi k'o chi nuya' jun sipanik chuwe yin, y toq xtunabej chi xa xmestan, xtuk'en k'a pe jun achij karne'l o jun achij tzuntzun e tz'aqet, richin nok ruk'exel ri mestan. Y keri' ri rubanik richin xtitoj ri sipanik ri xtimestex. Y chiri' xtikiya' k'a jun rajel ri chikop richin ruk'exel. Y pa ruwi' ri chikop ri nuya', k'o chik chi nuya' juba' méro ri ruk'exewach ri ro' chire ri rajel ri xtz'et chirij ri chikop. Y re méro re' xtujech k'a pa ruq'a' ri sacerdote. Y ri chiri' pa wachoch, chiri' k'o-wi ri qitzij etabel richin ri k'o chi nutoj kan. K'ari' ri sacerdote xtusuj ri chikop richin jun kamelabel roma ri ch'a'oj ri'. Y kan xtikuyutej k'a ri rumak, y nink'en chik ruwech ri wineq.

Wuj Richin ri Chojmirisabelri'il 27:3

Wi jun achin ri najowex nikol-el y ri achin ri' k'o chik juwineq rujuna' y man jani titz'aqet oxk'al rujuna', rija' xtutoj juwineq onza saqipueq;

2 Rey 12:4

Y k'o k'a jun q'ij ri Joás xubij chike ri sacerdote chi tikimolo' ruchi' ri méro ri kan k'o chi nikitoj ri winaqi' ri k'o chik kijuna', ri richin kolotajik y ri sipanik ri nalex-pe pa kánima.

Wuj Richin ri Q'axanri'il 18:16

Ri kolbel kichin, nitoj k'a toq kitz'aqatisan chik jun kik'. K'o chi nitoj kan ka'i' onza saqipueq, y k'o chi netex rik'in ri etabel ri nukusex chupan ri wachoch yin.

2 Rey 12:5

Y xubij chi ri yemolon ri méro tikijacha' pa kiq'a' ri sacerdote y ja rije' ri ke'ukusan richin nikichojmirisaj ri rachoch ri Jehová, ri akuchi e paxinaqi-wi.