Ex 30:12 - Kaqchiquel Bible

¹² Toq xke'awajlaj k'a konojel ri awinaq, chikijujunal k'o chi nikiben jun tojoj chuwe yin roma ri kik'aslen, richin chi man jun ruk'ayewal tiqaqa pa kiwi' ri ruk'amon-pe kamik.

Ex 30:12 ပူးပေါင်းရင်းမြစ်များ

1 Crón 21:1

K'o k'a jun q'ij ri Satanás xyakatej k'a chikij ri winaqi' israelita y roma ri' xubij chire ri David chi tutaqa' kajlaxik ri aj-labal.

1 Crón 21:12

Tacha' jun chike re oxi' ruk'ayewal re' ri xtinbij-apo chawe: Ri nabey, oxi' juna' wayjal; ri ruka'n, oxi' ik' ri yixch'akatej koma ri etzelanel iwichin; y ri rox, oxi' q'ij ri kan ja ri Jehová ri xtuya-pe ri tijoj-poqonal rik'in ri ru-espada. Toq rija' xtutzeqej ri ru-espada, kan jari' xtiqaqa jun nimalej yabil pa kiwi' konojel ri winaqi'. Yin Jehová xtinkusaj ri nu-ángel richin xtuk'en-pe kamik pa ruwi' chijun ruwach'ulew Israel, nicha' ri Jehová. Roma ri', rat David tach'obo' k'a jebel ri achike nabij-el, richin keri' yin xtinbenbij chire ri Jehová ri in taqayon-pe, xcha' ri Gad.

1 Crón 21:14

Roma ri' ri Jehová xuya' k'a pe jun nimalej yabil pa kiwi' ri achi'a' israelita, y xeken, e 70,000.

1 Crón 21:3

Jak'a ri Joab xubij chire: Ja ta k'a ri Jehová xtibanon chiqe richin xqojk'iyer ta más. Qonojel roj oj asamajela'. Roma ri', ¿achike k'a roma keri' nawajo' chi niban? ¿Achike roma naben chiqe richin yojmakun?

1 Crón 27:24

Ri Joab ral ri Seruiá xutikeriba' k'a kajlaxik ri achi'a', jak'a man xuk'is ta rubanik, roma ri Jehová Dios xyakatej royowal chirij ri tinamit Israel. Roma ri' xuya-pe jun nimalej rutojbalil-mak, y roma ri' man xq'alajin ta ri kajlabal chupan ri wuj richin ri e rubanobal ri rey David.

2 Crón 24:6

K'ari' ri rey xroyoj ri nimalej sacerdote Joiadá y xubij chire: ¿Achike roma man abanon ta chike ri e levita chi kik'amon ta chik pe wawe' ri k'o chi nikitoj ri winaqi' aj-Judá y ri aj-Jerusalem, ri ruq'aton kan ri Moisés, rusamajel ri Jehová pa qawi' roj israelita, richin niqachojmirisaj ri jay ri akuchi k'o-wi ri rujikibel-tzij ri Dios?, xcha'.

2 Crón 24:9

K'ari' xkiya' rutzijol chupan chijun rajawaren y pa Jerusalem chi k'atzinel nikik'uaj-el pa rachoch ri Jehová ri kuchuj, achi'el ri xubij ri Moisés, rusamajel ri Dios, chike ri winaqi' israelita pa tz'iran ruwach'ulew.

Wuj Richin ri Achin Job 33:24

Ri ángel ri' kan xtubij k'a chire ri Dios chi tujoyowaj ruwech, y man tuya' q'ij chi nibe chupan ri jul richin kamineq, roma xa k'o chik ri nitikir nikolon richin chuwech ri kamik ri'.

Wuj Richin ri Achin Job 36:18

Kan tachajij k'a awi', richin chi man yapuaqix, chuqa' man taya' q'ij chi man yatzaq pa ruq'a' ri beyomel.

Wuj Richin Bix Chire ri Dios 49:7

man jun chike rije' ri nitikir ta nukol ri rach'alal, ni man nitikir ta nutoj chire ri Dios ri rukolotajik.

Ex 30:11

Y xeri' ri Jehová xch'on chik rik'in ri Moisés y xubij chire:

Wuj Richin ri Q'axanri'il 31:49

y xkibij chire: Qajaw, xeqajlaj ri aj-labal ri ek'o pa qaq'a' y qonojel k'a ojk'o y man jun xken kan chiqe.

Wuj Richin ri Q'axanri'il 31:50

Wakami k'a jare' qak'amon-pe chiqajujunal jun sipanik chire ri Jehová. Ja ri jalajoj ruwech taq wiqobel e banon rik'in q'anapueq. Y wakami niqasuj chire ri Jehová richin matioxinik, xecha'.

San Mateo 20:28

Yin, ri xiqaqa-pe achi'el wineq chi'ikojol, man ninpoqonaj ta yisamej koma ri ch'aqa' chik, roma xa kan richin ri' toq xipe. Jak'a yin ri yiya'on ri nuk'aslen richin keri' e k'iy ri yekolotej, xcha' ri Jesús.

Marcos 10:45

Y keri' yin ri xiqaqa-pe achi'el wineq chi'ikojol. Yin man ninpoqonaj ta yisamej koma ch'aqa', roma kan richin ri' toq xipe. Ja yin ri yiya'on ri nuk'aslen richin keri' e k'iy yekolotej, xcha' ri Jesús.

1 Timoteo 2:6

rija' xuya-ri' pa kamik richin xutoj ri qamak qonojel. Y ri' xchap rutzijoxik toq xapon ri q'ij.