Ex 30:1 - Kaqchiquel Bible

¹ Tabij chuqa' chi xtiban jun chik porobel richin niporox pom y re' niban rik'in che' acacia.

Ex 30:1 ပူးပေါင်းရင်းမြစ်များ

1 Rey 6:20

Y ri jay ri' ri akuchi kan man jun wineq nok-apo xuben chire chi kaji' jaj rik'in nik'aj raqen, ri ruwech y ri rujotolen. Xutz'apej rik'in q'anapueq ri jebel ch'ajch'oj, ronojel ri ruwech ri jay ri' y xuben chuqa' ri porobel-pom rik'in tiox-che', y k'ari' xutz'apej-rij rik'in q'anapueq.

1 Rey 6:22

Xuya' k'a q'anapueq chijun ruwech ri rupan ri ka'i' jay, nitiker-el pan ulew k'a pa jotol-q'anej. Chuqa' xuya' k'a q'anapueq chirij ri porobel-pom ri k'o-apo chupan ri jay akuchi k'o-wi ri Jehová.

1 Rey 7:48

Chuqa' ri Salomón xuteq rubanik ch'aqa' chik samajibel ri yek'atzin chupan ri rachoch ri Jehová, y ronojel re' xeban rik'in q'anapueq, y jare': Ri nima-porobel-pom y ri ch'aqa' chik kokoj porobel-pom, Ri mesa ri niya'ox ri kaxlan-wey pa ruwi' ri nisuj chire ri Dios, Ri lajuj candelabro ri nibe aceite chupan ri e banon kotz'i'j chirij, y xeruya' chupan ri nima-jay chupan ri rachoch ri Jehová, wo'o' pa rijkiq'a' ri jay ri' y wo'o' pa rajxokon, Ri ch'aqa' chik lámpara, ri chojmirisabel ri kiq'aq'al y ri chupbel, Ri jalajoj kiwech bojo'y, ri cuchara y Ronojel ri bisagra richin ri nima'q taq ruchi-jay richin ri rachoch ri Jehová.

1 Crón 28:18

ri porobel-pom, y ri ruwachibel carruaje achoq chupan e ya'on-wi ri querubín, achi'el ri querubín ri ek'o pa ruwi' ri káxa richin ri rujikibel-tzij ri Dios.

1 Crón 6:49

Ri Aarón y ri rijatzul ja rije' ri yesuju chikop ri niporox chijun y chuqa' nikiya' pom pa ruwi' ri porobel-pom. Chuqa' nikiben ronojel ruwech samaj chiri' chupan ri jay ri akuchi kan man jun wineq nok-apo roma chiri' k'o-wi ri Jehová, ri akuchi ri Jehová nuk'en chik kiwech ri winaqi' aj-Israel, achi'el ri rubin kan ri Moisés, ri rusamajel ri Dios.

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

Ex 30:10

Xaxe k'a jun bey pa jun juna' ri xtiberuchojmirisaj ri porobel ri', chupan ri q'ij toq nijunamatej-iwech wik'in. Ri Aarón xtuk'en-pe ri kik' richin ri kamelabel richin nijunamatej-iwech wik'in y xtuya' ri kik' ri' chirij ri uk'a' ri ek'o chire ri porobel. Kan kere' k'a xtiban, tibe q'ij tibe seq, koma ri winaqi' ri e peteneq chi wiq chi tanaj. Re jun porobel re' kan xtijech k'a richin pa nusamaj yin.

Ex 30:2

Ri retabal jare': Ka'i' q'a'aj ri ruwech y kan keri' chuqa' ri raqen y wo'o' q'a'aj rujotolen. Chuqa' niban kaji' achi'el uk'a', ri pa taq rutza'n, ri pa ruwi-q'anej y re' nuch'akulaj-ri' rik'in ri porobel.

Ex 31:8

Chuqa' jeri' ri xkebanon ri mesa y ronojel ri niya' pa ruwi', ri candelabro ri xtiban rik'in q'anapueq y ronojel ri yek'atzin chire y ri porobel ri niporox pom pa ruwi'.

Ex 35:15

Xtikiben chuqa' ri porobel-pom, ri baloj taq che' ri uk'uabel richin, chuqa' ri aceite richin cha'onri'il, ri jubulej pom, ri peraj tzieq richin nutz'apej ruchi' ri rachoch ri Dios,

Ex 39:38

Ri porobel-pom ri banon rik'in q'anapueq, ri aceite richin cha'onri'il, ri jubulej pom, ri peraj tzieq ri nik'oje' chuchi' ri rachoch ri Dios,

Ex 40:5

Xtaya-apo ri porobel-pom banon rik'in q'anapueq, chuwech-pe ri tzieq tasbel rupan ri wachoch akuchi k'o-wi ri káxa. K'ari' xtatzeqeba' ri peraj tzieq chuwech ri akuchi niban-wi oken chupan ri wachoch.

Ez 41:22

wo'o' q'a'aj raqen, wo'o' q'a'aj ruwech y jun jaj ri rujotolen. Ri pa taq ruxikin, ri rutz'uyubal y ri chi kaji' ruwech ri porobel ri' e tz'apen-kij rik'in che'. Y ri achin ri' xubij chuwe chi re mesa re' richin ri Jehová.

Wuj Richin ri Chojmirisabelri'il 4:18

Ri sacerdote xtusu' juba' kik' chikij ri uk'a' ri ek'o pa ruwi' ri porobel-pom ri k'o chupan ri wachoch. Y re' xtuben chinuwech yin. Y ri ch'aqa' chik kik' nukaq'uj chuxe' ri porobel ri k'o pan okibel.

Wuj Richin ri Chojmirisabelri'il 4:7

Ri sacerdote xtusu' juba' ri kik' chikij ri uk'a' ri ek'o pa ruwi' ri porobel-pom ri k'o chupan ri wachoch, y re' xtuben chinuwech yin. Y ri ch'aqa' chik kik' nukaq'uj chuxe' ri porobel ri k'o pan okibel.

Wuj Richin ri Q'axanri'il 3:31

Pa kiq'a' k'a rije' xtik'oje-wi ri káxa richin ri jikibel-tzij, ri mesa, ri taq candil, ri porobel richin kamelabel, ri porobel pom y ronojel ri samajibel ri yek'atzin, y chuqa' ri tzieq ri achoq ik'in ch'aron-wi rupan ri rachoch y ronojel ri samajibel ri nik'atzin chire ri tzieq ri'.

Wuj Richin ri Q'axanri'il 4:11

Y richin nuk'uex-el ri porobel-pom ri banon rik'in q'anapueq, nikiya' k'a el jun raxroj tzieq pa ruwi' y chirij chik ri' nikiya' chik el jun sale'y jebejoj rubanik. Y k'ari' nikiju-el ri che' pa taq ruxikin richin chi utz nuk'uex-el.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.

Apocalipsis 8:3

Y xintz'et k'a chi peteneq jun chik ángel y ruk'amon-pe jun porobel-pom ri banon rik'in q'anapueq, y choj xbepa'e' chuwech-apo ri porobel ri banon chuqa' rik'in q'anapueq ri k'o-apo chuwech ri akuchi tz'uyul-wi ri Dios. Y xbejach k'a pe k'iy pom chire, ri xxol rik'in ri kich'owen ri ralk'ual ri Dios, richin chi xsuj pa ruwi' ri porobel ri'.